《小松奇妙物語！》（６）

Push

究竟係師弟寫告白信定係小松寫

我都睇到好亂

以為自己中文冇用10幾年突然差了這麼多

我覺得應該係小松寫，可能係後面寫錯咗

墨b太眼瞓啦

loop咗幾次，仲以為眼花

好似吳孟達

Push

寫錯左我太累了

稍等片刻。

「小松師姐！！我寫好喇！！」師弟揮著告白信件，奔來操場。

「寫好啦？」小松接過信件，想了一想：「等陣⋯⋯你寫乜鬼信呀！係我要寫俾你啊嘛。」

「吓⋯咁你啱啱又叫我寫嘅⋯⋯」師弟愣然。

「邊有啊！擺到明你自作聰明喇。」吳爹加插一嘴。

「係囉。」小松鼓著腮子。

「咁小松啊⋯⋯你宜家快啲寫番一封，再向佢告白。」吳爹指指漸漸下山的太陽，說：「我驚過咗個時辰，就召喚唔到佢出嚟。」

「得！」小松搶過筆，再掏出一張紙巾在上面書寫：「唔好嘈我住⋯⋯」

吳爹趁機指點師弟，說：「嗱，一陣呢師姐就會同你表白，咁你拒絕就得嫁喇。」

「點解啊？小松師姐咁⋯⋯」師弟說出那隻字：「正！！！」

「你唔好理，只要信。」

小松快速將筆墨寫到紙巾之上，並向師弟遞出紙巾情書：「請你接受我告白嘅請求！」

空曠的操場、

明媚的陽光、

和暖的輕風。

師弟不加思索就回答：「我接受！」

「吓！！」吳爹、小松紛紛驚訝。

「我以後會盡男朋友責任⋯⋯」師弟閉著眼，訴說承諾。

但待他張開眼時，眼前只餘下空氣。

小松和吳爹見他接受後，早已跑到別處找人告白。

因為，要召喚出使女學生失蹤的紫魅生物，這條件似乎是必須達成的。

「我愛你呀！接受我嘛？」小松跟飯堂一名學生告白。

「哇⋯接⋯接受啊！雖然我係陽光少女嘅Fans！但今日開始係小松大人嫁啦！！！」

「啊啊啊～～求你哋拒絕我呀！」小松立即向另一個男生告白：「同學，可唔可以做我男朋友啊！？」

「可以！絕對可以！非常同意，同意同意同意！！！」另一個男生都像瘋了一樣答應。

「香港啲男仔可否俾番啲矜持呀！！！」小松又失敗了。

「試吓嗰個校工囉！唔一定話要學生嫁。」吳爹提議。

「同大過自己咁多嘅人表白，我做唔出啊。」小松抱住紙信。

於是，小松只好逐班逐戶去找男學生告白，一時間全間學校被她弄得滿城風雨，每每所到之地都震耳欲聾⋯⋯

「哇哇哇哇！！！！」小松正狂奔著。

「後面班友乜料！！」體形較胖的吳爹，跟在後面跑：「仲恐怖過俾地獄犬追！」

跟在我們身後的，是整整二、三十多人，全都是男學生，每個都搶著要小松用紙巾所寫的情書。

「我懷疑小松就係紫魅生物⋯⋯」我冒出了頭，偷看後方熱鬧的情況。

逃了好一會，忽然一班房有隻手捉住小松，將她拉進去。

「阿楊！？」

是那個被肥婆卡文交換小松身體後，給搭上的男同學。

「入嚟啊！」阿楊拉她入到班房，說：「點解咁多人追住你？」

「佢哋話前世未見過靚女喎⋯⋯」小松跟著進去。

「呢到！」阿楊打開一個長鐵櫃，讓小松躲進去。

走廊外陣陣跑步聲掠過⋯⋯

每次跟小松一起捉迷藏，都有些膽戰心驚。

待腳步聲遠去，阿楊才把鐵櫃的門打開：「應該安全⋯⋯」

「哇⋯唔該哂。」小松行出長鐵櫃：「你出現得真係及時⋯。」

「我都係咁啱返嚟教班學生補習，先喺到。」阿楊今天又有戴他的招牌紅頭巾。

同阿楊示愛？

阿楊

推

聽日一訓醒即出