[D736-] 抗俄衛國 178: 烏克蘭衛國戰爭兩週年

特朗普：當選後若盟友先答應兩個條件 美國才會留在北約
- 分享自 LIHKG 討論區
https://lih.kg/3655670

前美國總統川普近日受訪再次強調北約組織對美國的重要性。他說，如果他再次當選總統，美國將「100％」堅定留在北約，但前提是盟國必須「公平分擔費用」並「公正對待」美國。

美國福斯新聞（Fox News）19日報導，川普接受英國右翼媒體GB新聞台（GB News）採訪，直言不諱地指出，如果沒有美國的參與，「北約實際上根本不可能存在」。他批評北約長期以來一直「佔美國便宜」，導致美國不得不承擔高達90％甚至100％的防務開支，這種情況「極度不公平」。

然而，川普也說，如果北約開始「公平對待」美國，他將「100％」支持繼續維持北約夥伴關係。



well, 我之前就話過, 佢唔會唔撐歐洲同烏克蘭,
但前題係北約要出返錢. 由佢當日屌德國肥婆開始已經係咁,
一直無變.

就算佢唔當選, 歐洲內部都會形成加軍費既壓力,
畢竟侵侵講既說話係有道理, 歐洲要醒, 唔可以再訓.
佢既做法好仆街.....但效果立杆見影. 法國, 捷克, 波蘭, 全部加速.
當愈多國家到達2%軍費, 佢地就會反過黎向未到2%既國家施壓,
喂, 我俾左2%, 你仲未俾喎.

必要之惡黎.

補返個source.
https://www.gbnews.com/politics/us/donald-trump-nato-pay-up-usa-took-advantage-latest-news

佢好似唔明點解美國可以係經濟同軍事一直獨當一面，其中一個原因就係不斷係海外註軍同埋多方面削弱全球各國既軍事力量。

如果叫逼到歐洲寧可以加軍費都唔想靠美國邊，最後美國只會得不償失

做大佬就係要有時請班細既食野，呢D錢係預左跌既，又要人地叫你大佬，但又要細佬出番咁多錢，咁做細咪自己做大佬囉

如果搵非甜, 去Zlibrary會多D呢類設定集.

"表面上"Zlibrary收佐皮, 但實際上仲"偷偷地"營運緊. 其實係之前D人太嗆, 明明嚴重侵犯版權, 仲要聲大夾惡, 我係美國聯邦政府都要迫住收佢皮啦.

宜家冇"趕盡殺絕", 仲俾佢繼續"潛水模式"營運, 算係俾佐條生路. 只要使用者唔好再咁猖狂, 將侵犯版權講到理直氣壯, 靜靜雞DL唔好張揚, 美國會"隻眼開隻眼閉".

我喺隔離覆左.
前提不一, 結論亦不一.

特朗普：當選後若盟友先答應兩個條件 美國才會留在北約
- 分享自 LIHKG 討論區
https://lih.kg/bHuiwJV

建立北約除左保護呢堆歐洲國家，更重要符合返美國全球戰略嘅需要，駐軍權/影響力同錢邊樣更重要？呢個問題需要深究

錢並唔能夠買到影響力，中國都大把錢咪又係出唔到國際。個人睇法係無錯歐洲出豉油美國佬出雞係好唔公平，不過換到駐軍權，軍事通行權呢堆錢都買唔到嘅優勢

所以好視乎美國對歐洲嘅態度，如果對歐洲係對盟友恨鐵不成鋼嘅感覺，我覺得唔需要用退出北約黎威脅佢地。但如果係當歐洲只係軍事基地嘅，更加無必要退出北約

佢要考慮既唔係北約, 唔係影響力,
而係一旦台海開戰, 美國要兩面作戰.

既然台海未開戰, 美國而家應該要點部署?
咪就係盡早逼北約加速, 等佢地可以自己搞掂大部份生產,
自己應付歐洲戰線, 唔洗下下靠美國.

你講既影響力云云, 係以和平年代發生局部戰爭為大前題.
而逼歐洲自強, 係以第三次世界大戰即將發生為大前題.
兩者前設不一, 得出既結論自然唔一樣.

你要問自己, 第三次世界大戰會唔會發生?

唔好用二戰黎類比, 以為美國可以老奉兩面作戰.
當時對付既係德國而唔係有極多天然資源既俄國,
而太平洋既對手唔係一個軍隊深陷廣大中國領土既島國日本.
而係13億人口既中國, 而且打既係離中國不遠既台灣,
或者係東南亞開片. 提前準備, 係絕對有必要.

LM

mcconnell個回應

之前我已經係度講過劉仲敬講過拿破崙戰爭既例子，當時英國主要都係封鎖法國同海外殖民地既聯繫，打法軍依啲野留返俾普魯士，奧地利同帝俄，戰後將歐洲大陸留返俾佢地，自己專心發展加拿大，非洲，澳紐，中東，印度同遠東殖民地

第三次世界大戰美國應該用返依個戰略，等歐盟，印度，澳洲同日本打蛾蚑，戰後將歐亞非大陸留俾佢地，自己專心發展太空

諗多左
太空無資源搵鬼上去

Chuck Schumer個講法先搞笑, 直接叫以色列重新大選
呢啲向來係可以諗, 但唔應該講出口.

我諗應該係上帝之杖呢類野.

