去 Tulum 純粹係為 cenote，鐘意到值得二刷，因為呢個天然景點墨西哥獨有
如果對 cenote 有興趣，建議住 Playa del Carmen 或 Tulum，呢兩個鎮附近最多 cenote
墨西哥整體嚟講比起幾年前貴左好多，而今時今日嘅 Tulum 海邊酒店應該比得上 Cancun
住市中心近巴士站，但離沙灘就好遠，去沙灘可以踩單車
大概20-30分鐘到，或搭 colectivo 20 peso，主要係當地人交通工具，好少好少遊客會搭到步第一晚識左個墨西哥妹，算係我第一個用西文認識嘅朋友
，用我好有限嘅西文溝通完一輪後，我地決定第二朝去海邊睇日出
因為太早未有交通工具，所以搭左的士，要100蚊港紙好撚貴
咁早都咁多人
逗留左陣就離開，返 hostel 執左陣野就去今次好期待嘅 cenote
搭 colectivo 大概15分鐘就到，差不多到目的地嗌落車，行過對面馬路就到門口
入口有個售票處，但呢個位只賣3個 cenote 嘅門票，裡面好似有成十幾個 cenote，其他就到門口先比錢
而家墨西哥加曬價，一個 cenote 入場費要 300 - 400 peso 其實都幾貴，但避免唔到比佢劏
買飛後行20分鐘就到今日第一個目的地 - Cenot Nic Te Ha （全場得我一條友行路，嚟得墨西哥玩嘅人都好富有搭的士或專車，窮撚只會選擇行路
）成條路得我一個所以好靜，行行下突然聽到草叢有聲嚇死我，但其實係我嚇親啲蜥蜴佢地逃走左
通常落 Cenote 唔可以搽防曬，因為會污染啲水。呢個 cenote 用相機要比額外錢，同埋一定要著救生衣。呢啲規矩上次嚟冇，而家可能太多遊客所以多好多限制
雖然 Nic Te Ha 好細，但真係好靚
有太陽嘅時候可以睇到下面啲荷葉
自以為好早，但早唔過揸車嘅人，但整體嚟講都唔算多人
個職員好驚訝我識講西班牙文，同我吹左陣水後，見我係咁自拍仲幫我喺唔同角度影左一堆相，佢仲比我除左件核凸救生衣
行程緊湊，留左一個鐘左右就出發去下一個目的地 Cenote Taak Bi Ha。Taak Bi Ha 喺 Dos Ojos 附近，Nic Te Ha 行過去要20分鐘
同之前完全露天嘅 Nic Te Ha 相反，Taak Bi Ha 喺個洞穴裡面。呢度多人少少，仲有人喺度玩潛水。睇下啲水好似泳池咁嘅色，好清好靚
發現鬼佬通常都只鐘意企喺水裡面，游過少少就完全冇人
喺度逗留左一個鐘後就要離開，要趕車去下一個城市。行返出大馬路都要8個字，行完之後又係水人一個，好彩一出返去就有車。
返 hostel 攞行李後就急急腳去巴士站去 Valladolid。好多人遮住左，我見唔到架車差啲走左班車
行下沙灘，游下水，睇下日出日落就算
（個牌寫住 Acceso）
）
3個半月
