《小松奇妙物語！》（６）

２點半

出

回到房間，小松向我道出電話內容。

「又係啲奇怪人，打過嚟向你求助。」我說。

「我媽咪‧‧‧同宜件事有咩關係？」小松少有地深思：「同埋警方唔係公佈咗疑犯咩？點解仲會叫我追查‧‧‧‧‧‧」

「咁你更加唔可以查，你會觸發詛咒。」我記得爺爺提及過的警告。

「即使係咁‧‧‧‧‧‧」小松低頭，望住旁邊的我：「我都覺得應該嘗試下。」

「‧‧‧」

「我實在‧‧‧唔想身邊，一直出現住關於媽咪嘅事，但係對於佢嘅下落，就一直不明。」小松彷彿吐出心聲：「好似呃緊自己，『佢係死咗，而我永遠都搵唔到佢』，我唔想好似接受咗宜個事實咁。」

「咁你諗住點做？」

「聽朝訓醒再講。」小松身子直接躺後，呼呼大睡。

翌早，爺爺如常地準備健康的早餐。

這位老人家煮肉確有一手，無論燻肉、炒肉、煎肉、蒸肉都難不到他，完全是個肉食主義者。但窩心的是，他會為自己的小孫女，炮製一頓全素早餐，不是燕麥片配牛奶那種，簡單直接的早餐。

而是在小花園裡用新鮮即摘的果實，製作顏色豐富的營養早餐。可能，這是小松為何那樣活潑的原因，聽說吃太多肉的人不是性情暴戾，就是懵懂非常。

小松一落樓梯，便向爺爺問：「部電話有冇回撥功能嫁，爺爺？」

「宜部嘢‧‧‧‧‧‧」爺爺盯一盯那部陳年電話，說：「無用好耐喎。」

「咁有冇回撥功能吖？」小松想致電回去，給昨夜的人。

「唔知啊，以前得博子會用宜部電話，係佢專屬。」

「得媽咪會用？」小松意想不到，拿起家庭式電話研究：「咁佢用嚟做咩？」

「傾生意囉。」爺爺拉開椅子，拍拍椅座：「小松～嚟食嘢先，唔食嘢邊有氣力研究部電話！」

爺爺的說話方式‧‧‧‧‧‧

好像為小松而改變了。

「爺爺講得啱！」小松同意他的說法，即乖乖坐到椅上進食。

「小松，你考完試未？」兩爺孫普通的日常對答。

「考完啦～」

「你真係長大啦。」爺爺一臉感慨。

「長大？我係永遠十七歲嘅少女！我永遠要伸手問爺爺拎零用錢！」說畢，小松真的伸手向爺爺。

「哈哈哈哈，小松最近唔去「松記」幫手？」

「我唔想日日去寶琳開工啊，好遠呀呀呀～」小松抱怨車程的距離。

「小松～人生就咁嫁喇。」爺爺指點她做人的道理：「你要諗嘅係點樣令嗰程車，變得有意義。」

「你咁勁，你一定識得乜嘢瞬間轉移之術嘅爺爺！」小松合上手誠求。

「你當爺爺係撒亞人啊！？我不過係個驅魔者，仲要退咗休。」

「既然你名氣咁大啊，應該要帶我出席乜嘢驅魔同盟會之類嘅上流宴會啊嘛！」小松一躺到地板上，那隻狗、那隻兔、那隻鳥就立即接近：「你睇我，幾受歡迎。」

「係有，不過我哋唔會出席，因為我只係想你做一個，識得自保嘅平凡人，而唔係同其他人打交道嘅行內人。」爺爺見小松被動物團團圍住，竟走過來輕撫我的頭。

「死開！」我馬上打他的手。

「哇‧‧‧‧‧‧佢好惡咁喵我喎。」爺爺愣住。

想像到小葵打爹爹個畫面就想笑

「當然～」小松理所當然地說。

「部電話夜晚嘈到你？」爺爺視線放到那部舊電話上：「我幫你拆咗佢囉，反正宜嫁得閒。」

「咁又唔好！」小松坐起身：「既然係媽媽嘅嘢，就留低。」

「喔～好。」爺爺不禁說起往事：「博子佢啊，以前成日用宜部電話，接觸佢生意上嘅人，但估唔到宜家仲有人會打俾佢，我仲以為因為嗰個詛咒，佢已經成為咗超自然界，絕不提起嘅禁忌。」

