《小松奇妙物語！》（６）

Push

後生叫達哥？

照樣中午出　BTW 追女故預計在一星期內完結，到時會主攻番小松

食完澧食小松

又話星期六唔出

中午

你係咪唔記得＋8

推

回家了 沖埋涼出

係+12

十少年 燒烤大王

將所有法器儀具搬出後，吳爹就跟隨小松前往她的母校。

小松推測，要將該隻紫魅生物引出，就必須觸發所有失蹤者，都符合的條件──「告白」。

調景嶺，寶覺中學。

「點解揀宜間？」進入學校前，吳爹問。

「既然觸發條件咁闊，其實邊間中學都得。」相比起吳爹，小松兩手空空極之悠然。

「喂，阿叔，你邊到？做咩帶成堆嘢入嚟？」一位校工，上前查問。

「我舊生嚟⋯⋯後面嗰位係⋯⋯」小松迫不及待要為吳爹解釋。

吳爹不忙不慌，揮手示停小松：「我嚟約咗裝修。」吳爹掏出一張建築公司員工證。

但上面，確確實實印住他的半身照。

「裝修⋯⋯？冇收到通知喎⋯⋯」校工翻查記錄簿。

「或者⋯咳，我直接同校長傾。」吳爹指一指校園內：「我約咗佢喺小息部等，唔會走太遠。」

「咁啊⋯」校工思疑中。

「唔該哂你啊。」吳爹有意無意地，拍拍校工的前臂。

「好喇好喇。」校工放行。


兩人稍為行遠，才重拾談話。

「哇，吳爹叔叔你咁都得嘅。」小松平和地批判。

「呢啲叫食腦！做驅魔嘅，幾十張假身份證明必備喇～」吳爹單手打開銀包，展示內裡無數張偽造證件。

「真係專業！」小松目瞪口呆。

「基本嘢喇。」

「我爺爺都係咁嫁！？」小松問。

「你爺爺？嘿，佢已經差唔多係我哋嗰代最出色嘅驅魔者。」吳爹說下去：「小松你資質都唔錯啊，咁大隻貓都收到入書包裡面。」

安躺在紅色書包內的我，耳朵輕摺：「⋯⋯」在談論我嗎。

「咁點解你⋯⋯」小松打量吳爹。

「因為我冇佢啲神器啊嘛！你知唔知你阿爺杞木佢⋯⋯永遠帶住兩把刀傍身，一把叫「惡魔刃」，另一把叫「天使刃」，所以從嚟冇天使惡魔敢埋佢身。」

「猛料。」小松輕輕拍掌。

「等陣⋯⋯其實我哋行緊去邊？」吳爹問。

「唔知啊，見你行咪行。」小松答。

「吓！？我都係跟你渣喎，你地頭嚟。」吳爹仍在行走當中。

「咁不如我哋停啦！前面有班友打緊籃球呀！」小松拍拍吳爹手臂。

「你咁遲先講嫁阿女！半隻腳都踏入去籃球場啦！！」吳爹大罵。

就這樣，兩人胡里胡塗地混入到正進行比賽練習的籃球場中。

「喂⋯⋯你兩個其實可以停低咁講嘢。」我忍不住吐糟。

「傳波！等⋯有人啊！！」某學生傳球時，望不見兩人的走過。

「啊啊啊啊！！！！！」小松和吳爹都驚怯起來。

「小心！」球被前方一名男學生及時拍走。

球一拍，即飛到場外。

「哇，英雄救美咩細路。」吳爹收起驚怯，冷冷地說。

那男學生轉身，望向小松「冇事嘛？」舉起一隻姆指，露齒而笑。

「無事，你呢？」小松扶起他。

「莫非呢啲係愛情嘅感覺～」吳爹完全自說自話。

籃球場上，陽光猛烈。

經過這場小意外，學生們順便決定小休一會。

「你係咪⋯⋯無幾耐畢業嘅小松師姐？」男學生害羞地，抓抓腦。

「係！你識我？」小松今天深黑衛衣、黑間裙子、黑長襪子、黑色Converse，還紮了個雙馬尾魚骨結。

「你喺學校可以引發男仔暴動，點會唔知。」男學生草草作個自我介紹，說：「哈哈哈⋯⋯我係你師弟，讀中四。」

「師弟，你好啊。」小松抿抿一笑。

男學生立即神魂顛倒，雙眼被深深迷住：「小松師姐你今日返嚟有咩做⋯⋯」

「我要調查一啲怪事！」小松有話直說。

「任何怪事我都幫得上手！！！！」

小松左思右想，忽說：「嘻，師弟！我想你幫一個忙。」

「係！！願意效勞！！」

「我一陣寫封告白書俾你，你收咗之後請你拒絕，好唔好？」

「係！！！等⋯等陣⋯⋯要拒絕！？」

「無錯！要拒絕！狠狠地。」小松是想利用自己，引出紫魅生物。

「咁⋯」

「去寫啦、去寫啦！」小松推他去寫。

師弟則模模糊糊地，去飯堂寫封告白信。

現在，籃球場只餘下吳爹和小松兩人。

「小松估唔到你咁有吸引力⋯⋯」吳爹點點頭，對她加以認同：「同你媽媽一樣。」

「嘻嘻，一般般啦。」

「你學校好多男同學，都好迷你？」

「唔係啊，唔係嗰個都迷我嫁。」小松舉起七隻手指，說：「因為女童軍有七個，如果啱啱嗰啲男同學對我冇動心，咁唔係因為我唔好，而係佢哋更鐘意另外六個嘅其中之一。」

「七個女童軍？哈，原來你間學校都有「四朵金花」之類嘅名聲人物。」吳爹爽朗一聲笑。

辛苦墨巴

放假有文睇,正啊！！ 辛苦了墨巴！！

燒完烤仲寫文