《小松奇妙物語！》（６）

「我嘅獵物，唔到你話事。」食人魔之王將剛才吃到的，都爽快地一一吐出：「不過話說回來，你真係好難食⋯⋯」

美少年略略思考數秒，就踏出天台跳下去，往那暗黑龜裂的位置躍下，並消失於內裡。

隨即，龜裂亦消失。

紫月亦漸轉回藍。

「世界⋯⋯正常番？」阿星留意到月亮的變化。

「唔係⋯」吳爹早就填充好子彈，對準眼前之人：「仲有一個。」

食人魔之王一轉身，那輕率的眼神就只放在小松身上。

「準備好⋯⋯我會盡耐爭取五秒時間俾你哋走！」吳爹一副死意己決的樣子。

「A級⋯？S⋯SS⋯⋯SSS級⋯⋯」食人魔之王無故地自喃，並且看來相當興奮。

「多謝你！」小松則沒頭沒腦地，向對方道謝：「救咗我哋。」

「哈⋯！哈哈哈哈⋯⋯」面對小松的道謝，食人魔之王只笑笑回應：「夢之食材，大概宜一世，我都唔會搵到另一個。」

「呯！！」吳爹終於開出一槍，食人魔之王輕易地側身閃過。

「呯！！」吳爹連續第二槍，又給他轉身避開。

「呯！！！」吳爹最後一槍。

這次，食人魔之王直接站到吳爹的槍口前，任由他近距離扣扳機。

近乎零距離中彈的他，竟絲毫無損。

硬朗而結實的肌肉，就像個血肉之盾。

「玩具。」食人魔之王徒手捏碎吳爹第二把霞彈槍。

小松隻豬要比人食啦

小松隻豬要比人食啦

好緊張 繼續出得唔得

「呃⋯」吳爹退後一、兩步。

眾人閉息，面對實力上無法超越的懸殊，都不敢張口。

「名。」食人魔之王直視小松。

「杞⋯小松。」她答。

繼而，他伸出那隻強而有力的手，想去觸碰小松頭部。

「嗄⋯」我緩緩地站起。

吳爹、滅潔達和阿星，三人都很清楚自己的實力，卻無力阻止，這才是最讓人震驚，最讓人痛苦⋯⋯

「⋯」沒想到，食人魔之王卻只是為她撥撥髮上的塵埃。

「⋯」小松也有些緊張。

「唔好整污糟自己，我會等你。」食人魔之王順手輕輕摘了她數根秀髮，說：「宜家嘅你，堪稱完美。」

隨後，他又將那幾根髮絲放到鼻前輕嗅：「但我覺得你仲生，熟咗會係另一種芳味，我會等你到十八歲嗰日。暫時，我就用宜幾條頭髮，止止口癮。」

「⋯⋯」

食人魔之王走到天台邊緣，又再細嗅髮絲。

「等陣⋯你叫⋯？」小松竟叫住他。

「啊？」

「你救咗我，都總要知道你個名。」小松說。

「莫格金爾德，我個名就得你知道。」說畢，食人魔之王即疾風而去。

More

「⋯⋯」一片沉默。

「即刻抄低！！「莫格金爾德」原來係食人魔之王嘅本名⋯⋯！！」滅潔達立即抄寫於手心。

「今鋪自資出電影都得啦⋯⋯」阿星按住雙膝，喘大氣：「親眼見過食人魔之王⋯⋯」

吳爹則躺在地上，汗流浹背的：「今晚發生咩事⋯⋯遇到咁多強敵。」

「小葵！」小松跑過來，抱起已變回貓咪的我：「要帶佢睇睇醫生，佢隻手仔都係血⋯⋯。」

「咁夜邊到有獸醫？」阿星問。

「我屋企啊！」小松說。

今次小葵變人嘅時候有著衫？

你睇唔到咩

我都想問

肉搏型方法驅魔

寫到個王咁型型

假假地都係王，點都唔會芥草咁嘅

推 好緊張

正

三人先為我止血，再送我上車接返回家。

「今日遇到嘅事⋯你有冇記錄低。」在車上，吳爹問。

「有啊⋯」身為司機的滅潔達，需要不斷超車。

「點解可以連食人魔之王都主動搵上門！！？」副駕上的阿星，不禁再三去問。

「你無聽到⋯⋯？」吳爹憂心不已，說：「佢將小松喻為「夢之食材」。宜個名詞，喺食人族界入面，每一代首領最終夢想，都係為咗尋找最美味絕頂嘅人類肉體食用，從而可以進化成「超半神」，同瓦普拉克地位相約。」

