《小松奇妙物語！》（６）

紅線，再次憑空出現將敵人束縛。

小松抓抱得越用力，那些紅線就越緊的收縮，使力氣向來強大的食人魔都不禁生痛，將快死的吳爹放下。

「啊⋯啊呀呀⋯！啊啊啊！！！」食人魔全身動彈不能，被完全束縛住：「到⋯到底⋯！！」

「你嘅能力⋯」吳爹迷糊地，看著小松將食人魔抓住。

「放過我⋯⋯好痛！！！」食人魔瘋狂大喊。

「小松⋯⋯」吳爹緩緩地站起，捉住小松的手：「慢慢⋯放鬆⋯佢死咗⋯⋯就提供唔到情報⋯」

「嗄⋯嗄⋯」小松喘噓噓。

「係時候走。」吳爹將食人魔背起。

「就咁走⋯？我朋友隻腳受傷⋯⋯」小松望向幾乎痛暈的阿楊，和樓梯間那具給爆頭的屍體：「嗰到又有件⋯⋯」

「有人會處理。」吳爹拋下一句，就匆匆離去：「再唔走就無機會。」

最終，二人透過學校後門悄悄離開。

吳爹並在鄰近一帶致電朋友，叫他們來接送。

等候車來的期間，小松臉上寫滿不安。

「阿乖女，只係好少事死咗件食人魔，唔需要太驚。」吳爹安慰道。

「問題係學校嗰邊⋯⋯」

「一陣上到車，我同你解釋一啲事情。」說時遲，那時快，吳爹叫來的車到了。

來的是一輛小型貨車，司機和副駕都有坐人，跟吳爹相比算年輕。

「吳叔，去邊啊？」說話的人，是司機。

「去六號倉庫。」吳爹交代。

「喔～又搞掂一件啊？」司機續問。

「兩件，其中宜隻活捉。」

「活捉⋯⋯食人魔？」司機從倒後鏡，就確認出對方是食人魔：「好高難度下喎。」

「多靠呢個女仔，佢叫小松。」吳爹趁機介紹。

「你好⋯」經歷完剛才那些事，小松乖巧地坐在座位上。

「太緊張？叫我滅潔達就可以。」司機眼光真利，能看出很多東西。

「滅潔達⋯？」小松重覆一次他的名字，確保沒有聽錯。

「係啊，好正呢？我特登去政府部門到改，姓「滅」幾型！」滅潔達開始踩動油門開車。

「我想問⋯六號倉庫係邊到嚟？」

「葵青貨櫃碼頭啊。」他答。

「未去過呢？」滅潔達看上去，是話很多的人。

「去嗰到係⋯⋯」小松正思考，自己此行目的：「同埋我係想救失蹤嗰班女學生⋯⋯」

「就係去嗰到逼供。」吳爹望一望車後的食人魔，說：「佢一陣就會將所有知嘅事都請出嚟，如無意外嘅話。」

「有冇俾班政府佬跟蹤啊？」滅潔達不時觀望車窗外。

「應該就無，我哋好快就離開咗現場。」吳爹望向小松，說：「小松，你係咪想知，點解我要即刻逃離現場。咁係因為，有個政府機構係專門處理宜回事。」

「宜回事係指⋯⋯」

「超自然生物回收、捕捉、研究。」吳爹說下去：「總之⋯你當做係政府為咗掩飾超自然現象，而成立嘅秘密組織。」

「咁仲走咁急⋯？大家自己人。」

「呵，對佢哋而言，驅魔者唔係自己人，只係一班未經授權去消滅、捕捉鬼怪嘅專業人士。佢哋有自己旗下嘅特工，去處理鬼怪作祟宜種事情，但你知～政府作風不嬲過份緊密，唔交流情報之餘，又要查得足先行動，咁樣搞咁耐都死唔少人，所以先有我哋驅魔者存在。」

「咁如果有人見到鬼怪呢？佢哋又會點。」小松問。

「一般嚟講，如果唔係太多人親眼見到內情，佢哋會發放假新聞去隱瞞大眾。」

「咁如果，有人親眼見，有可能會放上網講呢？」小松又問。

「咁佢哋會對嗰個人進行人格謀殺，利用傳媒、網絡、新聞。」吳爹很清楚這種事情：「我自己就曾經試過⋯⋯俾警務處懸賞六十萬港紙，話我係女童連環殺人犯。」

「咁如果，係名人，或者係社會上好有影響呢？佢被人格謀殺，大家一定會討論同懷疑。」

「有咁橋啊？」吳爹皺眉。

「就係咁橋，唔准諗，即係答。」小松說。

「咁佢哋，就會對嗰個人進行秘密拘捕，然後「記憶消除」。」吳爹又說：「不過宜一點都係聽番嚟，我自己未經歷過⋯⋯」

「居然仲有宜一步，為咗守住秘密⋯⋯」

「只要超自然現象一被驗證到係真實，社會就會一片混亂。因為人嘅觀念一超出自己認知範圍，好多嘢就會變得「超現實」，到時好多人唔會腳踏實地咁番工，寧願試驗各種奇怪儀式去同魔鬼做交易換名利，總之你記住有啲真相一被戳破⋯⋯」吳爹沉沉地說：「僅餘嘅幸福，就都會失去。有啲事情，寧願唔知好過知。」

港督

！！文

和牛! 雪米糍! 我想食小松

食人魔

有咁多文，好感動

咁阿楊見過，下場咪會好慘

諗起都流口水

屌 好撚gay

都唔會嘅, 最多咪洗下腦先放返佢出去, 反正而家暈咗未爆響口.

政府佬係有人爆響口先去做人格謀殺或者幫人被消失, 但呢D嘢做得太多太密集點都會有反效果嘅.

特工原來有份驅魔

小松老豆就係做個個部門？

墨巴有睇開達哥？🙈🙈滅潔達
吳爹

推！

聽日食lunch見

第二種特工嚟，可能會有第二種稱呼

推

幾咁耐