【癌咒騎士Ｘ腐敗騎士】《病港ＩＩ》（８０）

粒子彈要整幾多日先射得出

睇到眼都凸

一粒就夠

有聲

鬼知你地要打咩
人地都斷左隻手 留番隻手比佢耕田啦

睇個標題我諗都係靠公仔

雲瀧沉思片刻：「要整玻璃子彈唔難，難在手頭上無工具同材料……可能要借用大本營個工坊。」

如是者，三人轉為前往大本營。

大本營在得知他們來意後，批准了他們使用工坊。

雲瀧是位軍火採購商，動手製作方面也是熟練技工。

雲瀧使用自備的火焰噴槍，將玻璃加熱至熔化狀態，然後用夾子可以塑造子彈形狀，為了符合雲水手上的中火錘式霰彈槍口徑，雲瀧要不斷精細地微調，並在裡面加了根鋼釘作支撐。

「預計要整幾耐，老豆？」雲水全程看著父親製作。

「最快都要半日。」雲瀧回答。

「半日都差唔多到朝早……」

「係，趕唔趕？」

「好趕，人命關天。」

「趕都要等下，想粒玻璃子彈射出嚟唔爆都唔易。」

「你以前有冇整過？」

「只係聽過，整係今日先整。」

雲水有些坐立不安，行出工坊走廊吸口氣。

「嗄。」雲水靠著欄杆。

工作室中，只餘下雲瀧和蕭梵兩人。

雲瀧大概不會想到，他的名字曾經是蕭梵的刀下名單。

「你係佢病獵導師？」雲瀧似乎認不出蕭梵。

「……嗯。」蕭梵抱手。

「開始有佢阿哥嘅風範啊可？」

「當佢識得為身邊嘅人緊張，已經係。」蕭梵說。

「係……佢以前好巴渣同招積，不過睇嚟佢俾人馴化咗。」

「你以前係港島區嘅軍火商，壟斷住槍火武器生意，點解走咗嚟依啲地方定居。」對於多姿多彩的港島區來說，將軍澳區如同鄉下無異。

「我唔想再做殺人武器，戰爭係好可怕嘅事，特別係人同人，係會賺取到最利……但你都會……」雲瀧忽地停下手，想起了什麼：「失去一啲重要嘅嘢。」

「……」

「每個人都話我個仔雲梨阻止咗場戰爭，但無人記得……戰爭某程度上都因我嘅武器而起。」

「你用餘生嚟贖罪就可以。」

「如果贖到就好。」

赤門海峽上。

一艘快艇於海面上奔馳，哪怕是病鯨都追趕不住。

這艘快艇最終停泊大學的碼頭上，薛墊仁、楊良和艾匡三人，一同前往到大學中。中文大學自然不會讓他們隨便進來，特別是大半夜時間，艾匡只好啟動預視尋找進去的方法。

到了病獵協會後，艾匡將事情全貌告訴博海德、劉吉和賴桑等人，我到消息後博海德攜帶火燈籠準備啟程，劉吉也帶領艾匡前往公仔所在的地方。


半夜跑到倖存區外，不是明智的事。

不過有老病獵劉吉帶領，只要小心翼翼地穿越街道便可。

來到公仔休息的地方，艾匡覺得一片荒涼，因為周遭植物的生命力，都成為了支持公仔的養份，而落得凋零的下場。

「佢就喺入面。」劉吉指向屋子。

艾匡緩緩推開門，走入到公仔的所在。

「公仔？」艾匡輕聲呼叫。

床上躺臥的公仔沒有反應，艾匡走近幾步又叫了數聲。

公仔依然沒有反應，艾匡擔心他是否出了什麼事，終於上前搖晃著身子：「公仔！？」

公仔疲倦地張開眼皮，望著眼前的人影：「……」

「我啊。」

「艾……」公仔在腦海搜索聲音的主人：「匡？」

「你唔係發緊夢，我嚟咗搵你，鳥嘴先生叫我嚟搵你。」

「鳥嘴……喔，老師？」公仔艱難地坐起身，勉為其難地笑：「你可以朝早嚟都得。」

「有急事要你過去港島！病獵協會俾魔羅襲擊緊。」

公仔愣住好幾秒：「但我……」