「瓦普拉克？」阿星不明。

「都叫你讀多啲書⋯⋯滅潔達，解釋俾佢聽。」吳爹現在，只想安眠小休一會。

「瓦普拉克，食人族之間共同敬重嘅神明，如果啱啱個食人魔之王莫格金爾德係傳說級嘅存在，咁瓦普拉克就係神話級嘅存在。」滅潔達解答。

「我曾經⋯喺食人魔法師，嗰三兄弟口中聽過宜個名，佢哋話要將我供奉俾佢。」小松憶述。

「估唔到咁多年以嚟，食人族都未放棄過復活自己遠古偉大嘅邪神。」吳爹細唸。

在滅潔達多次的衝燈下，很快將我送返小松石澳的家裡。

「小松你屋企有獸醫？」阿星一下車，先試著將閘打開。

「借一借。」小松用掌紋解鎖，再輸入電子密碼閘門才給開啟。

「哇⋯家下啲家庭咁高科技。」阿星用衣棠抹抹自己的手。

「係我哋先會住喺間爛鬼倉庫啫。」負責看車的滅潔達，說。

「驚唔驚個食人魔之王會吊我哋尾⋯⋯」阿星又疑神疑鬼問。

「吊？只要佢想，隨時殺咗我哋都得。」吳爹以黑色幽默回應：「你應該慶幸，我哋啲皮肉又皺又老。」

「睇嚟好似阿吳叔你咁，搞到成身屎味都不失為一個明哲保身好方法。」阿星點頭。

「痴線，我呢啲叫發霉芝士味！高級好多。」

兩人閒談之間，小松已經衝入屋裡尋找幫忙。

「爸爸！」

「爸爸！！」

「爸爸爸爸爸爸！！！！！」小松急忙地抱我上樓，在父親門外不安踱步。

「小松？」他父親很慢才開門。

「救救⋯！」小松將我抱給他。

「⋯」杞仁理性的目光，於我傷口上遊走。

然後，直接關門將小松隔絕於門外，再將我拿出寵物手術床固定於地板，並將我放上去。

杞仁將戴上手套、手罩，以輕微的大白燈照射著我，且在我身上注射了不明的針筒，就讓我暈死過去。

手術我不知過了多久，只知道當我醒來後，便是爺爺跟杞仁的爭執，兩人各帶語氣，在房間裡爭論。

「我叫咗！唔好俾佢接觸宜種事情。」杞仁摘下了眼鏡。

爺爺則一副悠然，靠在桌前：「無得避、無得擋，阿仁你仲未明？宜個係「杞」氏嘅命運，逃避唔到。既然小松早晚都會遇上，我寧願佢更早接觸，學識自保。」

「唔係宜個問題⋯⋯」杞仁手放腰間，一股怒氣：「你應該知⋯佢以前發生嘅事。」

「嗯。」

「一旦佢記番起，我驚佢。」杞仁手略顫，說：「會失蹤。」

「但我哋一家，就係要不斷逃避？」爺爺閒笑之間，表明決意：「唔係我作風。」

「爸，我已經查緊，小松宜家生活得咁開心，我唔想佢記番起曾經。」杞仁續說：「但佢宜家做緊嘅事，都有機會觸及過往嘅記憶，你應該清楚我部門嘅「洗腦」，唔可以１００％阻止記憶回溯。」

小松⋯

有曾經的過去？

休養數天後，我終於能從病床離開。

那一天，小松即以生日派對的形式，恭迎我康復。

就是戴住生日帽，口含哨子「嗶嗶──」地吹著。

「你出院了！恭喜。」小松拍掌之餘，用手機錄下我行出其父親房間的一刻。

「有咩大不了⋯⋯」我說。

「你情急之下，變咗人類保護喎！」小松將我抱起，輕撫於懷內：「雖然係無咩用，但我好窩心。」

一嗅到她的氣味，我全身繃緊就瞬間消除。

「宜幾日⋯冇咗我你咁無聊，邊個陪你。」我問。

「我同阿妤去咗迪士尼，同阿糖去咗瘋狂食松記幫襯自己屋企！去咗陪阿敏打羽毛球、去咗陪若情買新衫、去咗陪樂瑩同朋友喺沙灘玩！」小松看起來，很多姿多彩。

「但冇咗你，都冇咗意義。」小松將我抱得緊緊。

「點解要咁在乎我⋯不過就，一隻野貓。」

「喂，我當你係宿舍喺我家庭嘅同齡朋友嚟。」

有文