《小松奇妙物語！》（６）

「哇…個流浪漢舉高咗個細路女……」、「喂…拓也，洗唔洗去幫手？」、「你睇吓嗰邊。」、「阿叔好停手啦，我報警啊！」

「小松！」眾人云云的聲音裡，唯有一把迫切的聲線是叫住小松名字，那人是很久不見的阿妍。

本來身在二樓桌球檯的她，趁食人魔未將小松傷害之際，坐到樓梯杆上滑落到一樓，並握住桌球棍上前狠狠、精準地戳了食人魔的下陰。

「…」其下陰，發出不明的聲音。

「居然無事！？」阿妍從對方的表情上，看到自己的攻擊似乎無痛無損。

「為咗紀念高斯…我已經喺門口進行咗「黑暗六日」，我要打開食戒……」食人魔眼珠暴瞪，狂言：「一於成間機鋪嘅人…都食盡落肚。」

「吔！」小松不知哪來的一腳，將食人魔踢開。

「嗚…啊…好餓……」

「餓就去金魚街叫雞！！！」阿妍用桌球棍將對方怒毆：「未夠十四歲嘅細路女都搞！」

「阿妍好厲害啊…！」小松在後面拍手鼓勵。

食人魔有氣無力地哀求：「求…求求你哋……俾人咬一啖…咬完我就會即刻走……我真係好餓……」

「餓你老母！食麥克風啦！」阿妍從機鋪不知哪處，取了枝麥克風出來。

「嗚…」食人魔真的被強行被迫進食著。

「你當係朱古力咬咪得！」阿妍不顧路人圍望，「餵」他進食。

「我…我投降！嗚…嗚嗚嗚……」食人魔選擇動也不動了。

「垃圾。」我跳返落地，不屑地說。

「小葵……你完全係執雞。」小松瞇起眼。

「我一開始嘅攻擊都對佢造成暴擊傷害。」我回瞇她一眼，說：「至少……好過什麼「無力一拳」。」

說罷，小松立即施展多一次給我看：「無力一拳！」

「貓貓跳。」我用力一跳，就跳到她膊頭位置。

「哇…！嚇死人咩！」小松被我驚人的跳力嚇到。

另一邊，救駕成功的阿妍對小松舉起姆指：「無事嘛？」她抿抿一笑。

「無事。」小松抿抿微笑、點頭。

事後，阿妍將食人魔拉進機鋪，進行私人審問。由於我們見過吳爹是如何拷問食人魔，因此買來一隻油脾，就輕易將事情全盤托出。

該食人魔，自稱作「基里基里‧十三世」，算是食人魔階級的最低層，就是那些專以動物屍體、人類廚餘、路邊植物為食的食人魔。在食人魔界中，他十分仰慕高斯的大名（高斯在食人魔界十分出名，算是明星級別），於是便在其最後出現的地方，進行「黑暗六日」。

「乜撚嘢黑暗六日呀，忍撚夠你啦！中二病發作呀？又食人魔、又乜撚十三世，宜嫁嚟多個黑暗六日？你試下再嚟一次！」阿妍兇惡地警告。

「我只係一隻天真嘅食人魔，向來唔會以人類為食……」食人魔將視線，轉向皮膚細白的小松：「係因為你…實在……擁有令人難以抗拒嘅氣味……求你哋！將隻油脾放入我個口！！好似你啱啱將麥克風放入我個口咁！！」

「我就理得你乜嘢基里基里八七世。」阿妍一隻腳踏在桌球檯上，展示權威：「我就叫莫妍，全個油尖旺都係我老豆管。」

「阿妍你屋企人係撈黑？」小松悄悄問。

「啊，嗯啊。」她很坦言承認。

「難怪你咁型！咁霸氣！」小松一手將莫妍抱住，伏在她胸前。

「呃…哈哈哈…哈哈哈哈…」脾氣一時軟了下來，紅了臉的莫妍尷尬地抓抓頭：「小松都好純好乖巧！」

「但我要提一提你！唔係十四歲。」小松舉起食指提醒。

「嗚…餓餓…」被人用電線綁在桌球檯上的食人魔，不斷哀求著：「我要肉…要肉啊……」

「黑暗六日……」我開始思索著，這四隻字：「好似唔止一次，聽到宜一句嘢，小松繼續問問佢。」

「好！」小松站得直直，向食人魔提問：「阿基里基里，其實咩叫「黑暗六日」，唔准諗即刻答。」

「係食人魔界中……用嚟向更高級嘅存在表達尊敬嘅儀式。因為食人魔生性嗜食…少食一日嘢都幾乎會發狂，所以…所謂嘅「黑暗六日」就係代表……捱餓六日，以展示自己嘅決心同堅毅俾對方睇，係一種堅忍嘅…表達方式。」

