310 Like
3 Dislike
黑椒牛丸河
2019-02-20 21:25:24
墨說
2019-02-20 21:26:35
領袖生說下去:「件事鬧到好大,因為全港都有唔少女學生,發生同一件事。直至最近,係網上啲校園secret到,有人聲稱自己係其中一個失蹤者嘅好姊妹,寫啲懷念佢嘅文章,仲話失蹤嗰日曾經向某某男同學告白,可能因為感情問題而出走。」
「所以⋯?」小松緊張得,不自禁握住安放在旁的掃把。
「而我哋學校失蹤嗰位女同學,正正喺失蹤嗰告過白,向某個男仔同學。」領袖生徑自說下去:「所以有人推測出,集體失蹤案可能有關連,⋯⋯都係曾經告白嘅女學生。」
「你真係醒!我居然無諗到,應該要先搵下啲所有失蹤者嘅共通點先⋯⋯」小松用紙和筆,快速記錄下這個錯誤。
「其實我講你聽,都係有原因。」領袖生盯住小松,一副有話說不得的模樣。
「嗯?」
「你⋯你實在太⋯靚。」領袖生裝咳一聲,說:「我驚⋯咳,全校嘅男仔,會因為咁而向你告白,到時嗰個都失蹤哂就死。」
感性老母(有鳩)
2019-02-20 21:26:44
v14
黑椒牛丸河
2019-02-20 21:41:30
墨說
2019-02-20 21:44:52
「失蹤嘅共通點,係女性喎。」
「咁呢啲嘢小心駛得萬年船,唔擔保男仔都會出事⋯⋯」領袖生嘆氣,指住操場的方向:「頭先你你經過小食部附近,我已經即刻見到有幾條友,想用紙巾寫告白信咁嘅樣。」
「暫時共通點係:曾經告白、女性、學生,即刻好似收窄咗好多。」小松胡亂猜想:「會唔會係有隻女鬼好人哋拍拖妒嫉呢⋯⋯」
「小松,已經超越咗鬼怪領域。」我簡而直接,道出自己所想:「係紫魅生物。」
「你咁鬼肯定?」小松問。
「喺你無聊睇緊母親本書時,我都無聊睇過幾眼,佢符合咗紫魅生物一個條件。」我將條件內容,按照書中說出:「『有別於一般鬼怪妖魔,紫魅生物的出現及危害,會無差別於任何地方發生,沒有任何距離限制』。」
「宜一句係指⋯⋯」小松自行解讀:「唔似鬼同妖咁,只會出現喺凶宅或者特定地方,而係就算你日光日白喺大街路上,都有機會中招,只要你符合佢害你嘅條件。」
就是說,一般鬼怪出現在A中學害人,往後它們一般都只會繼續留在A中學害人。
但對於紫魅生物而言,在A中學發生,B中學或C中學都有機會發生,它們無固定的空間限制,就像無處不在,正是恐怖之處。
墨說
2019-02-20 21:54:53
「你同緊邊個講嘢⋯⋯」領袖生長有點害怕。
「同緊佢啊。」小松將我從紅通通的書包中,將我抱出來觀賞:「叫小葵,係隻純品野貓。」
「喂⋯」抱我出來前,給聲通知好嗎。
「哇!成隻貓一直喺你書包入面⋯⋯?」領袖生長嚇一嚇:「真係⋯第一次見⋯。」
「放佢行下先,趁宜到人少少。」小松將我放落地。
我第一件事是走到領袖生長面前,嗅嗅他身上有否危險的氣息。
「佢聞緊我隻鞋⋯⋯」領袖生長身體僵硬。
只有香香的皮鞋味,沒什麼特別。
「講返正題先。」小松坐在後巷一張,被廢棄的學生椅上:「你知唔知佢同邊個告白?」
「⋯⋯」
「唔?」小松瞪大眼睛。
「就係我啊⋯!」領袖生長像有嘔吐物一樣,好不容易吐出這句:「所以我先咁留意宜件事嘅發展⋯⋯」
感性老母(有鳩)
2019-02-20 21:55:10
墨b第時要校對有排搞
墨說
2019-02-20 22:05:03
「喔!原來就係你個打靶仔。」小松手指指,說。
「咩打靶仔⋯我只係學業成績好少少、操行好少少、思想成熟少少,先吸引到人鐘意⋯⋯我拒絕佢之後第二日,啲人話無返學我已經好內疚,後嚟仲話失蹤⋯我真係⋯」領袖生長頹然地,靠在圍欄上:「明明我無做錯⋯但個心就好似害咗人咁⋯⋯」
「其實啱嘅,無理由同鐘意自己嘅人一齊。」說罷,小松就走出後巷:「我係時候調查第二啲嘢,聽講佢班房養咗隻倉鼠?」
「係⋯聽講係養咗隻。」
經過一番交流,領袖生長就成為了小松學校的導遊,每到之處都給她介紹一次,直至來到小光姐姐就讀的班房。
由於尚在午膳時間,因此房門正鎖。
「不過我無入去嘅鎖匙⋯⋯」
