白飯 vs 麥皮
要減肥, 加要保護個腎, 你會推介邊樣
本身之前食過十穀, 但胃痛冇再食落去
減肥首要係控制血糖同胰島素， 食既碳水化合物GI越低越好， 麥皮係個好選擇， 如果你放奶既話最好用nut milk, 例如無糖杏仁奶，熱量低過牛奶， 亦冇乳糖, GI低之餘有乳糖不耐症都飲得， 但要注意係買原粒燕麥唔係買即食燕麥， 即食既個GI高過白飯
其實糙米（brown rice)個GI仲低過麥皮少少， 個人覺得佢比麥皮更加飽肚， 咁樣overall熱量吸引仲會少啲
如果你要轉糙米， 最好就慢慢轉， 一開始由1份糙米：4份白米慢慢減到1:1再減到全糙米， 咁個胃會易適應啲
減肥要護腎護肝首要係飲水， 飲水要識飲， 唔係以量取勝， 你每粒鐘可以吸收既水份有限， 飲水要密密飲， 得閒就飲兩啖， 唔係等到渴先隊一支500mL, 其次係食菜， 越深綠色越好， 可以防脂肪肝， 但綠葉菜唔好同麥皮成日係同一餐食， 咁會阻礙鈣質吸收
GI值重要性唔係上年推翻左咩？
Btw對於肌肉嘅recover有無咩方便嘅食物推介？
其實冇野係絕對, 個research唔係推翻GI, 只係話佢係預防心血管病方面唔係最重要, 最後都係要睇你成個diet pattern, 升高GI既會刺激insulin係無容置疑， 而高insulin加高熱量係冇好野
肌肉recovery方面， 補肌糖要食生果, 果糖吸收快
鉀方面就食spinach同三文魚， 仲有蕉， 不過就熱量高
鈣方面就罐裝沙甸魚同三文魚同奶， 你肌肉每一下收縮都係靠佢，不過唔好同spinach一齊食
至於蛋白質就唔洗教啦，不過要注意， 你肌肉用既蛋白質實際上係黎自你尋日食既野， pro workout protein shake係唔需要
其實幫到muscle recovery既食物有好多， 均衡飲食就ok, 唔好狂隊whey protein, 多左冇用只會變多餘熱量, 同埋飲protein shake霸左既熱量令你食少左而家有營養既野， 熱量都有分高質素同低質素， 飲whey protein你meet到個macro但meet唔到micro
奶我唔飲得，牛同海鮮我唔食得（過敏），三文魚又貴，我180cm170磅左右，好少脂肪，想keep到每日100g protein左右嘅飲食有咩推介
雞， 食雞脾唔好食雞胸， 細胞生長都要脂肪， 加上雞胸怕有激素， 而且食太lean冇好處， 去唔去皮睇個人喜好
