[獨遊] 終於踏足南美洲

LAX好似無機去EZE啦
如果美國轉機去南美既話，紐約JFK多啲選擇時間又靚啲

香港去JFK又要頂多幾個鐘機程

咁抵？飛中東好多時都已經要呢個價

欣賞樓主既勇氣lm

聽日行 Fitz Roy，希望完成到

我早排有睇絲打幾年前同老公環遊世界個遊記呀，好正

感謝大家比咁多支持同建議我
我會努力寫完佢
我基本上都定好曬去邊同做咩
加唔到咩落我個差不多塞滿嘅行程
我覺得冇最完美嘅行程
只有最適合自己嘅行程
歡迎巴絲繼續睇我嘅遊記同留言
我未必覆得曬，但我會睇曬啲留言

上年去留咗5日
行哂全部行山徑
建議留多幾日

所以遊記可以影響好多人

我係巴
如果你怕老監就唔緊要嘅
我暫定五月尾至六月去秘魯加其他地方 around一個月
有機會捉埋我細佬一齊去

好靚
加油行晒佢

所以話瑞士世一既人 應該好多未去過其他地方

阿根廷都幾貴下

Day 3 - El Calafate

我話趕行程都真係趕，因為要就 Torres Del Paine 個日子，El Calafate + El Chlatén 總共留三日。行程緊湊，我就預先訂好左一系列交通 + local tour。

落機後休息幾個鐘，12點半報左 Perito Moreno tour。啲團友好似大部分都講西班牙文，辛苦導遊為左幾條友要英西都講一次。

去緊冰川嘅時候，導遊會問你想唔想撘船，我買左飛但我覺得好一般，預算唔多可以 skip（到底點解網上每一篇文都會叫你一定要搭船）。


個冰川船河大概一個鐘，架船會駛到冰川前面跟住360度自轉，比你無死角欣賞面前嗰片冰




我架船有班中年韓國人，搞唔掂，攞住枝自拍棍，電話相機，一有位就攝攝攝，影影影，總之就不太討好

阿根廷都幾多韓國人，見到亞洲面孔基本上都講韓文。

一個鐘好快過，架船駛返去個碼頭度就bye bye。我心諗咁就完架啦，又做左水魚



仲有兩個鐘左右自由活動時間，去行冰川公園條簡單行山徑比我不同角度圍住個冰川行。



快嘅話一個鐘鬆啲就行完，但行下影下磨左好多時間我最尾冇行曬。我寧願花多啲時間喺條徑度，因為從上面望落個冰川先感受到佢嘅震撼。


真係一望無際




嗰日仲要有好幾次見到勁大片冰跌左落黎。一開始唔知咩事，突然聽到嘭嘭嘭，搵左陣就見到哇成塊冰跌左落街呀。呢啲應該唔係成日見。

聽日出發去 El Chlatén

羨慕你有錢有家室

有女一齊去長旅行先浪漫喎

唔單只阿根廷，係成個南美啲亞洲遊客多數都係韓國人
我諗係因為日本人購買力跌左唔少，所以去唔起咁遠

我係秘魯彩虹山都見過啲好無品既韓國人，一堆人霸住個影相位勁耐（要排隊），就算排係後面既鬼佬屌出聲都唔願走

Day 5 - El Chlatén

由 El Calafate 搭巴士去 El Chlatén 最後一段路真係世界級




Fitz Roy - 今個旅程其中一個重頭戲

睇 Fitz Roy 最靚嘅角度就係行10k去 Laguna de los tres，來回20k，時間就8-10個鐘。



由於我6點要搭巴士走我又唔知我要行幾耐，所以5點起身食個靚早餐，6點出發。




出發

其實我第一次一條友天未光行山，亦都係第一次一條友行咁長時間。唔知邊度嚟嘅勇氣我覺得自己可以做到



一開頭都仲見到其他行山人士，但過左 3km 之後週圍黑麻麻人影都冇個。嗰刻其實幾淆底，不過呢條徑好明顯得一條路比較難行錯，我唯有盡量保持冷靜繼續前進。




3.5k 左右有個分岔位，兩邊會喺 4.5k 連返埋一齊。返番主徑行左大概15分鐘都唔見其他人我驚到掉返轉頭走。掉左頭一陣見到之前遇過嘅兩個英國女仔，我就跟住佢地行。






天開始光


放慢返腳步，欣賞下呢個咁靚嘅境




8k -10k 係今次最難嘅一部分




佢個牌 fake 人嘅，正常人冇可能一個鐘到（自問體能唔錯有基本行山經驗一個鐘都上唔到）。

一開始還好，都係啲碎石，香港都常見


越上溫度越低，開始有雪，同融雪之後結冰嘅路。




我冇雪地同地下會結冰嘅行山經驗，今次大獲
呢段行得好困難我完全冇影相。雖然難但都算勉強上到去，但一陣落黎唔知點算

一直上一直上，週圍開始連地面都見唔到，全部都係雪。但其實我已經好近終點，差幾百米。




喺我轉左個彎之後，突然勁大風，大風嘅程度係8號風球咁。真係冇誇張，個人直程前進唔到，如果唔踎低我覺得會比啲風吹走

風停嘅時候我就繼續走但前面已經可以用雪路黎形同，而前面最後一段路我真係冇信心自己可以完成到。



就算就算我上到去，我都唔肯定自己落唔落得返黎掙扎左一陣之後，我決定放棄登頂，原路折返


唉，這麼近那麼遠，但命仔緊要，當比個理由自己再返黎

落返去都係一大挑戰，雪路就扶住啲石頭慢慢跣落嚟，但最擔心都係結左冰嘅路


點知嗰段結冰路因為天氣變暖嘅緣故，啲冰竟然融曬。我嗰時一路落一路諗，如果我喺終點前再等多半個鐘等啲雪再融咁啲，係咪有機會登到頂



我落山嗰時又撞返嗰兩個英國女仔，佢地有成功上到去。向山頂前進嘅人開始多，我係咁諗係唔係除左我之外所有人都登到頂，好悶悶不樂




我一直覺得若果我完成唔到 Fitz Roy 一定係體能問題，但原來係技術問題

雖然上唔到頂，但我有計自己總共用左8個半鐘。可惜係可惜，唯有安慰自己盡左力就得啦

我當年都行左5日4夜 諗返起都想行多次，之後挑戰Fitz 失敗左 行唔到上頂，差最後1km 想補飛行多次

我今次都上唔到頂
有機會我都想再挑戰多次

去南美記得試下 pico de gallo

明明好簡單
但係香港整極都整唔番隻味出黎

下次帶行山杖，會幫到你好多，同埋Patagonia要行山，真係可以行到腳軟

無計
命仔緊要d
最難應該好似你咁講係落嚟個下
睇落其實你差對spike就可以上到去
但都無辦法，一陣有咩事就唔好

好大膽，竟然喺一個人未天光仲要喺外國嘅情況下行山，畀著我一定淆

當地搵多一個人麻