在線解答養貓新手問題(8)

咁可能少量多餐咁餵，等細佬食得曬個量。要教就應該好難。
自動餵糧機都要2部，唔係又會搶曬

想請教一下 幼貓3個月
通常清潔耳仔係幾耐做一次
新手岩岩10幾日 見到貓仔會R耳仔 所以幫佢用濕紙巾抹 會有正常啡色嘢抹出嚟 但係想問清潔嘅頻率 因為我2日就幫佢清潔下 每次都會有啲啡色嘢 同埋每幾日就會滴耳水

想問清潔頻率 同埋佢哋R耳仔係咪正常？ 因為我緊張見到佢R 就想幫佢清潔 但上網睇好似話清潔太頻密佢會敏感 前日就係發生左 清潔完之後 佢係咁R耳仔 仲要大力個種 但過左一日就好番少少

有可能係有耳蚤 建議可以帶佢打針嗰陣叫醫生幫手睇埋
正常健康耳仔係唔會有咁多污糟野 所以基本上平時係唔使點幫佢清耳仔

但如果要幫佢洗耳仔 正確做法係要倒枝洗耳水入去灌洗幾次
可以上youtube睇片學下 就咁抹出面係無用的
同埋記住唔好用綿花棒同佢撩 甩咗個綿頭入去就係咁先

3個月左右大嘅幼貓有貓感冒，食緊抗生素同啲收鼻水藥，通常幾耐會完全好返？暫時食咗大約 5日左右，有明顯改善，但仲係會更唔時打乞痴

今日留意到隻貓眼有問題
之前都冇既 今既見佢成日隻眼開隻眼閉
懷疑佢同另一隻貓打架整親 有冇咩眼藥水推薦

請教一下

貓貓突然無晒預警 （以前佢唔鐘意會飛機耳/哈氣/叫/輕咬阻止我，我就會停），但琴晚我收工用手撐胸、另外隻手扶屁股嘅方式抱起貓貓（以前抱住佢佢勁乖可以坐定幾分鐘） 個陣，琴晚佢維持十秒都無，就突然直接揮爪抓傷我手腳走。

之後我無理佢，如常整完野食比佢，消毒完傷口就瞓覺啦。

到今朝早上，我見佢又主動跳上床，用頭挨住我手瞓。
我就再次試圖上述方式抱起佢，但今次一邊摸佢佢一邊全身顫抖，然後突然又無示警下揮爪抓傷我。

呢兩次加埋我兩手兩腳都比佢抓傷抓得好深以往從來無比佢抓傷過…依家佢野又唔食，平時肚餓會叫或望到我整緊野食會叫嘅又呢2次抓傷之後無再發生。無啦啦一抱起佢就揮爪，唔再示警，好似認我唔到咁。請問一下，有無人知隻貓貓發生咩事？可以點處理？


ps. 我無塗有氣味護膚品/無打過貓/準時餵糧鏟屎/離開屋企太耐（我只係如常返工收工）/無陌生人嚟屋企/無轉換環境帶佢出過去/以往都有輕撫佢陪佢玩等等

幫PISH
仲以為名種猫唔會咁惡TIM

將會接隻 3 月大布偶展開生活，有幾個問題想請教下大家

1. 每日可唔可以 急凍生肉 加 乾糧 喂食？
例如 每日返工時間 比乾糧，放工喂 急凍生肉



2.剛剛到家，應該一星期後先去打針，身體檢查？
( 3 個月 目前零針 )

3. 只有一隻貓，應該兩個貓砂盤 還是 一個都可以？

4. 要不要買籠 養一排比佢適應？ 還是放養等佢慢慢摸索

5. 飲水機 定 用碗裝水，每日更換好 ?

唔該哂大家

貓bb係會多啲感冒 平時可以食下lysin會幫到佢
通常打哂三針同埋再大多少少就會少啲感冒

食哂依轉藥都未好得哂可以打去診所再配藥食
如果食多轉都未好可以問下診所做多啲檢查

唔好自己亂買眼藥水幫佢滴
如果眼球有傷口 用錯有類固醇藥水係會嚴重潰瘍㗎
一定要去睇醫生配藥

1.可以

2.如果隻貓睇落無病無痛 接貓返屋企觀察兩個星期先睇醫生打針

3.官方建議貓砂盤數量係n+1 即係養一隻最好有兩個盤

4.有啲貓適應能力快 可以唔使困籠都得，有啲就要困一兩個禮拜先適應到，所以都係睇你隻貓會唔會好驚先再睇下困唔困
如果要困嘅話可以困房都得 無單獨一間房都可以困籠

5.飲水機同陶瓷碗佢地都鍾意 你可以試下佢鍾意用邊樣多啲 最好每日換水 水愈新鮮佢地愈鍾意飲

佢有冇撞親呀？
會唔會佢受傷你唔知道，你抱嘅時候佢覺得痛？

我望佢又唔似係受傷，見佢跳到跑到，其他地方又無腫脹個啲。

但最奇怪係，佢好似突然好驚走出去大廳，長期狸埋係房，即係肚肚向下嘅趴低/母雞蹲，仲會屙埋尿尿係房嘅地下到…

除咗唔比抱起，佢依家係接受到摸頭摸臉頰個啲但只要有小小嘅聲響，就算好輕聲嘅（膠袋打開），佢都會嚇到弓背轉頭尾巴兜住自己…

到食野方面，佢都係唔敢步出大廳搵返慣常食野嘅位置，如果我勉強擺佢面前，佢先會勉強食下。相比之前，佢食慾好明顯大減

我完全唔知佢發生咩事 佢從來無試過咁樣，好似突然認唔到人/行為出差異/一言不合直接出爪傷人（真係從未試過，佢平時係好粘人好嗲好乖嘅貓嚟），佢又已經絕咗育理論上唔係突然發情期…

求救 隻貓仔 3個幾月 尋日同佢玩 佢跳落地 可能比地板條罅介到 肉球介傷左 流血 幫佢用濕紙巾 抹左 結左招 有食野 有飲水既 依家放咗佢入籠 但就靜左冇乜心情 今朝想即刻去睇醫生 但附近3間 都full 左 聽日先睇到 係咪應該冇咩事

新入屋 布偶女 , 日半 無痾屎 , 但有痾尿 3次

有精神，有玩，有食罐，無食乾糧

正常嗎？

正常

唔太深ok
屋企可以放定枝神仙水 小傷擦損都可以噴下

本身養緊4隻和諧相處嘅貓(1.5-5歲）
未養4隻貓之前養開狗，走咗之後轉咗養貓
近排心思思想養返隻狗，建唔建議？

如果相處唔到你諗住點解決？好多人試過搞唔掂最後要二揀一。

請教一下
想帶2歲貓貓去洗牙 請求介紹診所/醫生

神仙水有冇推薦？ 朋友又叫我搵粉紅色水 或者有d銀離子噴霧

如果新貓未齊針係咪最好困籠
個籠有無話要幾大

想問下貓仔5個月大，就6個月
本身無食開濕糧
前日比左罐幼貓主食佢
之後開始軟便
琴日直頭柯兩次水狀
所以琴晚開始無再比佢食濕
精神食慾無下降
想問應該點慢慢比佢食濕
要唔要連埋食開隻乾糧整淋佢比佢食？

同埋佢柯完唔會奶屎眼⋯
同佢抹佢好大反應 有無咩方法可以令佢無咁抗拒抹屎眼

更新下今日好左 唔係水狀係軟便

我只係係watson買
我都想知邊度買粉紅水