《小松奇妙物語！》（６）

早抖墨b

睇嚟要等到今晚

推

「唔好講咁多住。」小松再次掏出滿滿字跡的紙巾：「一陣我同你告白，你要拒絕我！明未？」

「喔⋯」阿楊表示明白。

「請你做我男朋友！楊同學。」小松每一次告白，都要九十度彎腰遞出紙巾，真的太有禮貌了。

「呃⋯我拒絕。」阿楊生硬地說。

「成功！」小松暗暗握拳。

「做⋯咩？」

「冇你嘅事喇。」小松拍拍他膊，以示感謝：「唔該哂！」

小松就這樣，拋下被利用的阿楊在空無一人的班房內，自己走去跟吳爹會合。

他們兩個在天台上，默默待到黃昏時段：「呵欠～唔知我會唔會真係失蹤。」

「失敗呢種事⋯好常有，就算唔得都唔好灰心。」吳爹取出一枝，以禮盒作掩飾的短削型霞彈槍，說：「我為咗對付吸血鬼⋯⋯都試過好多方法。你爺爺明明叫我教你自保方法，但居然嚟咗幫你消滅，我真係⋯⋯」


「呯──冰──！」突然，樓下傳來響聲。

「咩事？」兩人都回過神來。

好奇的小松把頭伸出天台外觀看，發現軴守校閘的校工，給打飛到有蓋操場的對出，衣服上混雜住玻璃碎屑⋯⋯

「呃啊⋯」校工痛苦地抱腹、捲身：「只係叫你哋⋯登記⋯⋯洗唔洗⋯打人⋯⋯」

「出現了！」小松驚呼：「要嚟綁架我嘅紫魅生物！？」

「不良學生渣⋯⋯」吳爹抱持觀望態度。

慢慢地，攻擊校工的人步出有蓋操場，讓我們看清楚了是何人所為。分別是兩個人，且皆為男性。

他們同樣衣衫襤褸，像剛出垃圾場出來一樣，皮膚看上去更是油油的，很久沒有洗澡。

其中一人，嗅了嗅：「喺⋯附近⋯⋯」然後，把頭漸漸轉向天台上。

四目交接。

那傷人的男人，瞳孔猙獰地盯住小松：「係佢⋯係佢⋯潔白細嫩嘅皮膚⋯⋯凝固⋯嘅油脂，就好似高級酥油茶嘅味道⋯或者霜降和牛嘅口感！」越說，他表情越是扭曲、瘋狂。

另一名伙伴更是垂涎三尺，唾液流得像電視裡的野獸。

「好餓呀呀呀呀呀──！！！！！！！」

他們瘋狂地撕叫！

「啊⋯吳爹叔叔⋯⋯佢哋好似盯上我啦！」驚慌的小松拍打吳爹手臂，讓他想想法子。

「佢哋唔似紫魅生物⋯⋯」吳爹沉靜地思疑，說：「佢哋似係⋯⋯」

對方不斷嘴嚼空氣，十分口癢。

在眾人還未反應得及前，其中一名雙腳已奮力一跳！跳上到一樓走廊的欄牆外。

「宜種跳躍力⋯宜種口水嘅份量⋯⋯」吳爹眼睛一銳，說：「係食人魔。」

「食人魔？！」

「走佬先！佢跳緊上嚟！」吳爹轉身便逃。

「等埋呀！」小松跟上。

「我去包抄佢⋯⋯」仍在地面的那名食人魔，則步向樓梯方向。

「一陣捉到要忍口⋯⋯」不斷往上一階樓層跳躍的食人魔，則興奮地道：「佬大唔容許我哋進食⋯但⋯但但⋯但⋯我咬一根手指尾就夠⋯咁就夠⋯！！」

「雪一般嘅皮膚！！！哈哈哈哈！！！！」即使相隔多層，在樓梯間都會聽到他們的聲音：「好耐未食過雪米糍口感嘅人類──！」

此時，學校廣播亦響起：「各位同學請冷靜留喺班房並反鎖門窗，校園有暴徒闖入，校方已經報警！請各位小心安全⋯⋯」

「唔通綁架女學生嘅就係食人魔嘅！！？」小松急問。

「你唔好問咁多問題喇喇喇，拎住先！」吳爹將短削型霞彈槍交給了小松。

