[獨遊] 終於踏足南美洲

南美洲一直係一個我好想好想去嘅地方，想左好多年之後，我終於要踏足南美洲嘅土地啦！

行程：香港 -> 阿根廷 -> 智利 -> 玻利維亞 -> 秘魯 -> 危地馬拉 - > 墨西哥

雖然接近去三個月，但啲行程都係趕到仆街，怪自己太貪心。



盡量隔幾日更一次，我應該唔會爛尾

lm參考，下半年去

樓主有美簽？

出發前
阿根廷選左新總統後好似不太平，智利二月頭又有嚴重山火。因為行程緊湊，是旦一班機取消我都幾頭痕。但呢啲控制唔到嘅因素擔心嚟都冇用，唔好彩遇到再算。



每次獨遊前一排都會開始淆底（就算去日本呢啲都會緊張）
話就話準備左好耐，但好耐冇去啲咁有挑戰性嘅地方所以好淆，總覺得會遇到沮滯
希望一切順利，最壞打算咪買機票返香港囉 ～

廢話少講，出發啦
Hong Kong > Istanbul > Buenos Aires

唔計伊斯坦堡轉機落地4個鐘，加埋成30個鐘，希望撘完唔會冇左半條命



去伊斯坦堡班機都幾爆，好多旅行團。坐我隔離係兩個婆婆（頭髮未白曬，行得走得幾健康，食飯飲紅酒啤酒，我喺隔離飲蘋果汁），佢地8個 fd 一齊跟團玩土耳其11日。如果有咁長命的話，希望我老左都可以好似佢地咁樣仲有能力同健康周圍去。

第一次搭土耳其航空，啲空姐又幾靚女同幾好態度。張櫈算坐得舒服，我半程機都瞓得着。

原來而家仲會送呢啲飛機旅遊包，呢幾年淨係撘廉航好耐冇見過。


話咁快食兩餐，瞓下覺就到左伊斯坦堡。轉機個過程幾快，土耳其機場嘅工作人員都幾友善。

搵個位等下班飛機。伊斯坦堡機場得一個鐘免費 wifi，用幾用就夠鐘



4個鐘後又撘下班機，架機先停一停巴西，落啲乘客又上返啲乘客再去阿根廷。呢程打大佬18個鐘但真心唔算辛苦，土耳其航空啲位係幾唔錯。

阿根廷 - Buenos Aires
終於落機，當時急急腳一幅機場相都冇影排隊等入境見啲人攞曬文件比佢 check 以為自己都要搞好耐

到我嘅時候個工作人員係咁咦問兩句，睇我住宿個地址就放我走，臨走仲同我講 nice to meet you

攞完行李 Call uber 去 hostel ，30分鐘就到。好快梳洗完就休息，聽日要搵地方唱錢。

hola mi amigo

Lm

Lm

唔叫埋

有冇買重人壽

等睇阿珍天那南極遊記

支持

想問下絲打，喺邊度可以搵到啲語言學校學西班牙文？

Buenos Aires Day 1


今日得一個任務就係唱錢。去阿根廷嘅人都知道要喺黑市唱，咁我就問 hostel 要喺邊度唱。佢話平日有個相熟嘅 rate 好靚但今日冇開咁佢就叫我喺條街搵個嗌 cambio 嘅人，或者商場都有。

基本上行出少少就聽到週街都 cambio cambio 我打算觀察下先搵個順眼嘅問，行行下就見到個有得唱錢嘅商場，參考一下佢個匯率 1 usd = 910 ars。



當時 google 匯率係 1usd = 850 ars。我覺得點都應該1千啦。點知我走過去問佢比900我，唔通佢睇得出我嚟自水魚之都懶得搵我就入返個商場係咁咦唱少少。



唱完錢就喺 centro 區漫無目的地逛逛。









由於今日星期日，大部份野都冇開，我都係人行我就行。路過買左杯咖啡 + 牛角包。



經過買左舊 empanadas，又幾好食。行完返 hostel 休息下，晏啲先出去食晚餐。



因為日頭我都喺 hostel 附近活動就冇撘車。夜晚要出去食飯我就打算搭地鐵，落到地底先發現冇得現金比錢，一定用 sube card 比錢 (類似八達通嘅物體）

上網查左一下就去最近嘅遊客中心有免費卡攞，搞左一輪終於入到閘




夜晚 book 左去 Don Julio 据扒，上網搵阿根廷牛扒，十個 po 十個都會提到呢間餐廳，我就試下佢咩料。




一條友食唔到好多，我唔飲酒就咁嗌左個扒比自己。





頭幾啖係驚艷嘅，但唔知係咪舊扒開始凍我又開始飽，越食越一般。埋單 ~60k ars，貴就貴左啲不過真係好飽，食完我飽到第二朝

呢間不似預期姐，唔代表其他餐廳都一般般，聽日再戰另一間

有美簽但今次唔經美國

支持

我識嘅大部份一係浸大sce，一係 hkuspace，因為有得 claim 持續進修

BA好值得去2018年去過一次之後成日同自己講要再去
但有阿根廷frd同我講依家因為通脹搞到民不聊生
治安差左好多……
樓主仲諗住去阿根廷邊度？？？

唉，怕死2個字令我損失左好多珍貴既體驗

20幾歲無錢
30幾歲大把錢但已經有家室，更加命仔要緊

btw BA一定要去la boca個頭
治安比起市中心同palermo個邊差
但成個鎮好有特色好值得去

好耐以前我都因工作去過buenos aires ，你自己一個去？唔驚咩？

用apps／上網學住先

基本grammar個d大把選擇
hku space spanish world仲有好多

都成7舊水

就黎飛土耳其

計錯數，係5舊水