《小松奇妙物語！》（６）

一段車程後，小型貨車終於駛入貨櫃碼頭。

從車裡望出去，大小相同、顏色鮮明的貨櫃堆疊得高高的。不少貨櫃人員，在附近進行記錄、查檢、搬運等工作，而這裡就像迷官一樣，四方都被高大的貨櫃所擋住。

「今日都係咁多嘢做。」吳爹觀望窗外的人。

「你唔嚟賺下錢？平時喺嗰間流露者之家有咩做啫。」滅潔達雙手扭盤，在碼頭純粹地駕駛遊走。

「大佬，啲露宿者啊日日喺街行，就最多情報收嫁嘛！緊係要聽到實喇⋯⋯」吳爹答。

「要入去喇。」滅潔達將車駛到貨櫃碼頭，某個偏遠的倉庫角落。

那裡環境冷清，像極堆放陳年舊貨的地方。

「落車。」滅潔達前去打開倉庫的門。

而剛才，一直在副駕睡著的人，亦終於醒來：「到啦？」他尚算個五觀端正的小子。至所以稱他小子，因為他外表像大人，但又有少年的氣質。

「阿星，幫幫手搬佢出嚟啊。」吳爹拉開貨車門。

「哇⋯食人魔啊？」阿星一見到，便問。

「見佢流哂口水咁都知啦，啲口水咁濃。」吳爹說。

「咁仲叫我搬？一陣啲口水滴哂落我身上咁點。」阿星反問。

「就係咁先叫你搬啊嘛。」吳爹拍一拍他的膊，說：「嚟喇！搬入去。」

「你咁絕情嘅⋯」阿星目送吳爹離開。

「小松，入嚟啊。」進入倉庫的吳爹，向她招手：「宜到就叫「六號倉庫」，成個貨櫃碼頭最靜嘅地方，平時都無人會過嚟嫁喇，我哋就喺到做驅魔工作嘅。」

「比想像中大喎⋯⋯」小松周圍觀視。

六號倉庫放滿各種看似簡陋的儀器，其中最多的是電腦、通訊設備等。跟現今新穎的電子器材相比，這裡用的似乎很落後。

「我就畫困陣，滅潔達你幫我問嗰班同行，最近嗰班「食人魔聯盟」，係咪又有咩新搞作⋯⋯集體綁架女學生嚟食。」說著，吳爹已蹲下身子，用粉筆在地上畫符陣。

而符陣中間，則放住一張用以束縛的鐵椅。

「讓開讓開⋯」阿星把仍然暈倒的食人魔，放到鐵椅上。

繼而將他的手腳，固定好在鐵椅的扣鎖上。

「搞掂。」

「喂，佢哋話「食人魔聯盟」嗰邊最近無咩搞作。」滅潔達回報。

這裡的傢俱，可以說是胡亂擺放。包括雪櫃、微波爐、洗衣機、電視、沙發、爐子、床單等，連馬桶都只得屏風作虛掩。

「咁得意？」吳爹從雪櫃拿出一條斧頭扒。

「有嘢食啊？」餓了一天的小松，問。

「係，不過唔係俾你食。」吳爹打開微波爐，將急凍過的斧頭扒放進去。

「如果你餓嘅，我宜到有能量棒。」阿星從枕頭下，取出一條能量棒零食：「接住！」

「哦⋯」小松雙手接住。

「平時叫請條我食都唔肯。」滅潔達馬上不屑：「女仔就即刻俾⋯⋯」

「過門都係客啊大佬。」阿星說。

「叮──」微波爐發出一聲響。

打開微波爐時，斧頭扒已轉變為肉色。

「煎一煎會好啲。」滅潔達提議。

「佢呢啲只係低級食人魔⋯⋯」吳爹盯住那暈迷的食人魔，說：「對食邊有高要求，係肉佢就鐘意嫁啦～」

「係囉，一陣哂油哂火。」阿星補充。

三個男人，如今都將焦點放到食人魔身上。

「喂！」吳爹手握斧頭扒，一記猛打在食人魔的臉頰上。

「吳爹叔唔係真係當係斧頭用啊⋯⋯」小松看呆了。

「噠」吳爹繼續用斧頭扒，毆打食人魔臉部。

來回三、四次，他竟然漸漸甦醒過來。

如果比蚊蚊蚊拷問都唔知要煎到幾時先煎完塊牛扒

「嗄⋯啊嗄⋯咳！⋯嗄⋯啊⋯」食人魔暈頭轉向的。

「肉啊，食唔食啊？」吳爹將斧頭扒塞到其嘴前。

食人魔見狀，雙眼即時暴瞪露筋！大咬了一口。咬合力驚人的他，一口就將三份之一的肉扒吃掉。

「唔⋯唔⋯⋯唔！」他滿足地吞嚥。

「想唔想再食啊？」吳爹問。

「唔！！要⋯再要！！」食人魔瘋狂點頭。

「邊有咁易啊。」吳爹隨手將斧頭扒向後一掉。

剛巧站在後面的小松，無意給被斧頭扒擲中了頭部。

「哎吔⋯」

「哇⋯咁都打中你啊。」吳爹聞聲轉身。

