[獨遊] 終於踏足南美洲

真係要襯有氣有力既玩，再老d體力真係唔掂

後記
咁就去左三個月，以前淨係覺得歐洲人先有機會去一個咁長嘅旅行。但其實一路遇到好多同我一樣辭左份工去睇下個世界嘅同路人，如果巴絲都有呢個念頭我非常支持你都係嗰句，錢可以再搵青春冇左就冇左，計好曬數搞得掂就去馬啦

三個月話長唔長，話短唔短，比自己三個月因為我覺得自己極限就係咁長。過左兩個月我都開始攰想返屋企去到土耳其直程冇動力觀光但中南美真係好大，遇到好多 backpacker 都係玩 3-6個月，咁就唔使好似我咁趕頭趕命。不過，有遺憾先會再返黎架嘛，同埋我真係幾鐘意南美洲，有預感幾年後我會再返黎

非常幸運地今次旅程冇遇到任何意外，一切順利，安全歸來，旅遊保依然都只係買個安心

觀光以外，今次最大得著係終於用得著啲西班牙文就算錯曬 grammar 啲人都願意同我溝通，真係詞窮咪撈埋英文一齊講囉。完全唔存在講得差會比人歧視，只要敢講就得。可能因為亞洲面孔，好多時講少少都會比人讚，好唔好意思

多謝各位支持，如果唔係有固定觀眾我未必咁有恆心打曬篇遊記

打遊記消磨到好多時間，通常等車，搭長途車，冇 wifi ，或者無聊嗰陣打 之前見好多人話獨遊其中一個缺點係冇人一齊分享當刻嘅心情，咁咪喺度寫下遊記同大家吹下水，旅游台有人會覆你架啦

本來係打算一返黎就搵工，但返番工應該有返工冇放工，就諗不如去多個長旅行先啦就是咁，睇下到底我快搵到工先，定我忍唔住洗曬啲積蓄去多幾個旅行先

阿根廷



智利





玻利維亞






秘魯




危地馬拉




墨西哥






完

真，最緊要冇遺憾
以前會諗如果有日撞車死鬼左去唔到馬丘比丘我會後悔點解唔早啲去

睇建築同風景人文野
可以騎下馬

咁嚴重

歐洲人遊歐太方便，可能對佢地黎對冇咩難度,，係香港見外國d背包客都幾佩服佢地

多謝你寫到尾，後記既精華相不得了
希望我再有機會重遊南美，補返之前錯過左既地方

等樓主去埋尼泊爾再出多篇

多謝支持
機會一定有，我都希望以後會重遊南美
我有睇你個南美遊記架
繼續更新唔好爛尾呀

呢個真係十劃都未有一撇
不過真係去的話一定會寫多篇

好正感謝樓主嘅攻略
支持去多轉旅行先
Yolo

好懷念幾年前自己一個獨遊南美，但後悔個時儲得唔夠多錢去得個半月，我都想去3個月甚至半年⋯
淨秘魯我覺得都可以留3個月
而家結咗婚經濟又差唔敢裸辭