【癌咒騎士Ｘ腐敗騎士】《病港ＩＩ》（８０）

我愛墨b最緊要係寫得舒服

咁唔冷嘲熱諷嘅又係唔覆？
定其實係唔想討論

我諗有啲人只係想攞出嚟傾吓
我諗呢個都係喺論壇寫故嘅其中一個特色？
咁當年好多人欣賞你嘅留言又點計？

比我嘅感覺係好嘅聲音就收到
唔好嘅聲音就係冷嘲熱諷

由病港一開始追你post，當初你會聽人意見一齊傾下，到左病港二開始，好多人有意見你都有講過會留意吓，到慢慢開始無視意見，先越嚟越多冷嘲熱諷。

早唔知半年定一年有人追V14（雖然我無睇，唔知咩黎）個時好多人迫你出黎回應，你回應完大家都叫你休息下，唔好咁大壓力，其實個時都仲好多讀者都好支持你。

直到最近呢十個post左右，開始有人提出你用好多大陸字大陸用語，你第一次都有回應話係串薑逼，個時都有人接受唔到，到近呢幾個post又有人再提出你用大陸用語，你就無再回應。

但你有無留意由你唔再回應之後，冷嘲熱諷就倍增上去？
好多人都會話，唔想睇就走，無人會留d唔想睇嘅讀者，但我想講好多最近先出黎冷嘲熱諷嘅讀者（包括我）都係你一直以黎嘅忠實擁躉黎。

我由好幾個post之前提出過你多左好多大陸用字，一直好期待你出黎回應一下，雖然都無咩好回應，用咩字其實都係你自由黎，但有一位巴打講左一句我都好應同嘅，佢大約係講：作者用咩文字代表佢想比咩人去睇，姐係開始唔重視香港人嘅市場。（大約係咁啦，實際係點寫我唔記得）
我睇完呢位巴打講完，我都失望左一段時間。

睇完最近公仔打舵蘭，比人話似大陸修仙故，我記得你話有時你鍾意寫到天馬行空，同埋打下鯊魚，都係寫得好開心，我都好支持你嘅，因為寫作本身就要自己寫得開心先寫到落去。

但我睇完有人話似修仙故，就諗你會唔會係睇下大陸作家寫咩吸靈感，唔覺意用埋佢地嘅用字，所以先寫左啲似修仙故，又用左大陸字句語法。

講到尾我都仲係支持你先會打咁多字，如果你真係覺得壓力大，我建議你休文一段時間放吓自己假，做吓運動放鬆下先，之前好多人出黎逼你回應，最後大家都叫你放下假，都應該有一年，你當放下自己年假休息啦，年假本身都係勞工署彈性規定嘅，反正上次休文都差唔多一年，不如你都休多黎時間先再出文啦，讀者叫你做出文機械唔通你真係當自己機械咩

Btw take care 啦

唔係冷嘲熱諷多左，
而係認真睇完文再討論既人少左，
先得返啲冷嘲熱諷既人。
推post既速度都已經慢左咁多

其實好多人都係因愛成恨 因為近期依邊進度的確有少少唔合理嘅地方 大家係有理據 但態度唔多好令你難受 明白嘅但佢地都係出於鍾意病港 先會邊睇邊屌

今日係thread見到個post講香港爆發喪屍病毒喱去邊做據點 發覺其實仲有fans係度 病港係大家心目中都係有個地位

墨巴可以睇下 作者又好 讀者又好 大家輕鬆d啦 創作唔係返工 屌係唔會有好作品出黎 而大家態度好少少墨巴都會多少少上水

利申：十少年睇到依家加滑雪故打手

大把ching都係好聲好氣咁留言喎
嗰啲又叫冷嘲熱諷？

話你多大陸字就冷嘲熱諷 話課咗金就多謝支持
你一直潛水唔討論 意見反映又唔理
好難唔去冷嘲熱諷㗎喎

夠啦，唔需要再周旋落去。墨巴都係人佢嘅生活唔係剩係得寫文，你打嘅呢一段嘢亦都冇幫助到作者同呢一個故。你而家同潑冷水有咩分別，你真係為呢個故好，定只係加隻腳落去踩？

文係佢嘅，佢鍾意點寫就點寫。我哋最多只可以比意
見同理性討論，更何況呢度係連登唔係課金網

揀黎覆又會話比人話唔接受批評

墨巴

咁咪直接同佢講聲唔想覆，亦都唔會覆

咁大家咪唔使對呢方面有期望

墨巴加油
病港係我睇過最好睇嘅喪屍題材網故

兩年幾冇追，乜仲未完

冷嘲熱諷係指對我作出侮辱，唔係指講出意見嘅人，大陸字我一早認錯話自己認知錯誤，而我自己一篇中國故都無睇過

另外有部分劇情睇落去自然會知點解，個類我都唔會回應

之後其他嘅事，大家鐘意點諗就點諗，我控制唔到，都唔會再回應

意見同理性討論？你見唔到咩
上面有幾多師兄好聲好氣咁講 佢又有理咩？
依家唔係唔想理性討論喎 係佢一比人捉到啲錯處就縮撚埋一邊

你要講篇文係佢點寫唔關人事嘅話
咁咪po返自己個課金網囉
你都識講呢到係連登 討論區嚟
佢擺得上嚟 預咗有讚有彈㗎啦
又要喺到賺人氣 又唔比人批評？
都唔講大部分師兄唔係一嚟就屌 只係比個意見

