[獨遊] 終於踏足南美洲

之前有睇過,一上上好耐,到真係上堂考試就變左壓力 又要記生字

我之前已經讀過一次
A1唔算好難，但就係唔想溫書

考埋A1?

上課程咁學好痛苦，特別人大左

我岩岩同老婆去完3星期既南美。去左Perú, Bolivia, Chile同eastern island. 好掛住南美

Day 70-71 Semuc Champey

Antigua 去 Lanquin 要搭9個鐘車，沿途司機會比時間你去廁所同食飯。香港差不多絕版嘅麥當勞朋友危地馬拉間間都有 滑嘟嘟勁得意



個商場好四正



好唔習慣 Lanquin 個天氣，好濕好熱冇風又多蚊。間 hostel 一間房得一把風扇，成晚冇停過出汗早餐又冇，風扇又冇，連凍水都冇（痴撚線得暖水可以沖涼）。沖左等於冇沖，隔幾分鐘又成身汗

隔離有條河，但見到啲蚊完全冇意欲落水


去 Lanquin 嘅人都係為左 Semuc Champey，如果對 Semuc 冇興趣建議直接搭飛機離開 Guatemala City/ Flores，飛機45分鐘搭車16個鐘。hostel 啲團嘅行程個個都差不多，因為水位比較低嘅關係，鞦韆同 tubing 都玩唔到


Lanquín 距離 Semuc 大概半個鐘左右，全程車尾企位，啲路唔太靚所以記得捉實扶手


一開始會入洞穴，導遊會比枝蠟燭你揸住（有啲團會用電筒，但瑪雅傳統就係揸住枝蠟燭）。由於我個 gopro 嗰日跌鬼左所以冇相盡量文字描述，或者你可以睇怡富之前有條片，都係嗰啲行程

個洞穴好暗裡面勁多石頭，有時行下路有時游下水有時擒高擒低，入去一定要小心同要著鞋，好易撞親同刮親

成個過程大概個半鐘，因為會浸水所以去到最後個人會好凍

我覺得都幾特別，從來冇玩過呢類喺洞穴探險活動

出返黎就行過少少，有個地方比我地落水，悲劇就係喺度發生


當時我攝住個 gopro 喺件衫度整整啲頭髮，剎那間感覺到冇個重量，下一秒就發現個 gopro 跌左雖然唔係好深，但啲水好濁所以我潛左落去好幾次都搵唔到導遊同其他導遊都有幫我落水搵（唔係免費的要收酬勞），但下面真係太多石頭都冇乜可能搵到

冇左部機其實冇乜野部機都唔新。最傷心係 gopro 裡面嘅相同片我完全冇 backup，我喺天空之境影左啲好靚嘅片喺裡面。之前唔係冇諗過 backup，但裡面得好少野就懶得過落電話，點知就係咁咩都冇曬


教訓自己以後一定要定時 backup 相

附近有山火所以週圍都灰濛濛，天氣同我嘅心情一樣差


食個飯後就會出發去 Semuc Champey



有機會見到野生動物，但嗰日咩都見唔到


有個觀景台可以行上去，本身條路好簡單但因為天氣過程都幾辛苦




觀景台好細


有人話有啲似九寨溝，我冇去過九寨溝但我諗最大分別應該係呢度有得落水



行完終於可以落水啦，勁涼爽



越上層嘅水就越涼，向下走啲水會暖少少




某啲位可以當滑梯咁滑落去，不過我覺得某程度上都有少少危險，雖然導遊係咁話好安全

呢個團都玩成日，所以嚟 Semuc Champey 起碼要留2晚，因為第一日到 Lanquín 已經下晝4-5點

考埋 A1 啦錢都 claim 埋
求合格都唔會好痛苦嘅
但始終讀書唔係自己嗰範
點都要付出少少努力溫下書

正，有冇靚相 share

返左香港啦，呢三個月好似一場夢咁
我會努力6月完成個遊記
有咩問題隨便問，我答到你一定答

大約search咗下，你應該係揀朝早八點至12點上堂？
講嗰啲課外活動通常係幾點？
真係好抵屌咁 同埋係咪叫學校機場接送你？
Sorry好多問題

係呀我朝早，晏晝堂好似去唔到文化活動
跳舞班通常傍晚時間
文化活動逢星期四晏晝3點
你都可以自己安排課外活動嘅
問下老師想唔想出去行下通常都 ok
我係上網訂 shuttle bus 嚟接
可以上https://guatego.com/
一程19美金，平過私人接送好多
但佢一日得幾班如果夜晚到就撘唔到

厲害，你A1底，咁南美上堂，老師會教咩？

冇冷氣真係唔掂

其實 A1 都係好初階，淨係考現在式
第一個禮拜就重溫一下以前學過嘅野
好多生字都冇見過，查左好耐字典
第二個禮拜就學過去式
但其實大部分時間老師都係同我吹水
錯 grammar 老師會糾正我
學左新野就用新識嘅字或文法表達

啲相好靚南美真係好正

加油

第一次見到天空之鏡真係感動到喊

參加左咩團?

lm

無論睇過幾多相同幾多片 親眼見天空之鏡都係覺得好震撼
應該係我top 3 去過o既景點

日落，日出，同埋3日2夜去Atacama

應該點排好？
第一日到步 報即日 日落？日出係邊日睇？

另外想問atacama番去機場有冇巴士直到？

咁都係朝早上堂好多啲時間用又充實啲咁
多謝樓主嘅資訊，希望可以實行

最好係到步第一晚先去agent book當晚星空加日出，然後返酒店休息到半夜出發。睇完日出後返到Uyuni 8點幾，可以休息下。 然後第二日傍晚出發日落加星空，呢個團10點度返Uyuni. 如果天氣好，基本上天空之鏡精華睇晒，第三日就可以出發3日2夜團。

San pedro De Atacama 去Calama機場好遠，你可以同酒店book shuttle,記得早d book.我book 遲左冇車，只能硬食800hkd 私家車

前後兩個團 +3日2夜去atacama團？有冇印象幾錢到

$800