[獨遊] 終於踏足南美洲

想請教下點克服毒遊既寂莫同無人同你即時分享，黎緊小弟都會毒遊，諗起都有啲擔心

巴打認得你個名
係高登時睇過你篇捷克 匈牙利 克羅地亞 遊記勁鍾意
可惜之後啲相load唔到

除左馬丘比丘係一早 book 定之外

我指依個

每個人性格都唔同，唔需要勉強

個行山團好似冇咩野睇

我好似從來都唔使克服呢樣野
擔心蕩失路同比人打劫多過寂寞
就算喺香港都會一條友週圍去
而家科技咁發達咪 po ig sd whatsapp
同埋都好睇你去邊同旅行方式
住 hostel 參加 local tour 好易打開話題
大城市自己觀光的話通常都唔會同人講野
我兩種都試過，冇話鐘意邊種多啲
但我覺得呢個都係旅程嘅一部分

來回香港機票出發兩個月前訂
內陸機就出發個半月前
巴士飛淨係 El Calafate 我預早一星期買
其他巴士同船飛都係到左先買，冇搭火車

如果你住hostel 甚至couchsurfing，總會有人主動撩你，練定幾個答案旁身，不外乎邊度人、會來呢度玩幾耐、最鍾意邊個國家，做自己就好，可以齋吹水，亦可以一齊去玩一日

唔係,我指馬丘比丘行程既野都一早book定？

哦你指呢個，半年前就訂
行山團包埋馬丘比丘門票+所有交通
比條link你參考下 https://www.salkantaytrekking.com/trekking-in-peru/inca-trail/inca-trail-short/
咁早訂因為 Inca Trail 每日都有人數限制

睇相唔似同一個
不過我都睇唔到個山
呢兩日行 Acatenango

多謝分享

勇氣嘅嘢真係可以得一鑊
做左先算

睇樓主個post，十年前獨遊回憶返曬黎

依啲旅程真係可一不可再，當年玩唔曬成個南美，仲諗下次去既時候可以去邊同點玩
過左咁多年，依家就明白好難有下次

樓主玩得開心啲

我見淨門票好似都要幾早買定咁？

多謝
我自己都好鍾意，寫左好耐
但d圖無晒好灰，我間唔中都有開返d 相睇
睇返就快10年了

NZ世一

深有同感，以為係自己留言
巴打差邊度未去？

可以請到一個月假咁正?

草咗成個疫情
下年應該去阿根廷巴西智利4星期

唔熟都一齊去
如果好熟既話一定開佢波

當年都係行大路路線停左係Ecuador

果陣希望下次玩埋Colombia同Brazil
依家就知冇乜機會
不過都慶幸經歷過

Day 38 - Montaña de 7 Colores
彩虹山算一個秘魯必去行程，但彩虹山海拔接近5千米，最好到秘魯過幾日先去如果唔係好高反

去彩虹山路途遙遠，所以晨咁早就要出門口，坐陣車去食早餐，食完繼續坐車


落車後唔係即刻見到個山，要行9個字左右先上到彩虹山個經典打卡位


除左行路之外都可以選擇騎馬或騎電單車


雖然條路望落去唔斜，但因為高海拔行上去都會好喘氣 話咁快已經上左一半



導遊話彩虹山大概十幾年前先開始係一個景點，一開始要見到彩虹山要行8公里。但發展旅遊業之後，遊客要行嘅路越來越短，到今時今日只需要行2公里

喺西班牙殖民秘魯前，當地人講嘅語言叫 Quechua（存在喺印加帝國更早之前，直至今日都係秘魯其中一種官方語言），今時今日都好多秘魯人識講。彩虹山，或者 Montaña de 7 Colores 其實真正嘅名叫Vinicunca，喺 Quechua 嘅意思即係頸咁解（即係兩個山中間個凹位，用下自己嘅想像力）。

但係導遊同我地講，好多時學校未必會再教Quechua，或者而家有啲家長會特登送自己嘅子女去只教西+英嘅學校，所以好多大城市嘅細路都唔識講。反而偏遠啲嘅村落普遍率仲高。



唔記得之前講過未，但秘魯大部分嘅景點擁有者都係嗰度嘅原住民彩虹山有部份而家暫停開放因為嗰堆原住民圍內講唔掂數，冇人知會幾時開返或者會唔會開返。

扯遠左，咁行到上彩虹山就見到嗰個知名打卡點原來係要排隊。還掂都上左黎就排下啦。


除左個打卡點，仲可以行上少少，但見到嘅人頭完全冇意欲再行


嗰日天氣一般，多雲但好彩冇遮住曬個山



彩虹山嘅打卡點網上見過好多次，但打卡點以外嘅彩虹色山脈比我想像中更驚艷。




除左呢啲一日打卡團之外，彩虹山仲有短或長嘅 Ausangante 路線，睇相好靚但一定辛苦到仆街

逗留左一陣開始多雲，導遊就叫我地落返山，行落去快好多，到山腳后等埋團友又開始坐幾個鐘頭車返 Cusco（所以一日遊大部分時間都係用嚟搭車）


下一篇就係馬丘比丘，我仲努力寫緊，打字好難