《小松奇妙物語！》（６）

其實小松嘅天職係做蜘蛛俠

墨b今日唔通去慶祝情人節

「嗚‧‧‧啊‧‧‧呀嗄‧‧‧」被紅線綁緊後，背後靈即吐出哀痛之聲。

「姐姐‧‧‧」小光眼見周圍的情況，擔心不已。

小松盡一己之力，想將背後靈綁緊。但對方虛浮無形的身體，則一直向外迫出，似乎不甘束縛。

「嘶～～～」我亮出貓爪，跳往背後靈身上一抓。

抓個空。

對方不是實體。

但紅線能將對方綁住。

背後靈哀痛不斷，場面就越近乎失控，直至背後靈自身破開紅線，可怕的叫聲才終止，但升降機正急速下降‧‧‧‧‧‧

「啊啊！！！」這離心力，使小光驚喊出來。


「叮！」停。

在不到數層，就直墮糟下。

可這危緊關之中‧‧‧‧‧‧

升降機又及時停住了。

推

不知上天眷顧，還是純屬幸運，二人算是有驚無險。

只是，背後靈逃脫了。

小松像力脫般，坐了下來，連說話的力氣也使不上‧‧‧‧‧‧

頭一次，見她辛苦成這樣子。

「姐姐‧‧‧！？」小光搖搖小松。

小松需要些時間恢復，她連目光也很渙散。

這情況下，小光決定將小松帶到家裡休息。

「啱啱‧‧‧好似，同佢鬥緊咁‧‧‧‧‧‧」這是，小松的第一句說話。

「點解你會諗到，突然要用紅線綁住佢。」小松的行動，實在太過突然。

「就係有種直覺‧‧‧叫我要咁做，必須要咁做‧‧‧‧‧‧！」見小松說話方式，她應該逐漸回復過來了：「小葵，有咩事係你見到，會必須做！？」

「秋刀魚。」我默默吐出一句，然後不禁舔舔嘴巴貪婪一笑：「必須吃！」

「姐姐，我一開以為你演默劇啊‧‧‧‧‧‧」小光放下書包，說。

「雖然我有演藝細胞，但唔會喺升降機表演咁變態。」小松抱手，道：「你屋企得你一個？」

「係啊，暫時係。」小光住的地方，是那種陳年公屋。

一行出走廊，可見到井字型結構的公寓。

家裡沒多餘的物品，電視仍在用「大牛龜」那種，沙發下放有多罐盒裝餅乾，一旁則設置住神主檯。

「宜個係‧‧‧‧‧‧」小松無意望見神主檯裡供奉的對象，是已離世的長者。

「我公公同婆婆，佢由細照顧到我哋大架。」小光於廚房、客廳來來回回幾次：「宜家我就自己一個。」

「可以嫁咩你‧‧‧‧‧‧」小松多打量他幾眼：「細路嚟渣喎？」

「得～」小光說出：「我姑媽逢星期日嚟宜到一次，俾完五百蚊生活費我就走。」

「咁冷清‧‧‧」小松伸出半個身，望望走廊：「難怪你日日嚟棋社，至少有啲老人家講嘢嘅聲。」

「係啊，同埋嗰到嘅職員姐姐成日請我食嘢，麥茶又可以免費任飲。」小光平日在下面扮沉默，沒想到背後原因竟是如此！

「真係慘‧‧‧你肯定好耐無食餐好。」小松走入他的廚房，橫盯各廚具調味用品：「目測曱甴兩隻，至少三種醬料過期。」

「姐姐，你係咪叫小松？」小光從雪櫃拿出個魚柳包，放在微波爐加熱：「同埋整唔整個？我買咗好多。」

「唔洗啦‧‧‧‧‧‧」小松彎身觀察，廚房的雪櫃：「不過‧‧‧你都幾多垃圾食物喎。」

「平嘛。」

「叮」一聲響起，加熱完成。

「不過頭先真係嚇死我！」小光拿出魚柳包，大口大口地咬：「你頭先咩乜見唔到？」