「冇事嘅⋯⋯」小松一臉難受：「係頭髮⋯油⋯啲啫。」

「呃呀呀呀呀呀啊！！！！！」食人魔見肉扒遠離自己，立即咬緊牙關動起大怒。

「我最鐘意拷問你宜啲食人魔⋯⋯因為總係會為咗一啲食物，就去動怒。」吳爹見他這麼辛苦，反而更感開心：「但同時，亦都好易誘惑。」

「呀呀呀呀呀呀！！！！！！！」食人魔仰天狂哮。

小松見到這樣的畫面，都不禁退到電視後。

「幫佢清醒番啲。」吳爹示意。

滅潔達便盛了一桶冰水，潑到食人魔身上。

「沙──」

「我知我哋人，就有人性。」吳爹將臉孔靠前，說：「你哋食人魔，就有食性，所以唔會要你難做，你肯合作就狗屎垃圾都有得你食。」

「嗄⋯嗚⋯嗄⋯嗄⋯」食人魔喘噓噓的。

小松留意到，旁邊的阿星像自己一樣，默默觀看著這場拷問，便走過去搭幾句話。

「你哋成日咁做架？」她問。

「都一時時嫁。」阿星雙手放後，端正地說：「好似上一次咁，就係隻吸血鬼，放幾滴血喺佢面前就令到佢咿嘩鬼叫。」

「估唔到你哋有咁嘅癖好⋯！」小松細細聲，問：「平時驅魔好大壓力！？」

「咁拷問法都幾爽嫁，但我哋重點都係想問出啲情報。」

「情報？」

「例如問宜隻食人魔，可以問出關於食人魔族群最近嘅動向，但當然好似佢咁低級，就預咗唔會問到大件事。」阿星繼續解答。

「首先問你一條問題，點解要襲擊嗰個女仔。」吳爹一來，便指住小松問。

「好⋯好食⋯美味⋯」食人魔回答。

「咁簡單？咁最近女學生連環失蹤案，又係咪你搞出嚟。」吳爹續問。

「唔係！！」

「證明啊。」

「我宜幾日都係食流浪貓⋯狗⋯完全無食過人⋯」

「通常被拷問嘅人，第一句都唔會係真。」吳爹走去將那塊斧頭扒踩踏著：「你睇吓塊肉⋯⋯幾冧幾軟熟⋯嘿嘿。」

「嗚啊啊啊⋯⋯！！！」食人魔唾液狂流。

「踩多幾腳，有鞋嘅香皮味更加正！」吳爹說著些，正常人都不會感到開胃的字句。

「呀呀呀啊啊啊啊──！！！！」但對食人魔，很管用。

「哈哈哈哈哈！！！」不知吳爹是真大笑，還是假大笑。

總之他的笑聲配合食人魔的哀叫，使場面凝造出一種強烈的壓迫感。

「我供！」食人魔終於道出這句。

「班女學生有救喇！」小松睜大眼睛。

「我嚟奉命捉佢⋯」食人魔盯向小松，說：「係「食人魔聯盟」落嘅通緝令⋯⋯」

「通緝令？我印象中可以落通緝令嘅，只有元老級嘅食人魔。」吳爹收起笑聲，覺得意態尋常。

「詳細我真係唔清楚！！！只係知道要活捉佢！！！」食人魔眼球近乎暴瞪，凝視著小松：「但直到見到佢⋯⋯我大概知道點解，佢有一身口味細緻嘅肉質感，蘊含嘅骨肉體香喺遠處都傳入我個鼻！！係最頂尖嘅A5級食材⋯⋯」食人魔不忘讚美小松。

「好，你已經講夠。」吳爹裝備好噴火槍。

「你⋯你做咩⋯⋯」

「今日對付你朋友，用咗我一瓶食人魔之油，當然要喺你身上拎番啲。」吳爹的坦白，讓食人魔感到恐怖。

「人類信唔過！！！」食人魔極力掙扎。

「最好唔好望。」阿星站到小松面前，為她掩蓋接下來的畫面。

「班失蹤嘅女學生真係唔關你事？」吳爹將噴火槍塞進食人魔的口腔內。

「唔⋯唔⋯唔關！放過我！」

「放過你，等你再一次去襲擊小松？我知道你哋食人魔食唔到嘅嘢，一定會不擇手段都要食到，覺悟吧。」

「蓬～～～！」火焰噴出。

食人魔的慘烈叫聲，猶如刻入每個人的耳中。滅潔達則需要放個空桶，在食人魔腳下，好讓皮膚燃燒出的油通通落入桶中，方便收集。

墨巴冇換帳呀
當唔當你騎劫好？

佢已經唔記得自己講過出故就一定會換ac

上個po #150 先講完

忘了 今次唔記

自己騎劫自己

食人魔係咪三兄弟嗰個

係

細緻嘅肉質感，最頂尖嘅A5級食材

小松係小葵架


我要墨B得啦

出文多左

墨b係我㗎



至多分隻腳比你