《小松奇妙物語！》（６）

夜啲出

係咪要入黎搵澧B

「估唔到佢咁癲⋯⋯」吳爹愣然地，望著暈倒的姜富娜。

「啲畫好恐怖啊，吳爹叔叔幾時可以上番去啊？」小松問。

「差唔多，搞埋啲嘢先。」吳爹通知阿星和滅潔達前來。

兩人雙雙趕到，一個檢查現場、另一個負責將姜富娜綁住，並帶到上層的一間班房，進行種族檢驗。

「用咗血液做快速測試⋯⋯」阿星遲疑地說：「應該係人類。」

吳爹得知結果後，就等待對方醒來進行審問。

「小葵⋯我估佢醒咗之後，第一句會講「放開我啊」。」站在角落的小松跟我猜。

不久，那女的眼皮漸開：「放開我⋯」不出所料，跟小松預計的一樣。

「你有讀心術？」我望向小松。

「係大家嘅腦部，由細到大都接受一樣嘅大氣電波啫。」小松說些我不明白的。

臨瞓前上嚟望一望竟然有文
幸福

「喂，八婆，頭先你喺下面做咩。」吳爹果然不會善問對方，即便是女生。

「溫柔啲，好歹都係女仔，仲係人類！」阿星勸道。

「一個女人去啲伸手不見五指嘅地方畫嘢，係咪準備緊咩奇怪儀式都唔知⋯⋯」吳爹打量著她的臉孔五觀。

姜富娜表情完全不屑：「你班人⋯⋯比我更加奇怪。」

「你係咪畫緊美少年！」小松開口詢問。

「⋯」姜富娜有些怔住。

「沈梓俊。」小松補充。

「你又知⋯⋯」

「因為剛才啲畫，有少少似。」

「畫到咁詭異不安你都覺得似⋯⋯」阿星喜歡一邊踱步，一邊說話。

一直不語的吳爹，利用無線電通知滅潔達：「喂⋯去查下，姜富娜資料。」

姜富娜聽見後，更激動：「放我走呀！」

「小葵，你覺得點⋯？」小松忽然問我。

「點？」

「宜件事應該點解決，我哋已經搵到認識「美少年」嘅人。」

「問問佢相關「美少年」嘅事情。」我很好奇，小松為什麼要一隻貓提供意見？

「講下「沈梓俊」嘅嘢。」小松再度對外開腔。

「⋯」姜富娜望向她。

「我想知道。」

「唔好靠近佢⋯⋯」姜富娜說下去：「佢會殺死，所有鐘意佢嘅人。」

「點解呢？」

「⋯」

「因為我最近見過佢！」小松見她沒回答，便續道。

「你⋯你見過佢⋯！！？」姜富娜很震驚。

「嗯！」

姜富娜得悉後面呈喜悅，但很快又沉默下來，並緩緩道出：「沈⋯沈梓俊佢⋯⋯曾經係我哋學校，最優秀、完美嘅模範生。」

「有故事聽～」阿星坐到學生桌上。

「你係佢同學？我見美術室有幅你畫嘅肖像畫，畫得幾型仔。」小松說。

「⋯係。」姜富娜有些遲疑。

「咁佢宜家喺邊？」

「佢已經死咗。」她說。

「死⋯咗⋯係，我接受到。」小松點頭。

之後，姜富娜似乎沒意說下去，吳爹就生氣起來：

「繼續呀八婆！」他一腳踢翻了她的椅子。

「呯」姜富娜連人帶椅倒地。

「啊⋯」姜富娜小叫一聲。

「吳爹叔叔好暴躁⋯⋯」小松想拉住他。

阿星卻伸手阻攔住，小松的去路：「信佢，佢咁做，總有佢嘅原因。」

「喔⋯」小松只能眼睜睜，繼續看著吳爹逼供。

「你想點呀！！！」姜富娜大罵。

「八婆！講落去啊！！」吳爹用學校黑板的粉筆刷，不斷拍打對方的頭部。使得附近塵粉飛揚，無法正常呼吸。

「咳⋯咳咳⋯咳！」姜富娜咳過不停。

持續三十多秒後，姜富娜才願叫停：「等⋯等陣⋯咳⋯⋯咳咳！咳⋯我⋯講⋯」

「哂我時間。」吳爹這才站起來：「繼續講，沈梓俊點解死咗。」

「自殺死⋯⋯佢畏罪，自殺死。」

「點自殺死法。」

「跳落學校樓梯隙中。」

「哇⋯痛到。」阿星轉身、別過面。

「佢犯咗咩罪要畏罪？」


「殺人。」姜富娜震顫地說：「佢殺咗⋯⋯向自己告白嘅女仔。大概就係咁多，可唔可以放我走！！」

「但你都未解釋到，點解要嚟宜到。」吳爹沒有放過她的意思。

「喂喂⋯查到啲嘢。」滅潔達回報。

「講。」吳爹握起無線電。

「關於姜富娜宜個學生⋯⋯」滅潔達說出的訊息，嚇不禁使我們心寒：「其實都一早死咗，在學期間。」


大家的目光都聚焦到，現正被綁住全身的姜富娜身上⋯⋯

「你果然⋯」吳爹像一早預料，說：「係假貨。」

「⋯」姜富娜不問不答。

「吳爹叔叔你點知⋯⋯？」小松很驚訝。

「小松，你太易信人。」吳爹輕淡地交代：「人哋同你講咩，都唔好盡信。唔好佢話自己係人，你就真係當咗對方係人，保持好奇心係好重要⋯⋯」

「但佢應該真係人。」阿星再一次灑少許聖水在她身上，但依舊沒反應：「唔通係變形怪？」

「咁嘅解釋得一個，佢係第二個人假扮。」吳爹把剛才推測的，都說出來：「你哋冇發覺⋯⋯美術室貼堂嗰幅畫，同佢啱啱畫嘅好唔相同咩？就連風格都唔同。」

「咁講又係！眼前宜個女畫嘅，係好不安、簡單、詭異。」小松繼續推想：「而美術室貼堂個幅，係線條比較嚴謹、光影到位、比例正常嘅肖像畫！」

「所以頭先單單係宜一點，就足夠我懷疑佢。」吳爹捏碎粉筆，將碎屑灑到假姜富娜身上。

好緊張