旅程過咗一半,剩返三個城市,不如黎個號外講下我今個旅程帶左d咩裝備。
65L大背包一個,最主要係裝下d唔貴重嘅野,因為大backpack經常要放喺hostel暫存,所以以重野同唔值錢野為優先。同埋因為印度污糟,所以建議一定要買backpack cover,搭火車或巴士個陣由佢喺個地拉黎拉去都冇問題。
至於今次個backpack我裝左:
-少量衫褲,不過今次第一日就失守咗,因為印度d衫真係好靚,所以我第一日就買左2件褸幾件衫褲2條圍巾
-1大1細三腳架,不過最後發現大個支係完成冇用過既,淨係帶支淘返黎嘅八爪魚腳架就夠玩,又細又輕帶出去又方便。
-睡袋,第一頁有講原因,建議帶
-萬用刀,鎖,S型掛勾,直情係hostel 3寶,帶左冇煩惱
-呢個洗衫器係旅程另一個mvp,之前唔記得講,只需要有電同有一個盆/桶裝到水就得,唔需要洗衣粉梘液,佢會自己分解d水去融解衫褲嘅污垢,雖然唔知係咪真係我用完之後d衫褲又真係幾乾淨,去兩星期全靠佢!不過我都試過因為搵唔到盆結果洗唔到衫要手洗
-耳塞,眼罩,吹氣枕頭,火車飛機巴士3寶
-大量紙巾濕紙巾消毒洗手液,體積細又輕帶多d冇蝕底,走個陣又唔晒仲可以當香港手信送俾d印度朋友
另外今次我仲帶咗個小背包,主要係裝貴重野同出街用,今次帶左sony a6000同go pro同iPhone X,基本上拍片影相都可以算係冇死角嘅。同埋記得帶太陽眼鏡!!
同埋一定要帶多個細袋仔跟身放passport同錢,錢要分開放分散投資
其他平時旅行都會帶嘅野就唔多講啦,應該係咁上下冇講漏。
仲有我分享漏咗我第一日黎到Udaipur,Shasha黎間cafe搵我個時,個cafe老闆喺我我準備走個陣遞左個盒俾我,入面有好多紙條,佢叫我抽一張。我睇完之後同佢講咗句〝You are fxxking awesome!!〞因為句子上面寫嘅正正就係我而家做緊嘅野‥