Chichcastenango
Chichi market 係中美洲最大嘅市集,逢星期四同日先有,咁啱我星期四喺 Lake Atitlan 就順便去睇下
人生路不熟我就唔撘 chicken bus ,比遊客價搭 shuttle bus
Panajachel 搭車大概個半鐘,跟住司機就掉低啲人4個鐘後接返
行左陣就搵左間 cafe 坐低飲杯啡
飲左兩啖有個日本人入左黎,跟住佢就開始同我搭傘
唔知點解平時咁難遇到但呢一兩日就遇到三個亞洲人(仲有個大陸妹喺 hostel 見到)
個日本仔移民左去加拿大但因為好鐘意 Guatemala 所以已經嚟過呢度十幾次(同香港人去日本一樣熱衷
![](https://cdn.lihkg.com/assets/faces/cow/car.gif)
)。飲完杯啡佢帶我行左陣市集,話我知邊檔買最平。
危地馬拉啲手工比秘魯見到嘅差好多,我冇太大興趣買任何野,但佢繼續好興奮咁繼續講啲布幾平幾正,做抹枱布都值
行左幾條街後,日本仔要返酒店 check out 咁我就自己繼續遊蕩。
我一直想買條相機帶,之前上網見過有危地馬拉做嘅相機帶好靚但一條要千幾蚊港紙
去到 Chi Chi Market 有見到相機帶但唔太靚,睇睇下就見到佢地賣嘅腰帶好精緻,可以買條試試改短佢
逛逛下見到有堆賣衫嘅檔就入左其中一間,好快就有個人過黎 sell 我。呢度啲野唔平,一開價就三百幾 GTQ,但我身上其實得 150。
當我猶豫嗰陣佢係咁話 give you best price ,tell me what price you want
我之前都講過自己唔講價,價錢唔啱但又想買嗰陣就會企喺度考慮好耐。我一路企佢一路自動減,之後唔知點樣降到 200,我就話我都好想買但我身上得 140 仲要留錢食飯。最後佢 120 賣左條腰帶比我
個市集仲有個好特別嘅教堂。雖然大部分危地馬拉人信天主教,但有啲城市仲會保留一啲瑪雅習俗,佢地會喺教堂出面燒蠟燭。喺比較現代嘅教堂係唔允許呢樣野,但偏僻少少嘅鎮啲人傳統啲就仲有呢啲傳統野。
4個鐘實在太長,兜左個市集好多個圈後都未夠鐘走。我覺得喺度留2個鐘就足夠,搭 shuttle 時間冇得自己決定唯有企喺度等下
如果對市集冇太大興趣可以唔洗去,但如果係影相的話我覺得都還算好影
架車終於到,下一站就去 Antigua
![](https://cdn.lihkg.com/assets/faces/pig/clap.gif)