《小松奇妙物語！》（６）

「喔‧‧‧」小光收起手。

「原來小松你係咁對細路。」我說。

「我都咁對毛孩嫁。」小松微微一笑，輕撫我頭部。

「毛孩？」

「你咪毛孩。」

「你係咪又想我變人。」

「！？」小松露出少女的羞澀。

臉部那急速的透紅、心如鹿撞的眼神、短暫侷促的呼吸，一一呈現在她身上。

但很快，她就裝咳：「咳，但你宜家始終係我嘅毛孩～」

老實說，我也沒法靠自己變成人類。

「既然警方公佈咗疑犯，咁應該可以好快搵番你家姐，小光唔好太擔心。」小松將話題重點，放回他身上。

「真係‧‧‧？」

話語一落，客廳燈光不斷閃爍。

「連燈都壞埋？！」害怕的小松，下意識地抱住小光。

小光抬頭，有些憂心：「再係咁閃可能會跳制。」

「咁直接熄咗佢？」小松問。

「唔。」小光點頭。

「唔得！！！會出事嫁嘛！！！！」小松反應很大，並堅決拒絕：「我屋企至少話有啲毛孩喺樓下守護住，令我冇咁驚，宜到真係得小光你一個住，你真係唔怕！？」

「姐姐你驚嘅話‧‧‧‧‧‧」小光說了句，很成熟的話：「返屋企先啦，我自己一個都得。」

最後，小松飲泣地跟小光說再見，叫他有事要知會自己一聲。她說，之所以飲泣不是因為害怕，是因為小光要獨自留下來面對氣氛怪怪的屋子。

「可能間屋，單純唔歡迎你。」我仍是禁不住揶揄。

回家後，小松在深夜接到一則奇怪的來電。

這次來電，又是在一樓客廳那部陳舊的家庭式電話裡發出。

「又嚟！？」小松原本舒舒服服地，在床上看漫畫。

但那則來電，破壞了她的興致。

「小葵‧‧‧‧‧‧變做人！幫我落去接，話宜個號碼已經停用。」小松特別提點，說：「記住把聲要官腔啲！」

「傻的嗎。」我吐出，小松經常在手機回覆朋友的說話。

「吓！！」她差點激到在床上彈彈跳：「你居然話我傻的嗎！！！」

「雖然我唔知宜句咩意思，但有個「傻」字，所以總係覺得好適合形容你。」我照心直說。

「嘟‧‧‧嘟‧‧‧嘟‧‧‧‧‧‧」

電話仍在響著，等待人接聽。

「哎吔！唔想凍冰冰咁落床，接啲唔知邊鬼個半夜打嚟嘅電話呀！！」小松已經有過一次經驗，江小姐那一次。

見小松一直吱吱喳喳，不願落床，我便作她的帶領者：「我帶路。我都唔想俾呢啲隱隱約約嘅電話聲嘈住‧‧‧‧‧‧」

「小葵好勇啊！！」小松即刻掀開被子，跟在我身後。

明明體形比我大上不知多少倍，居然比我還害怕。

她以手機的照明系統，助我照亮前方的路。走過樓梯，便落到客廳可以接起電話。

小松接起：「邊位阻住我訓覺啊‧‧‧‧‧‧」

「‧‧‧」

「喂‧‧‧？」小松再問。

「‧‧‧」仍然無聲。

「我收線嫁喇，一、二！」

在說出「三」之前，電話另一邊廂的人，終於發出聲音：「你想‧‧‧搵番你‧‧‧‧‧‧媽媽？」

對方腔調扭曲，不像正常發音。

「你邊位啊‧‧‧」小松問。

「想清楚‧‧‧失蹤，所有真相‧‧‧包括你媽媽下落‧‧‧‧‧‧去追查全港校園女生失‧‧‧蹤案。」聲音依然怪異。

「嗶──」電話掛斷。

話雖如此，小松仍未放手。

還提著電話在耳邊，彷彿凝想對方剛才的話裡含意‧‧‧‧‧‧

7點都未到就想突撃我？

晚安墨b

背後0會唔會係小光家姐

死咗

ln

星期六無文？

這是常識吧

是

推

星期日呢？

係隔離

大概瞓醒起身就係墨巴嘅凌晨

錯啦 係去食午餐