「吓！！叫我拎住枝散彈槍！？」小松驚訝問。

「我搵緊子彈啊嘛！」吳爹正翻著背包。

「唔好跑太快，我會暈。」安躺於小松紅色書包裡的我提醒。

「小葵我差點遺忘咗你存在！幫我睇住把散彈槍先⋯⋯」小松想也不想，就將它塞進書包中。

「啊⋯」我被槍管戳到了。

小松係和牛質感

雪米糍

推

高級酥油茶

推

等等再出

「哇呀──」、「推咩推！」、「好臭呀！！」

樓下頻頻傳來學生的叫嚷聲。

「搵到⋯！子彈。」吳爹手握兩顆紅殼彈藥，急道：「小松！拉開槍托！」

「要殺⋯殺殺殺⋯殺人啦！！？」手足無措的小松，將槍交回吳爹：「還返俾你⋯⋯！」

「合作下喇！」吳爹用牙齒咬住兩顆彈藥，兩手扳開槍托與槍管，再將口中的彈藥恰恰吐到兩枝槍管之中：「之後⋯食人魔油⋯⋯加大傷害程度⋯⋯」

「呃啊啊啊啊啊！！！！！」跑樓梯的食人魔，終於來到我們面前。

而吳爹，仍在背包裡尋找著什麼：「食人魔油⋯食人魔油⋯⋯早知執下背包！」

「啊啊啊啊啊啊！！！」食人魔衝上樓梯。

「綁住你！！」小松伸出掌心，但紅線沒有冒出：「吓！？」

眼見食人魔即將要撲倒兩人，我便從小松書包登場，爬到小松頭頂再跳到食人魔的臉上：「小松二段攻擊──召喚小葵。」我說。

我亮出尖爪，往他臉上發力四撕：「嘶嘶嘶嘶嘶──！！！！」

「小葵小心啊！」小松呼喊。

「嗄呀呀呀！！！！」食人想被我的突襲弄致失去平衡，從樓梯跌了下去。

「小松對唔住，要犧牲一下你隻貓⋯⋯」期間，已找出食人魔油並倒入槍管裡的吳爹，正瞄準我們：「食人魔要打頭先最有效，我唔想浪費珍貴嘅子彈。」

「想殺埋我！？」我立即從食人魔油油的臉上跳開。

「呯！」下一秒，震撼的一聲。

血花四濺。

我感到全身被一陣熱包圍，原因是那食人魔熱呼呼的腦漿血液，都濺到我身上去。

回頭一望，剛才那唾液狂流的傢伙，已經變成「無頭魔」。

「仲未完⋯仲有一隻！」吳爹馬上填充子彈。

話語剛畢，那隻食人魔就從上一層的梯口出現，並徒手捏住吳爹頸項！

「啊！」小松退後。

「肉老⋯皮皺⋯⋯垃圾⋯」餘下的那隻食人魔，伸出舌頭舔舔嘴角：「但我都鐘意食⋯⋯係人肉就可以⋯嗄嘿嘿⋯」

「小松⋯！」吳爹把把霞彈槍掉落地上。

小松想彎身去撿之際，食人魔便一腳將它踩爛：「唔好打壞主意⋯⋯我可愛嘅目標⋯⋯」

「呀呀呀！！！」小松向食人魔施出無力的連續拳。

「嘿哈哈哈⋯就好似幫我抓痕緊。」食人魔本想將小松一腳踢開，但架式停住了：「唔得⋯唔可以將你踢死⋯⋯最新鮮美味嘅食材⋯要慢慢留到最後⋯活生生咁品嚐⋯⋯」

「啊⋯⋯」吳爹快要斷氣。

「阿叔！！」走廊那邊，阿楊正奔跑過來。

但亦早已，給食人魔注意到。

阿楊一來，便飛身出記飛踢。

食人魔不緩不急，伸出一腳與他腳掌對踢：「睇吓邊個大力！」

「咔噠」骨頭斷裂的聲音。

「呀啊啊啊⋯⋯！！」阿楊按住小腿大聲慘叫。

「放手啊你──！」小松緊緊地抓住食人魔。

忽然，食人魔臉色沉住了。

一瞬之間，


他全身被紅線所纏緊。

嘩！！！推呀！！！！！