個朋友係嚴重潔癖者,要睇精神科個隻,第一次去旅行所以叫左我陪佢。
個飛機餐個盒都要揾酒精抹完再抹
酒店要住得好高級好乾淨,但因為個病所以唔會同人共用一間房,又唔比我揀出面普通商務旅館,逼我一定要同佢住咁貴。
去個台灣3日2夜剩係機票加酒店用6千
想拒絕個時佢話已經book哂酒店買埋飛。
莫講話行程,連機場點樣去酒店條友完全無plan 過。搞到我部電話啲電用哂之餘,咁岩條差電線壞左,佢都唔肯借佢條線比我用。
好啦 落地番到酒店係附近求求其其揾間餐廳醫左肚先,都有特登開個apps 見評價唔錯。食到一半一句 間野麻麻 咁彈埋黎。
第2日朝早係lobby 等個時彎住身話肚痾痾足成晚,叫我自己去玩。
之後我就一條友吃喝玩樂左幾日,到臨上機先見番佢,先知佢個幾日都係酒店食杯麵,同埋去台北車站買手信
番到香港之後就無再揾過佢