「見唔到，有其他嘢咩？」小光質疑起來：「我淨係見到你好型，表情好專注咁。」

「原來你都唔怕生嘅～」小松輕輕撞他的肩膀，轉移話題：「第一次就帶人返屋企。」

「我啱啱見你呆呆哋渣‧‧‧‧‧‧」

「有時候自己一個住哂成間屋都幾慘，好似我咁。」小松坐於廚房，背靠櫃子跟小光談天：「某程度上你同我一樣人嚟嘅！一激發下你，啲講嘢本能就出哂嚟。」

倏地，小光像看見什麼，偷偷一笑：「嘿！姐姐，我講一件事出嚟，但你千奇唔好大叫。」

「咩啊？」小松表現得平淡。

「有隻曱甴喺你個頭上面！！」小光指住。

「哇～好驚吖。」小松裝作害怕，其後嘻嘻笑道：「傻啦，區區曱甴我點會驚，同佢哋做朋友都嚟唔切！」

「呃‧‧‧‧‧‧」這次，真的換小光愕然了。

小松讓蟑螂爬到其掌心，在放到面前說話：「曱甴先生～呢到好唔好住啊？」

「好好住？因為主人唔會打掃做家務？」小松真的能夠讀心，動物的心。

但在小光看來，這畫面既怪異又好笑，使他臉上形成一種很複雜的情緒，想笑又不是，想怕又不是。

「唔阻你喇。」小松把蟑螂放走。

「姐姐‧‧‧」小光的包餘下最後一口，都不敢吃下去：「你真係同隻‧‧‧曱甴‧‧‧‧‧‧講‧‧‧講緊嘢？」

「當然，呃你有寶咩。」

「吓。」

「呢啲係姐姐嘅天賦，你係學唔到的了～」小松微笑。

「如果我都識聽，咁我都可能可以知道，我家姐去咗邊‧‧‧‧‧‧」黯然的小光，將包掉走。

「你失蹤嘅姐姐？」

「係‧‧‧」

「何解啊～？」

「因為家姐以前‧‧‧成日同我講，自己班房養咗隻倉鼠叫皮皮，所以我戇住‧‧‧‧‧‧」

「你家姐叫咩名？」小松問。

推

諗起black mirror有一集
有個女人係隻倉鼠面前殺左成家人
最後用機器讀隻倉鼠既記憶去搵兇手

曱甴咁核突

係甲由先生

罐盒裝餅乾----紅罐？

「人哋叫佢阿玉。」

「全名呢？」

「王亮玉。」

「小光，警察有冇點講？」小松以大姐姐的身份，關心著小光。

「佢哋話‧‧‧搵唔到‧‧‧‧‧‧又話已經係今個月，唔知第幾宗同類案件‧‧‧‧‧‧」小光越說越不安。

「女學生失蹤‧‧‧‧‧‧」小松思考著。

「電視新聞，最近有講。」我說。

「啊‧‧‧！係喇，最近網上係咁傳緊，叫女學生放學之後，最好快啲返屋企‧‧‧‧‧‧」小松恍然大悟。

「開電視先，越講我越驚‧‧‧‧‧‧」小光走出客廳，打開電視。

不知是否天意弄人，電視剛好正播出這宗失蹤新聞。

「警方已鎖定近日全城女學生失蹤案嘅疑犯。」接著，電視螢幕顯示出一個男人的大頭照。

「搵到疑犯！？」小松眼睛靠到電視好近。


「沙──！」

忽然，電視螢幕變成雪花。

這下畫面的切換，足以把小松嚇得屁股坐地：「哇‧‧‧！」

「壞咗？」小光拍一拍打「大牛龜」電視。

未站得切起身的小松，卻趕著爬去制止：「唔好打啊！小光！！你試下幻想電視都有生命！」

「吓？電視有生命嫁咩？」小光真的停住手。

「宜個未證實，都係假設，但小松姐姐我係唔容許孩子使用暴力！」小松舉住食指，嚴正聲明。