小松將我從小窗戶,抱入到班房裡:「小葵!幫手開門。」
「咔」入班房後,我跳高拉下門柄解鎖。
二寶糖
2019-02-20 22:07:03
小葵會唔會食咗隻倉鼠
墨說
2019-02-20 22:13:21
「哇⋯好神奇。」領袖生長正為我感到驚嘆。
「小問題。」我不屑一答。
「佢係好神奇嫁,仲識得變人添。」小松率先進去,橫視班房一周:「倉鼠呢?Where is the hamster?」
小松翻開教師桌、打開眾學生的書包、看過垃圾桶,都沒有倉鼠的蹤跡。
「小葵仲唔聞下?」小松指示,並說:「我自己都聞到少少倉鼠穀糧嘅味⋯⋯」
「係有佢哋嘅味,但唔知喺邊。」因為這裡還混雜住男生的汗水,及女生的香水味。
「既然冇就走⋯俾校工老師見到,有誤會就唔好⋯⋯」領袖生長建議。
小松兩手放嘴邊,以加大聲量:「皮皮你喺邊吖?你好似叫皮皮啊可?!如果小光冇講錯。」
墨說
2019-02-20 22:22:58
「⋯」好像聽到很微很微的聲音。
「喔,皮皮喺上面啊。」小松腳踏桌子,凝視中央高處的投影機:「你做咩喺到呀!」
小松以責怪的口吻,說。
「吓!?」領袖生長更為驚訝:「點解你真係好似問完就知咁⋯⋯」
「我問佢喺邊,佢答我話食緊投影機啲電線喎。」小松小心翼翼地,將那隻仍在咬電線的小倉鼠捧於掌心。
小松聆聽動物的語言,可謂極其強大。
那隻叫皮皮的小倉鼠,是隻淺金色的倉鼠,兩隻齙牙和鼓鼓的腮子,是最好認的特徵。
「宜家要問你嘢吖,皮皮。」小松從桌子落返地面。
黑椒牛丸河
2019-02-20 22:28:02
黑椒牛丸河
2019-02-20 22:28:35
墨說
2019-02-20 22:34:05
「⋯」皮皮全身發顫,想從小松手中跳走。
「唔怪得知最近宜層有幾間班房嘅投影機壞咗,要換線。」領袖生長無奈插腰:「原來就係宜隻倉鼠,但佢點爬到咁高⋯⋯」
「皮皮你知唔知,王亮玉,阿玉。喺邊啊?」小松細問。
「⋯」皮皮的聲音,彷彿只有小松聽到。
「你哋⋯小松奇妙屋⋯⋯係咪一堆聚集住,能人異士嘅地方?」領袖生長不禁向我一問。
「你居然向隻貓發問⋯⋯」我沉笑數聲:「歡迎,進入「小松思考領域」。」
「皮皮你知道?咁你仲知唔知佢,最後一日出現嘅時候,係點?」小松續問。
墨說
2019-02-20 22:45:09
皮皮繼續發表講話。
「唔⋯」小松點點頭。
「你覺唔覺呢個畫面,好靚⋯」領袖生長突然蹲在我旁,說:「就好似一個純真嘅少女,用學校不多嘅午膳時間,天真咁同一隻倉鼠傾計做朋友,成件事好奇妙、好得意。」
「停止幻想吧,少年。」我拍他的臉。
「唔該哂你,皮皮,請繼續享用電線。」說畢,小松將牠放回到投影機上。
「真係知道咗啲咩⋯⋯?」
「皮皮話失蹤嗰日,阿玉留喺到同佢傾咗好耐計,仲飲泣埋。直到下午黃昏最黯淡嗰幾分鐘,有個少年出現。」小松豎起食指,說:「佢形容為高高瘦瘦!然後,佢走入班房,向阿玉伸出一隻手,就帶咗佢走。」
「自此就無再見過王亮玉返學!?」領袖生長問。
「嗯。」
「果然⋯!同電視講嘅一樣,係有疑犯拐走佢。」領袖生長急不及待說。
「唔係,嗰位少年並非人類。」小松說下去:「相信,係嚟自另一個世界。」
黑椒牛丸河
2019-02-20 23:06:26
唔通係上次俾假道學封印個隻野返返黎??
彩嫚公主
2019-02-20 23:07:53
個個美男子?
冰雪新地
2019-02-20 23:54:26
好似係叫美少年
我條女好撚正
2019-02-21 08:28:42
感性老母(有鳩)
2019-02-21 08:34:01
睇得太多伊籐潤二
阿呆
2019-02-21 10:49:57
#V#紫魅世界#14#小葵
阿呆
2019-02-21 10:50:27
應該係小松..?
一二三六點小
2019-02-21 10:57:07
多文到傻左?
新讀者留名
我係黎睇故
2019-02-21 12:16:18
物理鬼才
2019-02-21 12:54:04
紫魅世界都係v14既研究