【癌咒騎士Ｘ腐敗騎士】《病港ＩＩ》（８０）

米生識欣賞佢d傑作
貞德尿都飲得津津有味

手撕病鯨好似勁過一拳一病獸喎

Lm

新po留名

.

真心馮爯勁過M
然後米生>馮覓

要求轉主角，唔該
好過日日睇佢中二，潛入，55

青茶變返路人

push

墨巴出文未

負責護送米田貢的一行人，全部騎著越野摩托車，人均配備一把質素不錯的刀劍。

其中一名頭戴傳統斗笠，身披灰布長袍的劍客，上前向米田貢回報：「你唔喺到嗰陣，麥里佐死咗。」

「俾亞貢殺死？」米田貢沒有表現出半點在意。

「係，陳浩基未死。」

「里佐條屍仲喺唔喺到？」

「暫時保存喺雪櫃。」

「拎出嚟解下凍，陣間用嚟招呼客人。」米田貢笑望那群軍工專家。

「明白。」對方轉身就準備去辦。

「等等……」米田貢叫住他：「你叫咩名堂話？」

「褻康正。」

「哦，你哋喺獵手黨圈子裡面，唔係每個人都有個名堂咩？」

「劍鬼。」褻康正說出自己稱號。

獵手黨雖然解散了，但米田貢把握住機會，招攬了部份無家可歸的武者，入面以殺人為生的劍客幫派，正正被吸納成為米家旗下一份子。

畢竟他們除了殺戮，就不懂其他維生技能。

「叫得劍鬼，你叫刀法應該唔錯？」

「唔差。」褻康正稍稍抬頭，展露出被斗笠遮住的眼睛。

「嘻，跟我去廚房。」

蹄鐵扒房的廚房血跡斑斑，一片凌亂，部份食材曝露常溫外沒人打理，而招惹了不少蒼蠅和蛆蟲滋生。平日廚房都由麥里佐打理，如今廚房的主人死去，自然落得這個下場。

米田貢打開雪櫃，凍僵的麥里佐屍體屈膝而坐著。

「幫我手拉出嚟……」米田貢和褻康正合力拉出屍體，將它擺放到廚櫃上：「亞貢居然落手咁重。」

「你打算點整？」褻康正不知要如何下刀。

「肢解。」米田貢指向一部陳舊的絞肉機：「然後絞碎做免治，落油拎嚟炒少少菜。」

經歷動盪不安的晚上，晨曦漸漸高升。

翌日，軍工部大半數專家出走的事，驚動到全校。

單是離開也不致那麼嚴重，他們甚至掏空了學校資源材料，基礎零件都沒餘多少。

校董會眾人除了震驚，還是震驚。

他們召開臨時會議相討對策，並且即時鎖封大學全部出入口。

經過半日閉門討論，校長公開講話強烈譴責他們行為，並看清了米田貢的企圖。

如今中文大學沒有選擇的情況下，資源的撥款只能給予醫療複合體，再於下個年度開始實施。

我們贏是贏了，卻彷彿白忙活一場。

比起對軍工專家和米田貢指責，民眾的憤怒和失望更多發洩在校董會管理層身上，認為他們沒有效地保護和留住軍工專家，對其決策能力產生懷疑。

毫無疑問，中文大學倖存區出現了史前無例的管治危機。

為使民眾盡快沖淡對事件的印象，校方準備大搞活迎接元旦，用娛樂沖淡所有不好的新聞。

同日，我正式出院。

出院後前往的第一個地方，是去見見公仔。

我有委託劉吉的照顧，應該不會有什麼大問題。

「公仔。」我踏入屋中，走入其長臥的病床。

公仔依舊是老樣子，大部份時間沉睡著。

倏地，公仔眼皮微微張開，彷彿感應到有人來探望。

「我嘈醒咗你？」

公仔淡然一笑：「只係……你生命氣息太濃烈，令我自動醒咗。」

「劉吉照顧得你好唔好？」

呢個係補文？

不是 打緊

公仔

要求你唔好要求

我們之後閒談了些近況，如劉吉嘗試給他餵喝海洋生態淨化者的水、上次童偉庸牽涉的事件、大學發生的大小事。

離開前，我露出脈搏給公仔，示意他自行攝取。

公仔笑著搖頭，婉拒我的好意。

有時候，有危便有機。

倖存區經歷數次病者襲擊，校方似乎無法再忽視病者問題，在兩位殉職的病獵喪禮上，校長親自出席並致以慰問。

鄭明孝：「佢兩位都係英雄，我哋會喺紀念碑上，刻上佢哋個名。」

我回應：「有心，鄭校長。」最好有實際的援助。

病獵學會搞的喪禮沒有很隆重，但可以表現出我們對每位成員的重視。

僧人誦讀祭文期間，鄭明孝主動與我談起話來。

「以前我以為大學係個太平地方，病者離自己好遠，但依幾個月真係一鑊比一鑊新鮮，原來大學都隱藏住幾多病者。」