太空工廠?
依家starlink開始盈利睇下將來spacex可以去到點

https://twitter.com/ChuckPfarrer/status/1770557877398237225?t=1zSvVL5qvkOwgFwB5XxC4Q&s=19

俄羅斯，組建新地面作戰單位。估計再動員約40萬人。

而家組建，基本上確定2025-26會打鑊更甘，亦係準備長期消耗戰的政策，而家係睇2025-26俄羅斯的侵略方向會係邊度。

續#559 普京認真地準備緊幾百萬大軍，幾年後同北約死過。

只係宜家睇下俄羅斯接下來侵略的方向，與歐洲各國擴軍同擴充武備上的準備。

我認為目前歐洲同英國最嚴重的問題，真係人力短缺 = 預備役數量嚴重不足。一旦俄羅斯大軍入侵，北約地面部隊冇辦法迅速scale up去抵擋。

咁好呀！歐洲Eventually自己搞AEU。完

而美國都唔使再做自由世界的大佬了。將來喺歐洲對抗俄羅斯威脅上你美國冇出過半分力，點解歐洲各國，歐盟仲要睇你美國台戲？

Trump冇考慮過以上問題。政治唔係一盤生意，唔可以將某d商業上work的手法用喺政治，外交上。

不過我亦知道提督你唔會認同我呢個觀點，正如我亦唔認同你對Trump喺俄烏戰爭立場上一樣。大家都係冇交集地一再重申自己opinion 咁解。

就係要歐洲要幫自己同烏克蘭負返一定責任先可以令美國有盡快平定中東同及後將重心重新放返喺印太嘅空間。
https://www.nbcnews.com/politics/donald-trump/trump-eyes-sen-marco-rubio-potential-vp-pick-rcna144003
https://www.foxnews.com/politics/pompeo-doesnt-rule-out-serving-second-trump-admin-doesnt-comment-jobs-ive-not-been-offered
而且依家基本上唔洗擔心Trump當選之後會繼續同班極右埋堆，佢揀得Rubio呢個傳統共和黨人做副手同蓬佩奧有意再次同當選之後嘅Trump合作已經足夠證明呢點。

BTW，美國班極右會唔會咁順攤，俾Trump過橋抽板，當棄子咁用先？

我係美國班極右的話，睇到呢個候選人partner，就宜家轉軚唔再支持侵，反正佢當番總統，自己一派都係冇運行，咁點解仲要支持佢？

美國無論極左定極右，唯一作用只係選舉時當“關鍵少數”，到最後無論邊個上台，著數一定冇佢班極端派系份

https://twitter.com/new27brigade/status/1770649677014483362?t=mPP1rwKjHIFJEp_Kwbv93g&s=19

斯大林，毛澤東，鄧小平等魔頭，對此番言論笑而不語

要普京得到如希特拉一樣的下場，係要西方自由世界認真地，喺戰爭中完全擊敗俄羅斯。單靠嘴砲係冇辦法打敗敵人。

當去到第三次世界大戰既層面, 美國係唔係世界霸主都變左次要.
唔止獨裁者, 只要係一個正常人, 無人會想兩線作戰.
強如美國要面對中國一個咁多人口既敵人都係一樣.
你無辦法想像佢癲起上黎會點玩.

而且Donald Trump講到明, 你肯交足軍費, 美國會返黎.
開天撒價, 落地還錢, 佢逼緊歐洲出錢啊, 退出北約只係鳩up,
佢咁多年都係鳩upper, 每次都講到好大獲, 然後同你deal,
明未啫?

一問
佢件法袍係日本嗰套？

政治既利益結合呢啲老生常談, 唔講複雜,
其實只要見得多辦公室政治都會明多幾分.
爭上位時大家鬥生鬥死, 你上到位, 只要有肉分,
你曾經既對手一樣會對你示好.

傳統共和黨點反對Trump都好, 佢地同Trump係share同一個票源,
最終Trump都要去整合共和黨去同拜登鬥, Trump點都要安撫佢地.
傳統共和黨點唔like都好, 初選已有結果,
佢地唔痴埋Donald Trump度, 未來4年就無聯邦政治飯食,
而家就睇用咩人做副總統國務卿, 就可以睇到Trump既政策走向.
如果佢屬意Rubio呢類, 應該就正正常常.
極右嗰班咪可能俾個衛生局之類無關國際既佢囉, 分豬肉啫.
班極右喺傳統共和黨之下都上唔到聯邦層面架啦, 豬頭骨都無.

所以我先奇怪: 極右連"豬頭骨"都冇, 即係同白做冇分別. 呢點我相信班極右自己都明白的.

咁點解呢班人, 仲要繼續做永遠唔會有回報的投資? 呢個問題喺極左果邊都係一樣. 賠本的生意冇人做, 提督你都好理解啦.

因為極右選民係存在。
中間派唔夠你鬥，咪轉去第二種票倉囉

當然唔排除有人係極右支持者，
政治信仰既野好難講。

Trump有乜嘢無傷大雅的掛名頭銜, 可以分到俾班極右?

正如我睇唔到Biben借極左上位後, 分佐D乜嘢豬肉利益俾呢班激進分子 (希望有熟識美國內部事務的巴打, 俾到小弟一D分豬肉實例): 如果Biden分到果D嘢俾極左, Trump一旦上位, 都係將果類利益, 由極左交俾極右咁解.