[獨遊] 終於踏足南美洲

係咪通常都有水
山長水遠去到無水真係會好灰

我地完全冇仙人掌島呢個行程
冇水嘅日出日落全世界都有得睇
梗係有水嘅日出日落先正

好似就算旱季都會搵到啲水
但最好都係有水嘅季節去啦

留名 應該2年後 美國 加拿大 墨西哥 世界杯個年去睇世界杯+落南美玩

3日2夜我理解未必會幫你搵水
但Uyuni有d找水日出日落團
好平下

好多年前4個禮拜秘魯玻利維亞智利
上年都係4個禮拜阿根廷加智利
南美真係靚到一去難忘
最正既係唔知點解美洲啲國家啲人特別好傾易啲識到朋友

除左經典行程，有冇咩城市推薦

好耐之前小弟旱季去過天空之鏡。
當地有啲local tour 會帶您去有水嘅地方影相，所以唔使擔心。
但都同意樓豬講雨季去，
旱季時嗰天通常都冇雲，冇咩野可以倒影在水面。
雨季通常多啲雲，加埋嗰日好天嘅話就一流。

plan緊去獨行tdp同el chalten
感覺上身體可以操到行到
但要一個人行足幾日都悶

如果你旺季去，肯定好多人，總會有人會撩你吹水，唔會悶
多數一開始就係你邊度人、來南美玩幾耐、叫咩名之類，啱傾就傾多幾句啦

係香港一個人行都悶到仆街

7年前我冇記錯係120,000，都通漲得幾勁

我嗰時喺uyuni報係再平好多，去到智利見到12萬已經覺得好誇張

小心財物，提防扒手，避免夜行，祝你好運

絲打W-trek係邊度book?

絲打幾日冇更新

今日遲啲更，前幾日冇 wifi

Day 20-21 - Uyuni

因為之前實在太趕，所以就算 Uyuni 係個唔需要逗留嘅地方我都留左兩晚，當比自己好好休息一下。

如果 Atacama 係沙塵滾滾，Uyuni 就係超級沙塵滾滾。我出發咁耐第一次見本地人戴口罩，真係好大塵，見人戴我都戴
本身已經病，再吸埋啲塵落個肺度係咳

到步嗰日有個類似市集，啲本地人擺檔擺到幾條街都係，主要賣日用品。


我以為 Uyuni 係一個旅遊小鎮，但除左一堆好 hea 嘅旅行社之外（佢地全部坐鋪頭裡面等運到，完全唔使招攬客人）冇想像中咁旅遊化




到玻利維亞最開心就係佢真係好平，一餐飯終於可以20蚊有找，唔洗成日計住計住

點解要留喺 Uyuni 多兩晚，天空之境呢個咁靚嘅地方唔係去一次就夠呀，梗係去多次啦

本身我係打算日出日落都去曬，但3日2夜團嘅時候已經見到日出，又想洗少啲就淨係報左日落星空團

Hodaka 喺亞洲人圈子應該幾出名，我係喺個台灣網見過所以揀佢。仲有好多日本人留言。


喺呢個咁少機會撞到華人嘅南美洲，一次有曬中日韓台港，不過我嚟左咁耐都係一個香港人都冇撞過

同車全部講中文仲有個韓國仔，成程聽我地講中文 第二朝先發現原來我同韓國仔同一間 hostel，吹左陣水。離開智利阿根廷後小見左韓國人，玻利維亞直程成條街得我一個亞洲樣

呢個團根本就係為打卡而設，司機揸到去有水嘅地方就停低架車，跟住之後幾個鐘就比你影個夠







啲團友都係各自影相，我有問其中一個姨姨幫我影但真係唔係我想要個效果

雖然我帶左腳架，但嗰一刻我係幾咁掛住我啲港女朋友，識自動波幫我就位


我覺得日落團幾好，少好多人，包場咁濟





嗰日唔好彩多雲，星星唔多。而且啲水比前一日已經蒸發左啲，雲少又睇到星嘅地方地下都冇乜水。團友話前一日日出+星空團係好多星，唔緊要我覺得我可以再返黎呢個地方



司機係會幫你影相的，雖然星少但都有其他野可以玩嘅，我比團友嘅相大家參考下。



我啲麻麻地攝影技術就係咁咦影左幾張






Salar de Uyuni 嘅行程就到呢度，其餘時間都係 hea

Uyuni 街邊好多檔燒雞燒羊嘅餐廳，經過好香所以我都入左去試。

除左香之外，燒雞味道其實一般


燒羊好食但偏鹹，試試無妨



跟住就搭過夜車去下一個城市，架車夜晚10點先開，我喺巴士站等左好耐。

我驚死冇位早一日買飛貴成倍，喺玻利維亞臨上車兩三個鐘先買會平好多。但我真係覺得80 bob 搭8個鐘好合理，點知越近出發時間越減價

而家學精左，同樣錯誤唔好再犯第二次。不過陸續有更多水魚例子，完全係反面教材

等緊車嗰陣有個玻利維亞 BB 撩我玩，個 BB 勁得意我覺得玻利維亞嘅 BB 都好得意，眼大大塊面肥嘟嘟好精靈

Hostel 其中一個員工帶埋個女返工，朝朝食早餐嘅時候都見到個 BB 喺度碌黎碌去好搞笑

你打算住 dorm 定露營？
露營的話上面有巴打覆過點安排係比較平
好似我咁 All inclusive 就https://lastorres.com/
咁開心幾時去？

露營我會訓得好差 諗住比多少少住dorm好啲
但我之前搵過torreshike 同booking patangonia
感感覺價錢好似平過lastorres幾百美金咁

岩岩追多左次po
唔係好見到邊個巴打覆點樣book

雖然我都大約知邊個網站book 但睇reddit話自己book好痳煩

#258 可以睇下啱唔啱洗
交通完全可以到時先比錢
早午晚三餐都係可以到時決定食定唔食
我諗你研究下條路線想點，東去西定調轉
住 dorm 行 W 就應該得我嗰幾間
露營選擇會多啲，O 我就唔清楚
https://worldlyadventurer.com/torres-del-paine-w-hike-without-tour/
呢個網寫得好詳細，Patagonia 其他地方都有
如果最後真係 book 唔到住宿你都可以即日來回
只上 Mirador Base Torres （我第一日嗰度）
行完就走，咁就唔洗煩住宿

原來真係miss左#258
要帶曬露營用具就不了...
未去到咁fit可以孭埋咁多野

4日行80km已經係一個挑戰
去完TDP 仲會去el chalten同big ice
行李真係愈輕鬆愈好

我都有睇你個網 好好用!
暫時睇落就 西去東 好似最好
臨尾一日可以睇完日出先走
而且我如果第一日就睇左mirador base torres
之後一定會屌鬼唔想行

真係越輕便越好
我都唔知啲人點孭咁重行咁多路
攞住啲行李行上行落好辛苦
你先去 Torres Del Paine 再去 El Chlatén 就好
我行完 W 淨係覺得好辛苦
因為我覺得 El Chlatén 靚啲

玻利維亞無錯野食係好平 (同自己幾年前去，物價唔算貴左好多)，但實在無啖好食，最常見既係燒雞
同秘魯、阿根廷完全兩個世界
絲打下一站係La Paz 定 Potosi？