《小松奇妙物語！》（６）

今晚出番小松，追女仔今晚會大結局完結了

等文

好耐都冇更新 哭哭

多謝墨巴

小松

想墨巴畀多啲機會舊角色出場

我都想
糖糖

終於追到要lm

糖糖對腳仔

睇嚟係腳膠 同我一樣

一定好香 有陣糖味

歡迎墨巴翻嚟小松身邊

１２點左右出

「咳⋯咳咳⋯咳⋯⋯」

「最簡單，拎佢身份證嚟睇。」阿星摸探假姜富娜的全身。

「星，唔好趁機抽水。」吳爹不屑地說。

「搵到⋯⋯」阿星掀開她的銀包，掏出一張身份證：「佢真正嘅名，叫洛欣。」

「假扮另一個人嘅身份，想點？」吳爹續問。

「放咗我⋯⋯所有錢都俾你⋯都俾你⋯⋯」洛欣倔強地展笑，想我們放過。

「點解要扮成一個死人，而且你同沈梓俊應該都有啲關係。」吳爹將她銀包裡的錢都取走：「再唔答，你腦袋要開花。」

「係⋯係⋯因為⋯佢鐘意嘅人，係富娜，我先⋯想扮成佢⋯⋯」洛欣交代。

「你將佢借屍還魂？雖然我喺佢身上聞唔到屍氣⋯⋯」吳爹疑問。

「鏡⋯碎鏡。」洛欣眼睛放空，說：「幾年前⋯有個女人將一塊碎鏡交俾我，同我講只要心懷欲念，就總有一日可以如願。」

「碎鏡⋯」小松和我，都應該聯想到「開心農場」的事情。當時擊敗「扭」的關鍵，亦在於一塊碎掉的鏡。

「好少聽。」吳爹含起一根煙。

「沈梓俊當年喺學校⋯係好出名嘅男仔。同校好多女仔，都暗戀傾慕佢，我都係之一，佢經常受好多告白信，直至白色情人節嗰陣⋯⋯」洛欣緩緩抬起頭，說：「佢突然殺死學校，幾十名對佢心傾嘅女仔，再畏罪自殺，宜件係曾經轟動一時嘅校園失蹤殺害案。」

「我後生嗰陣，好似聽過。」吳爹揮出一拳，打暈洛欣：「不過係咪事實嘅真相冇人知。人生嚟就狡猾、善忘，會自動腦補對自己有利嘅事實，欺騙自己。」

「咁吳爹叔叔⋯你都唔洗打暈佢出氣⋯⋯」小松又被嚇到：「一陣佢死咗我哋就變哂殺人犯喇⋯⋯」

「唔係，我要將佢送返去六號倉庫，廢時佢會亂咁大叫，暫時打暈佢先。」

「咁我哋咪變綁架犯！？」小松追問。

「無辦法，宜行就係咁。」吳爹反而問：「開始頂唔順？嘿，可以退出啊小松，正常女仔都唔會頂得到。」

「我⋯頂得到嘅！」

「你又會咁堅持？都未問過你原因。」阿星負責將洛欣背起。

「我想體驗同媽咪一樣嘅冒險。」小松答。

「同你媽一樣嘅冒險？咩意思，你屋企人都喺宜行立足？」

「我媽咪以前為咗哄我訓，都會喺床邊講故仔，除咗怪談，仲會講佢嘅一啲奇妙冒險！」

「有幾奇妙？」阿星好奇深問。

「佢同我講，因為人類同怪物不能共存，所以怪物存在喺另一個世界，而媽咪佢就喺嗰到冒險過一段時間。」

葵B

「哦⋯」

我很確定，阿星明明聽不懂，卻點頭裝懂。

「咁你呢，阿星？」小松轉問。

「我係⋯⋯」感覺上，阿星難以啟齒：「俾吳爹帶入行。」

「都睇得出。」小松盯住吳爹可靠的背影。

「阿星佢好細嗰個陣，屋企人就俾鬼怪殺咗，我同佢父母都算深交，所以喺佢十八歲可以脫離政府社署獨立嗰陣，我就帶佢行上宜條路。」一直走在最前的吳爹，說。

「其實我係鐘意打機、睇漫畫⋯⋯」阿星說得無可奈何一樣：「但佢就半迫半推咁，帶我入行。」

「弊在你玩嗰啲遊戲同睇嘅漫畫，都係關鬼怪嘅題材，你自己都放唔低吧，星。」吳爹淺笑。

回到小型貨車上，他們一如既往將暈掉的人，安置在貨櫃並封好膠紙、綁好繩子。

「帶佢返去，好似食人魔咁拷問佢啊⋯⋯？」小松心有餘悸。

「唔會，佢係人類，自然有人類嘅方法。」吳爹望望後方，仍未醒來的她。

「例如？」

「要潛入佢記憶，發挖事實真相，因為講大話係人類嘅天性，所以得宜種辦法。」

「記憶都可以潛入！？你哋有高科技設備？」

「靠好傳統嘅方式潛入。」吳爹將眼珠的焦點，落在小松身上：「好可能要拜托下你。」