「生意？媽咪唔係教人嫁咩？」

「嗯～佢身份之一的確係教授，但另外佢有一個身份，係專門幫人解決靈異問題，正確啲講係關於「紫魅生物」嘅靈異問題。」

「點分得出係咪「紫魅生物」啊？」

「好容易～你宜種年紀，應該喺學校同唔少同學傾過「都市傳說」宜類事情？其實大部份「都市傳說」嘅怪物，都係嚟自「紫魅世界」。」

「都市傳說‧‧‧‧‧‧」小松愣一愣，說出自己見解：「所以媽咪就係幫人解決，受都市傳說怪物纏上嘅人？」

「可以咁講，由於宜種「怪物」，同我哋對付嘅惡魔、狼人、幽靈、食屍鬼、結構生物、不死族、巨魔之類唔同，佢哋唔需要傳宗接代，所以唔係普通驅魔者解決到，因為佢性質實在太不明，只要對付一次，下次都總會出現。」

「嗯嗯。」小松坐得很直，證明她聽得很入神。

「所以，你媽咪喺宜個領域學問上可以咁出名，因為佢係第一個發表多種關於「紫魅世界」理論嘅人，亦基於都市傳說貼近現代，所以以前好多外國電視公司，都請佢上節目演講。」

「相對之下，驅魔者好似幾慘咁喎，乜福利都無嘅，好似吳爹叔叔咁破產都有‧‧‧‧‧‧」

「因為「驅魔者」，某程度上就係保護人類免受其他邪惡物種侵犯嘅職業之一。」爺爺頭抬高一點點，自傲地說：「稱為上帝喺凡間嘅使者，都不失為過。」

「小葵，呢啲叫老鬼心態‧‧‧‧‧‧」小松悄悄在我耳邊說。

爺爺臨回自己屋子前，多問一句：「小松，吳爹、扇柔、假道學，有冇指導過你宜幾日。」

「扇柔有囉，其餘兩個都無。」

「咁又係，扇柔係陰陽師，相對嚟講比較清閒。」爺爺雙手放腰後，默默回去：「另外兩位，可能就忙啲‧‧‧‧‧‧」

見爺爺離開，小松馬上摸住那部陳舊電話：「原來媽咪有用佢嚟接生意‧‧‧‧‧‧！」

「你想點？想壯大自己嘅「小松妙妙屋」？」我問。

「係「小松奇妙屋」囉！」小松糾正。

「我印象係叫妙妙屋‧‧‧‧‧‧」

「死喇‧‧‧」小松激動地按頭：「俾你個死人小葵搞亂到‧‧‧‧‧‧我都唔記得當初係叫奇妙屋定妙妙屋添‧‧‧！！」

「等等！唔係諗宜樣嘢嘅時候，係回撥俾琴晚嗰條友嘅時候。」小松制止自己為無聊事苦惱。

「你識用？」

「宜個世上，有樣嘢叫試嫁嘛～」小松安坐在沙發上，把電話的鈕鍵通通按上一遍。

由於使用太久，印在鈕鍵上的字樣都脫色了，因此小松需要逐個鍵去嘗試。

摸了一陣子，小松總算分得清１－９的數字鍵。

「我都係放棄！」小松突然收手。

「咁快？」

「佢要打自然會打嚟，我宜家要壯大小松奇妙屋。」小松回到樓上。

「點壯大法？」

「調查下校園女生失蹤事件囉，我都可以好似媽咪咁，幫人解決奇異嘅事情嘅。」

「邊到著手？」

「小光家姐間學校，至少我哋知道佢家姐係喺嗰到失蹤。」

咩係結構生物

魔像的一種

破！

留名

推

屌
眼殘睇左做《小松妙妙物語》