[PS5/xbox/PC]Baldur's Gate 3 柏德之門3 討論區(13) - GOTY steam冬特

多數混職啦
純法睇過好似唔勁得去邊

純法係玩控制,輸出只係錦上添花

有冇片可以參考下

我自己暫時玩咗五輪法師都冇睇過片,不過我可以畀我個玩法你參考下。
1-4lv:呢個時段基本上都係靠狂笑人定同埋睡眠術控場,得閒再用飛彈去執頭,仲有用黑暗術去保護隊友,基本上就係睇情況揀一個去專注,打少數敵人嗰陣就用睡眠人定同埋狂笑控制之後等會有快速擊殺建立人數優勢,畀人圍嘅話就用黑暗術去彈出彈入避開所有遠程攻擊,呢一招係哥布林營地超級好用
5-8lv:喺呢個時候開到加速術基本上要做嘅嘢就係加速物攻隊友跟住企喺度等贏,不過如果榮譽模式嘅話我會建議你加速另一個法系隊友,我自己呢round就係加速光明牧影心等佢1 round兩個豪火球之術反應記得留住開法反,基本上有法反加預言骰仔都冇人打得中你隊友,火牆術有時候可以攞嚟kick敵人,不過大部分時間我都唔會將個專注用喺火牆度。
9-12lv:去到呢度應該會拎到兩把冇消耗法杖,要做嘅嘢就係開雙持客一次過拎兩把嘢,有一個可以開三次六環法術個法師喺條隊入面我真係諗唔到可以點樣輸
另外就係全程有條友幫手開大跑乳酪係會令到你成個遊玩過程都舒服好多,大概就係咁,不過純法喺1lv法師都可以學6環法術嘅bg3真係唔算好勁,我自己係由細個就對傳統純職法師情有獨鍾先至會keep住咁玩,如果你唔介意兼職嘅話其實淨係兼一兩lv牧師都會令到成隻嘢勁好多。