潛藏區內的癌咒騎士、不為人知的冬眠者、突然叛變的陳智能、備受爭議的藍皮人、跟賴桑共存海菲、馮覓變成的野獸人……

說著說著，這些日子來，大學的確存在著病者隱患。

誰知道，還存在著什麼病者生物？

「今次件事最大嘅教訓，係天下間唔會有免費午餐，一個無親無故嘅人想幫你，點都係有啲圖謀。」

「病港差唔多第十三年你先知？」我反問。

「出面嘅其他地方更惡劣？我相信人性本善。」

「聽講你哋自衛隊人數都走咗批。」

「走咗最精銳做決策個批。」鄭明孝感嘆地說。

「嚟緊你哋有咩打算？」

「除咗發展醫療複合體，我哋別無選擇。」

「會研發疫苗？」

「關於醫療嘅發展方向，我哋會再開會討論，萬大事係倖存區嘅安全，校董會嗰到傾過下，我哋想請病獵長駐。」

「長駐喺大學？如果單純係教學、宣傳性質無用，病獵要有實際可行使嘅執法權。」

「你哋想要幾大權？」

「例如……我哋合理懷疑和聲書院校董變咗病者，我哋有權處置佢。」我舉了個極端的例子。

「依方面可以細傾，最緊要係唔可以再有病者事件發生。」

我主動伸出合作之手，鄭明孝點頭握住。

口頭上我們談攏了，詳情就要交由博海德負責。

喪禮進入簡短的誦經祈福環節，我們眾人都站立正中。

「如果嗰陣海菲出嚟幫手制止……」站我鄰旁的賴桑低聲地說：「係咪有可能阻止到佢。」

「佢都有一定危險性。」我提醒賴桑。

「我覺得自己越嚟越感受到佢嘅存在。」

「依排你身體見點？」

「好好多。」賴桑精神面貌飽滿水潤，不像以前牛肉乾般乾癟：「之前嗰隻海洋生態淨化者嘅灑嘅水，我仲每日都飲緊。」

「你飲落肚身體無問題？入面有好高度嘅水解細菌。」正常人飲用的話應該會死。

「已經飲咗一段時間，可能我身體……」賴桑凝視局部長著青苔的手掌：「都唔再係人類，可以承受得住。」

「近排公仔同你面對一樣嘅問題。」

「公仔？」賴桑下意識舉起手想閱讀我心聲，但忘記精神能力已遺失。

「讀唔讀到？」我淺笑。

賴桑無奈一笑：「要用你把口講，麻煩到你唔好意思。」

我將公仔轉變成癌咒騎士的事，粗略給賴桑說明一次。

「如果佢同我一樣飲嗰啲水，有冇可能幫到下佢？」這是賴桑聽完後的第一個回應。

「劉吉有試過，應該唔得。你可以單純吸收猴血維生，但佢可能要吸幾百隻獼猴生命先維持得住生命，植物更加唔洗講……」

「對癌咒騎士最好嘅補給品，始終係人類？」賴桑說。

「應該就係……我有諗過俾死刑犯或者自願安樂死嘅人，但道德執行上有啲困難，公仔本身唔想吸收人類，而且同海菲一樣對病者生命無興趣。」

「佢應該好唔開心。」賴桑注意的是另一層面的事：「做長期病患係件令人好沮喪嘅事。」

「嚟緊我應該會帶艾匡去睇佢，可以順便探埋你。」

「好耐無見我個皇帝女……」賴桑立即想念著。

最前方誦經祈福的僧人，突然停止唸誦，轉頭望向後方的我們：「喂！你兩個傾完計未？咁鐘意傾不如行出去傾。」

「……」

我和賴桑像被老師責罵的學生，喪禮的後半段不再發出一聲。

回到港島合眾國前，我到了大學的中醫院。

原因無他，我要帶點手信給瑪希，答謝她打理病獵協會的功勞。

大學中醫館門口掛有木質牌匾，上面的字是用篆書刻成的，字體金光閃閃。

前廳中央古色古香的櫃檯站著位中醫，其身後是一排高大的藥櫃，藥櫃的木質深沉，每個抽屜都擺放不同的野生藥草。

中醫相對西醫便宜，大學的市民真的有什麼大病，主要都找中醫看診。

「鳥嘴面具怪人，有咩幫到你？」櫃檯前的中醫師問。

「依到係咪有酒買？」等等，他剛才稱呼我做什麼。

「都係藥用酒，如果你係想買嚟開派對，唔好意思，唔啱你。」

「朱砂酒同菖蒲酒，睇下你要邊款。」

「你推薦呢？」

「菖蒲酒，入口香甜，略帶藥味，好保健。」

「要一瓶。」

上次我在北部都會區中，給瑪希帶來陸山泉的地瓜燒酒，今次我一樣會帶當地特產酒回去。

以上是補文

推

早兩日屎忽痕睇翻免仔人故
原來咁就四年