「你唔係癌咒騎士？」

「我係、但我……」公仔吞喉：「需要營養咳咳，好多嘅營養。」

「我提供俾你好唔好？」艾匡拉起手袖露出腕脈。

公仔搖搖頭，推開艾匡的手。

「我哋要你嘅力量。」艾匡改為握住他的手。

「去睇下點。」公仔都不知自己捱不捱到那麼長的旅程。

公仔剛想下床，艾匡就在床邊拉住他兩隻手，將他背起來。

「劉叔叔行得。」

「唔洗我孭？」劉吉問。

「我孭得起公仔。」艾匡點頭。

他們就這麼奔波回到大學，與博海德等人會合。

「艾匡，多謝你……」公仔有氣無力地說。

「多咩謝？」

「多謝你……孭我……」

「好小事。」

眾人會合好，便一同前往碼頭乘坐快艇離開。

快艇上，薛墊仁簡略說出魔羅的資訊，讓他們得悉其危險性。

「但公仔都去真係無事？」博海德憂心忡忡的看著他。

好掛住雲梨，如果佢仲在生戰局會變成點

吸吸青茶囉

睇咗咁多年，都好少搏故，但係今次真係有啲講唔過去，你又唔係唔知道魔羅嘅能力，係要諗都唔諗就走咗去中大，唔做下準備，一早整定幾十粒玻璃子彈，話唔定當初霍洛圖係門口就可以ko魔羅

魔羅招技咁撚屈 理應一早秒曬
依家搞到要磨大半日好撚奇怪

冇記錯當年係諗住喺松木村擺陣去擒拿佢 嗰陣仲特登整咗副盔甲去抵擋佢嘅腐敗因子 嗰副甲而家都唔知去咗邊

點解唔係一早整定
我以為雲水會好型咁射幾槍

以前都扔過大劍，但大劍都試過執返嚟用
鯨牙大劍都好似試過唔知插係邊，但好似有一句講埋無人會去拎之類
火燈籠扔完完全唔提有無執返

我諗超級農夫都唔得，要儲氣先吹到，陀蘭吹一吹就有胞子，仲可以掂人
當年風凶獸咁多個風口就得，吹到陀蘭飛走

等雲瀧整完都死一堆人，除非公仔夠吸，或者湯婆唔理其他人，焗車仔自爆炸死陀蘭

依家m個應對，同魔羅冇畀過時間佢地準備咁係一9樣

推

會唔會車仔體內咁多能量，俾公仔吸個作用會大過佢自爆

應該可以無限吸

吸乾晒病獵協會精壯嘅男人們

「我──」話音剛落，公仔即往海裡嘔吐。

海面上波翻浪湧，起伏不定，虛弱的公仔吃不消。

劉吉見他情況嚴重，掏出一片生薑根讓公仔嘴嚼：「咬幾下，對你好。」

公仔剛張開口想咬，反胃的感覺再度來襲，頭又朝海上吐。

博海德啟動火燈籠，讓周圍的溫度得以上升，令公仔身體不受寒冷侵襲。

「前面！」於船頭手持電筒的楊良突然大喊。

大家不約而同朝前方望去，只見一個陰影勾勒出駭然的鰭。這些鰭如同巨大的鋸齒，鋒利參差不齊，如同海上移動的尖塔。

「咩嚟……」艾匡看呆了。

「係利維坦。」楊良對牠有印象。

「直接經過佢？定係停一停。」薛墊仁等待博海德指示。

博海德苦思片刻，揮手示意：「停。」

薛墊仁立刻停止前進，等待利維坦離去。

「個海咁大都遇到，真係唔好彩。」

遠在一方的港島區，激烈的戰鬥仍持續中。

我包裹著塑料袋與魔羅對戰不下幾個回合，塑料袋都打穿了個數個，要去作出更換的時候，就讓狼人葉青茶給我接力，因為我們都知戰勝的關鍵，是拖延至公仔到來。

我雙拳雖然受到很好的保護，但身體的保護欠佳，衣服早已腐蝕得破損出一個個洞，更多是靠霸體的抗性保護。利用蘇維眼睛我沒讓魔羅成功肢體接觸，他的每記攻擊都被我及時閃躲開。

不過腐敗孢子的影響無法忽視，魔羅單純站著身體已經會釋放這些孢子，在旁呼吸一段時間後，影響越來越明顯。