上面個師兄講得啱呀 有幾愛咪有幾恨
我都係一個十少年開始追嘅人 本本書都儲齊
係有寫得唔好就會講出嚟㗎啦 依家係一嚟就想屌到佢唔寫咩 唔係呀嘛
好多問題唔係一朝一夕嘅事
你估啲post推得慢過以前咁多真係關課金網事咩？

Btw唔洗講咩唔鍾意咪唔好睇
討論區嚟 我鍾意入嚟睇完又屌你都吹我唔漲
要圍爐返去課金網

Take care 墨巴，你要知大部分人都無出聲，所以你唔洗理佢哋的

簡單啲講句

大家鐘意就繼續留言
總之佢就唔會覆
大家唔好期望佢會覆啲咩

想睇就睇
想屌就屌
想quit就quit

又係嗰啲愛你，所以要屌柒你嘅痴線佬

你算有心，算係一個好讀者

咁講真菌神是咪都可以上陀蘭身

你咁講我真心有啲失望..

因為成日拖同脫更先少人討論 仲有普通支線又係拖 主線多講解都明 有堆支支支任務都太多廢話 真話係唔岩屌 但無屌你的

正評少左好多

唔好比啲小人影響到，只要你寫
欣賞你嘅人就會睇，大把人都係直接like
你每日嘅文都都係精神食糧

雲水感受到濃重殺意，全身雞皮疙瘩，槍口隨著馬匹奔跑搖擺不定。

玻璃子彈需要近距離發射，現在距離仍未夠近，而且機會僅得一次。

就當雲水要扣下扳機前一刻，腐敗騎士忽然展翅飛上半空。

「蓬──」

兩人一馬在腐敗騎士的底下掠過，錯失殺死他的機會。

蕭梵轉腰向後，擲出鉤繩拉住腐敗騎士，然後雙手用力拉緊，可是力氣不及盲目飛向東面的腐敗騎士，於是將繩的一端綁到水勒韁上，讓馬匹自動跟著腐敗騎士跑。

「佢咩事啊……」雲水看得出腐敗騎士的奇怪。

「你搵機會開槍。」蕭梵回望後方，發現遠處有輛水炮車前來中。

當經過其他大大小小的倖存區時候，大部份星斗市民看見了橫越街上的腐敗騎士，他們無不害怕，躲在建築物內窺視情況。

沿途經過的水炮車也利用廣播器作出呼籲，讓市民們留在安全地方內。

腐敗騎士就這樣一路飛離倖存區，身影沒入樹鄉中。

哪管是冬天，樹鄉依舊草木蔥蘢，林木茂盛。

腐敗騎士一直深入，去到全樹鄉最高聳的香島樹前。

腐敗騎士抬頭仰望香島樹：「啊……你喺入面，出嚟。」

沒有回應。

蕭梵解下鉤，繩以手按住槍管先讓雲水別開槍，兩人一起躲到暗處觀察情況。

「唔依家開槍？」雲水問。

「唔好住，有啲奇怪。」對於不作攻擊的腐敗騎士，蕭梵感覺得怪異。

不久，水炮車沿路憑著強行撞斷樹木的本領，也駛至香島樹前，一同監視腐敗騎士的狀況。

「佢本來已經無戰鬥能力。」秦狩打開車窗，跟一旁的蕭梵說：「同癌咒騎士兩敗俱傷。」

腐敗騎士原地等了好一會，突然伸手觸碰巨大的樹身，剎那間萬千落葉飄散下來。

那些飄落的樹葉全數枯死，腐敗騎士正腐蝕著香島樹。

良久，樹鄉陣陣地動山搖，像觸犯了什麼神靈動怒。

香島樹的落葉密如雨下，樹幹表面覆蓋青苔和黑色斑點，樹皮脫落的部份裸露出暗紅色的木質。

「啲樹根！」元蒼睜大眼。

腐敗騎士將香島樹腐蝕至核心，其後樹底下盤結的根部出現異樣，它們正無聲無息地郁動，硬生生打開了一個樹洞。

樹洞內一片幽暗，可以確定是通向樹根底下。

腐敗騎士像是得到了某種未知的回應，於是隻身走入到巨大的樹洞中。

秦狩和蕭梵兩人都身經百戰，卻未曾見過這種事情。

「入去？」雲水張望兩位徵求意見。

「嗯。」秦狩握著短錘下車。

蕭梵由匍匐轉為站起，留意到秦狩錘子變短：「你平時個把唔係長錘？」

秦狩瞧瞧手上短錘：「依把新，湯婆俾，舊個把魔羅整廢咗。」