[D736-] 抗俄衛國 178: 烏克蘭衛國戰爭兩週年

https://x.com/new27brigade/status/1765160191480430969?s=20

續上面議題, 連捷克都好清楚, 俾俄羅斯繼續不計代價損失, 玩人海落去唔係辦法.

必需要想辦法Boost up喺烏克籣的地面兵力. 最少唔可以持續1:7呢個咁慘的比例.

另外個人意見: 除佐兵力, 仲要盡快追番比邪惡軸心落後差唔多一年的彈藥增產速度. 上個PO已經講佐我的意見 = 令烏克籣每日平均射1萬發155mm砲彈為"合格".

呢個就係美國軍援法案被卡既結果.

北約要達成共識, 唔容易. 德國肯出軍備,
但你要佢出人應該好難. 我估會卡喺舒爾茲度,
然後全世界屌佢, 最後死死地氣通過.

希望年尾可以出到兵.

當派得部隊入, 空軍就少不免.
個過程可能要好耐.

我都觀察, 烏克籣 - 北約聯軍重奪空中優勢的話, 目前俄羅斯不計代價的"人海戰術"會剩幾多效果.

BTW, 有空優, 面對俄羅斯想將每座俄佔區城鎮都變成"斯太林格勒"的意圖的話, 我想我會毫不猶疑地將一個個城鎮先剷平再講. 或者將全部城鎮都變成"長春圍城".

冇辦法, 對住俄羅斯瘋狂打法, 只有用差唔多痴線的策略, 先能夠保障最前線士兵安全, 這就是戰爭.

當然最理想就如提督之前PO所言, 直接斬首戰爭罪犯普京 同 習近平. 先係犠牲最少人命結束戰爭的方法.

最後嗰句好似係你講唔係我講

如果真係入烏克蘭, 變相烏克蘭有空軍,
155既需求會細好多.

NATO正式出兵就要先向俄宣戰，呢個政治層面有難度，畢竟俄並無侵佔NATO領土而烏又唔係北約成員國。
不過網上有討論過可行的折衷辦法，現時戰事只在東線及南線，但烏軍有大量軍力在西部及北部駐防，特別係首都圈區域。如果NATO出兵接管西北部防務，毋須同俄軍正面交烽，而現時駐守西北部嘅烏軍可即時抽調往東南部增援。

咁多終鵝特工喺歐美，呢D暗黑行動係咪好易通天

Giotto、九龍治水、邪惡燙斗：睇唔到

睇唔到，唔代表唔存在

呢場仗俄羅斯輸撚硬，爭在係輸得有幾慘啫

https://twitter.com/new27brigade/status/1765198741781524928?t=uxdsL09egSWJi1jKfoH2fQ&s=19

俄羅斯方日常。

https://twitter.com/new27brigade/status/1765236061800960510?t=bauHfJ82Zf3I2chj-e3mKw&s=19

BTW，首次確認俄方戰果，摧毀1台海馬斯。兩年中俄羅斯係有進步，好大程度上係上兩年西方世界低估俄羅斯及其邪惡軸心意志的結果。

依家Himars 最大問題係無彈，少一兩部反而小事。

155需求呢個point, 我目前有保留. 近幾廿年冇其他接近例子可以參考.

海灣戰爭一來空中實力差距太大, 二來(亦係最緊要)雙方喺戰場上的戰鬥意志差太遠.

我從來都係強調: 攻心為上 = 首先要有"戰鬥到底的意志", 然後武器, 裝備, 戰略戰術等先可以發揮到其功效. 消耗戰本質, 就係意志與另一個意志之間, 絕不妥協的長期對撞/角力.

中二病/信仰其中一個難纏之處 = 將"思想"與"意志"強化到極點.

問題係，要民主國家肯投放資源喺戰爭。
而家歐盟同北約仲未訓醒

未訓醒 X
未醒哂 O

醒與訓著中間，有好多空間架。提督用“醒佐幾多成”為基準會準確d。

真係訓醒，就應該準備三戰。
我係以此為基準。

已經唔係2022年2月，唔係單純既烏俄戰爭，
而家普京想將把火燒到全世界。

你用呢個最radical的scenario做基準的話，咁我冇嘢好講

冇共識。

雖然有個更radical的 = 提督你提過“如果普京打三戰，就直接用核武”的一開波就出大絕的scenario。

Ref自提督這PO的 #72。

普京唔係想自己單挑全世界，
係想全世界戰火全部燒起黎，
分擔佢喺烏克蘭既壓力。

以此為前題，佢唔會主動攻擊歐美，但會煽風點火，
以巴，蘇丹，都係例子。所謂三戰，就係烏克蘭，
台海，以巴，胡塞幾條戰線全部發難。
（台海相關有菲律賓，南北韓，日本）
甚至緬甸，印巴等，其中南北韓最凶險。
總之所有地區既戰火全部點起。（伊朗應該郁唔起）
前排緬甸應該係有中國軍隊入左去練兵。

普京係想贏，唔係想攬炒，唔會主動用核。
唔好扭曲我既說話。

咁麻煩你睇返我#72之前，你自己講緊乜，
我又答緊你啲乜。睇上下文唔該。

嗯，咁我的“三戰”認知同提督你有非常嚴重差距：

我偏向跟番傳統1，2戰的概念 = 國與國未正式宣戰，提督你上面提到所有戰場未正式連成一線。都未算正式進入三戰。

而家即使普京+習近平喺全球挑起火頭，頂盡都係加冷戰時期代理人戰爭玩意的加強版，而非主流定義下的三戰。

當中樞紐就係俄中。
普京唔會單純用軍事力量對付歐洲。

如果歐洲及早訓醒，儘快直接介入烏克蘭，
可能可以避免三戰。如果一直拖，
拖到台海／南"北"韓戰爭爆發，
到時就另一個世界。

唔好睇小獨裁者既瘋狂。
我地已經睇小左普京兩年，
結果就係以巴再戰。

唉，針唔拮到肉唔知痛

分分鐘要等到NATO是但一國俾人正面侵略佢哋先至識得醒/冇得再繼續扮瞓覺

其實我又有另外一個睇法

而家烏克蘭處於戰術上嘅下風，只係因為唔夠彈藥姐

唔夠彈藥呢個問題其實相對容易解決，你睇吓俄羅斯之前夠晒彈藥，咪又係攻唔入

只要解決到彈藥呢個相對容易解決嘅問題，烏克蘭就算反攻唔到都可以守得住而家嘅地方