「聽落真係幾痛苦……」小松托鄂細想。

「果然係小松，居然會陪佢一齊中二病。」莫妍苦笑。

這個莫妍才有病！不知道我們超自然界別的事情。

「基里，食啦。」小松將油脾餵向食人魔。

「嗚──！」對方大口將油脾咬住不放。

吃過肉後的食人魔基里清醒不少，至少不會一鬆綁就亂咬人的程度，更對小松懷了感恩之心。

「真係唔好意思…」基里向我們表示歉意，說：「仲等我啱啱想食咗你……」

「唔緊要，我知天生麗質難自禁。」小松表示認同。

「我宜家都只係盡量壓抑緊，自己嘅食意，因為你實在太芬芳。」食人魔基里低下頭，說：「相信就算你遇上另一個食人魔，佢哋都會對你毫不猶豫咁發狂攻擊，你要小心。」

「明白…但我有啲好奇。」小松想不通，也想不透：「點解你班食人魔會突然對我咁有興趣……明明之前我都相安無事咁發育成長緊……」

「因為，羅蘭…即係高斯大人，對你落咗標記。」食人魔基里說。

「標記？」

「一種，只有食人魔之間會互相感知到嘅認知。」食人魔基里指住腦袋，逐步解釋：「通常高級食人魔…通常係被族群認可，只要佢哋對某種「食材」即係某個人類感到興趣，就會產生「食慾」。宜種咁強烈想將對方食盡嘅慾望，就會傳遞俾成個族群嘅食人魔，令佢哋都感受到嗰個被標記者嘅氣味……」

「即係…」小松指住自己，說：「我已經俾人標記咗？」

「係……」食人魔基里灰冷地說：「宜個就係，所謂嘅「食人魔通緝令」。」

「有冇解除方法！？」

「無…就算有。」食人魔基里搖搖頭，顯得無奈：「都唔係我宜種，低級食人魔會知道。」

「我…我識嗰位，莫格金爾德嫁！」小松都很記得救命恩人的名字。

「食人魔之王！！！？」食人魔基里立即單腳跪下。

「呃，好似係。」小松答。

「佢嘅話…佢嘅話…肯定有辦法。」基里肯定地說。

「點解？」

「因為佢係無所不能！」

「……」

小松想了想，問：「乜食人魔族群都有國民教育宜一課？」

「我時間差唔多了…喺想食你之前，我一定盡快離開。」食人魔基里走落樓梯，暫別我們：「我要趁仲抑制到嗰陣離開……」

「真係奇奇怪怪……」一直坐在桌球檯上喝酒解悶的莫妍，目送他的背影。

「弊在我又陪佢奇怪咗一陣？哈哈哈哈。」小松哈哈大笑。

「小松就要有宜種屬性先討人歡心夠可愛。」莫妍微笑，問：「識打桌球？」

「唔啦，時候都差唔多！鐘聲響起歸家的訊號！」小松輕唱一句。

「咁……有時間，就約出嚟食個飯。」莫妍輕輕揮手、道別。

「再見！多謝阿妍你救咗我。」小松認真道謝一次。

莫妍送她一個隔空飛吻，就繼續專心在桌球檯上。

回到家裡去的小松，一脫鞋就進行吳爹委託她的任務，跑去詢問爺爺「夢僧」確實位置。

「佢喺大澳漁村嘅一座山廟上。」原本正澆花的爺爺，說：「因乜事吳爹要你去搵「夢僧」？」

「吳爹叔叔話要靠佢，先知道一個人講嘅係真話定係假話……」小松搶過爺爺的水壺，代替他澆花。

「夢僧確實有宜種能力。」爺爺欲言又止：「但係哈，佢會唔會幫……就係另一回事啦小松，事關佢從未踏出過寺廟。」

「未出過廟？成世人？」小松再三問。

「係，傳聞中係。」

「咁佢咪未去過迪迪尼同睇「嵐」嘅粉絲見面會囉……」小松擺出楚楚可憐的眼神，彷彿替人家可憐一份。

「佢唔需要呢啲咁嘅嘢……」爺爺神情無奈，續說：「如果你想搵到佢，就去大澳「靈隱寺」，冇記錯喺座山上面，要少少腳力。」

「好…」小松用手機記錄下來。

「吳爹又會將宜個任務交俾你，呵。」

「做咩啊？唔得咩？」小松抬起頭，問。

「可以，不過有啲奇怪。」爺爺繼續說：「始終……夢僧，都類近生人勿近。」

「唔係小松勿近就得喇。」小松望著爺爺：「不過你兩老真係奇怪，會喺到互相猜疑……」

「哈哈哈哈，做開驅魔嘅老行家，都有宜種老毛病。」

「你唔將今日嘅事，講俾老嘢聽？」我問。

小松返回房間，才回答我：「不了，免得佢擔心。」

「但事實上，你就係需要令人擔心，好多怪事都接住你而嚟。」我說。

爺爺成日都無肉不歡做早餐，唔通體內都潛在住食人魔特質

又繽紛

好多文

整返個烏鴉三文治先

多文到

BTW點解一個普通人會夠食人魔打

因為最cheap嘅食人魔同埋黑暗六日左 冇曬力
再加上妍係連人魚都打得贏嘅人

佢認真㗎

佢認真個時都係好繽紛

爺爺會唔會晚晚都襯小松瞓著左嗰陣

「用替身攻擊！」我準備好了。

wrrrrrrrrrrryyyy

「餓就去金魚街叫雞！！！」阿妍用桌球棍將對方怒毆：「未夠十四歲嘅細路女都搞！」

睇嚟墨巴好清楚

無駄無駄無駄無駄無駄無駄無駄無駄

今次墨巴實要跪玻璃啦

都冇囡 點洗跪玻璃

唔係有人說墨巴係偽毒 有女嘅咩