[獨遊] 終於踏足南美洲

啱啱追晒post,加油啊

睇你點玩同去邊，當你住hostel,平極平均都$100晚，三餐自己煮$50 一日都$150
未計交通 機票 tour

為自己身體，安全d好

係唔係bno入

我個時去打又無咁多嘢問
但好似出發前1個月內先有得見醫生

但醫生話隔太耐 唔比高山藥我
叫我去到自己買

我估你登記比資料，覺得你合資格

最後有冇買 同有冇食

多謝資訊

你話山長水遠黎到冇理由唔睇多啲野
但係atacama唔join多啲tour
個人覺得atacama啲tour靚過玻利維亞好多（唔計uyuni)
我果陣同你調轉係玻利維亞入智利
Join左好似5個tour，全部都覺得好震撼

同埋樓主你去Perito Moreno Glacier冇join個big ice trekking tour有啲可惜
個tour冇Torres del Paine w trek咁辛苦但開頭都唔易
可以行入個冰川中心感受大自然有幾咁誇張
果下會覺得就算唔食幾日飯都要去下

Btw樓主加油
想繼續睇
睇完覺得好似去緊旅行咁

我比左成個travel plan excel佢睇
可能都咁岩個醫生好好人
我記得打左黃熱 傷寒 破傷風 同唔記得乜嘢
一共四枝針

最後無買高山症藥呀
聞下神油 咬下葉咁囉
都有啲高山反應
但唔係太嚴重

我由智利入玻利維亞
三日團

去完覺得其實如果淨係睇天空之鏡
直接搭車由Atacama去Uyuni
再join鹽湖團就得
中間頭兩日啲景點都有啲可去可唔去

嗰陣開始作病
要落水嗰啲全部唔玩得
其他 tour 又要上再高海拔
去到都應該死下死下

係呀我冇去個 glacier trekking tour
好遲先知道有呢個玩
時間唔啱就冇join

不過巴打嗰陣玩左幾耐？
多謝支持

第四針應該係甲肝
因為我都係呢四針

係喎 我岩岩check返
但我以為我要求佢先幫我打添
因為我記得我無咗抗體

都唔出奇，因為我老婆去睇，個醫生最初只係叫佢打黃熱針

搭單一問，有冇巴打知如果打左呢四針，去黑非洲仲使唔使睇醫生

Day 17-19 - Reserva Nacional de Fauna Andina Eduardo Avaroa 三日兩夜團

我以為喺 Atacama 第二日適應得唔錯，所以決定第三日就參加三日兩夜團由智利去玻利維亞

去之前其實好擔心有高山症，本身行程緊湊搞到個人好攰最後真係病左自己攞嚟

個團我喺 White&Green 報，住宿同食物我覺得唔錯。我冇特別格過價，問左幾間最有誠意係佢價錢又差唔多，所以揀左佢。一個人包三餐包住宿 180,000 CLP

樓主係一個完全唔講價嘅水魚（通常覺得價錢 ok 就比錢），覺得貴可以講下價。聽聞玻利維亞去智利會平啲，但冇 fact check 過

如果唔想報3日2夜團，有大巴直接由 Atacama 去 Uyuni（或掉返轉），但就只係一個交通工具應該唔會停低比你睇景點。雖然大部分時間我都病下病下，但我覺得呢個團係幾值得。

團友好重要，聽過好多成團講西文或者其它文司機又唔講英文（我地司機都淨係講西文），成程完全唔知發生咩事

我地團一對加拿大夫婦，一對英國情侶，一個上海妹同我，大家都幾夾幾好傾。一架車6個位，大家都肯輪流坐後面

今次住宿比想像中好，去之前我以為條件會麻麻地。單人報團係要 share 房，咁我好自然係同上海妹同房。上海妹裸辭掉低老公同個仔自己一個去個半月南美，算唔上富二代但應該有啲錢。中國人搵到啱 channel 就會係咁講係咁講，我嗰幾日不在狀態都唔記得佢同我講左啲咩

英國情侶同加拿大夫婦都玩6個月以上，這麼有錢 不過玩南美洲嘅啲人通常都唔會短

我冇特別搵英文團，識講英文嘅司機應該好少。我西文垃圾程度聽得明一成左右，英國妹 Marina 有時好好人會幫手翻譯少少。大家都半斤八兩，但識少少好過完全唔識（起碼要去廁所都可以話佢知）。

因為病下病下我都唔太記得邊度打邊度下面不分順序比多啲圖大家睇















有一個位可以比你落水浸下，我唔方便就冇落到水








印象最深刻係 Laguna Colorada，個湖粉紅色成千隻火烈鳥，好激動。但嗰度行得勁喘，就算平路行10步都要停低回下氣






我諗我都係成世人第一次去一個咁乾嘅地方，離唔開潤唇膏同埋因為好乾會不停飲水，但飲水又會要去廁所，好矛盾。國家公園裡面啲廁所係收費，但問題係廁所唔多，好幾次叫司機停比我地落車解決

記得帶多啲水，雖然食飯有野飲，但中途好少機會比你買水。可能因為病帶4.5L 水都比我飲曬。

伙食比想像中好，早午晚都唔差（前提係我唔揀食，玻利維亞啲食物其實一般般）






第一晚住宿


第二晚住鹽起嘅酒店，又幾靚



三日兩夜團基本上收唔到網，喺鹽酒店可以比錢上網，我唔太需要上網就冇買

最後一日行程係去天空之境，5點出發睇日出個天氣咁乾我以為一定冇乜水，同埋最近都好似冇落過雨。但到嘅時候超多水



我成程病樣個頭又勁柒，難得去個咁靚嘅地方配個咁柒嘅樣

我咁柒就唔比大家睇，可以欣賞下我影人地嘅相





玩完水後，會去冇水嘅地方繼續玩



朝早少凍，但太陽出黎之後就好熱，我覺得自己曬到一舊雲咁（加上係咁流鼻水，天空之境都打左個折）

之後都係啲例牌行程，自己睇相





就係咁，3日2夜團就完結。我地一團人喺 Uyuni 食埋午餐之後就分道揚鑣，有緣再見

南美好正

而家3日2夜團睇埋日出咁好，唔使專登去到Uyuni 再報團
咁有無報埋日落團？定即日坐車去Potosi 或者La Paz？
睇絲打你既相，好似自己再去多次，因為短期內未必可以，多謝你既相止住癮先
希望你早日康復

180000算貴？

有冇問其他人幾錢？

我喺 Uyuni 有留多兩日
比自己休息一下
有呀，報左個日落星空團
可惜嗰日多雲唔多星

多謝支持
雖然我而家人在南美
但我覺得南美真係值得多刷
實在太多太多野可以玩

我估正常價，冇問其他人比幾錢
睇下有冇巴絲覆下佢地比幾錢

已經去咗2次 下年第三次
利申:上班族 每次最多去一個月

我以為3日2夜團係default係仙人掌島睇日出


因為3日2夜無係水面睇到過日出日落
我係Uyuni 再報日出日落團
結論 真係有水先靚

我個時1月報差不多1400港幣
差唔多啦我諗

但我偷聽到係玻利維亞個邊入真係平d
但無考究幾錢