在線解答養貓新手問題(8)

個啲零食一枝枝個啲少食好啲
我係早午晚睡前4餐

罐有冇話一日/一星期只可以食一次咁

巴打 打左針未？同你一樣4個月

打左了

咁又冇
最好比下唔同肉類佢食下睇下有冇邊隻食完會肚屙

想問準備接貓返屋企 都係兩個月大 佢本身飲開貓媽媽奶 同食乾糧 可唔可以一接返嚟就比佢食罐罐 我揀咗汪喵個隻幼貓罐

想問邊支神仙水好用 假如貓貓整親可以噴下？最好係幼貓都用得

可以 但最好都要準備啲乾糧喺屋企
一嚟驚佢食唔慣濕糧 二嚟其實貓BB可以長放乾糧 放題咁餵佢 然後可以視乎返佢胃口 早午晚俾罐罐佢食
貓bb唔會肥 需要大量嘅能量去長大

同埋有心理準備一開頭食罐罐啲屎可能會爛啲 因為貓貓突然轉左食物都會肚屙
食多一排等佢腸胃適應咗就無事

睇開嗰個醫生話神仙水無用
如果平時貓貓整親損咗 可以用人用嗰啲粉紅色消毒藥水幫佢消毒 然後用silver cream搽傷口就得
如果佢會lam就戴頭罩

想問下豆腐砂可唔可以用雙層盤買咗先發現佢好似主張人用沸石砂

無話唔得嘅
但豆腐砂濕咗會結塊 痴係上面個窿窿盤底會洗死你
然後又無端端要洗多個底盤

如果間住位餵又得唔得？
因為有時返工只可以早餐+晚餐餵罐罐 中間應該會用餵食機出乾糧比佢食

Bb時期乾糧長期放一兜係到任佢食就得 唔使用餵食機限住食
如果你發現佢控制唔到係咁食乾糧 次次食完即刻嘔先限制佢份量 少食多餐
然後早晚餵罐都可以 無問題的

大家好 又係我
小弟想討論下究竟貓 絕育問題
自從我隻貓出事(已經去咗另一個世界) 我就一直係度諗 究竟邊度出問題
其實貓絕育 好處多定壞處多

女: 減少發情鳩叫 你耳仔辛苦佢身體又辛苦，杜絕子宮蓄膿，減低患乳腺瘤嘅機率

仔:減少發情鳩叫，減少行為問題(亂屙尿霸地盤)，減少睪丸腫瘤 疝氣同前列腺癌，減少公貓尾腺增生

女仔係真係要做絕育手術，因為患上子宮蓄膿或者乳腺瘤嘅機率都幾高，係會直接影響生命嘅問題

男仔絕育我就覺得唔使一定做，除非隻貓隱睪，如果唔係嘅話生cancer嘅機率好低
所以男仔絕育我覺得大多都係影響佢嘅行為問題，公貓尾都唔太影響到貓

不過其實絕育嘅危險性唔高，一般死亡都係因為貓本身嘅隱疾/醫生落藥錯誤/手術中及動物清醒過程嘅時候無睇實佢
古道醫生都有講關於絕育嘅問題，佢話其實根本唔存在藥物過敏導致死亡嘅講法

同你一樣但9個月大 但好細個就知佢隱睪
本身想遲啲先絕
但唔知可以拖到幾時 諗住最遲1歲半前都要絕

隻貓9個月大唔太食濕糧 有時會聞到做「埋砂」動作
拖好耐先會食啲 汪喵 怪獸 Ciaos都試過 唔知係咪好快食厭 有咩推介
不過乾糧會食 亦都好鍾意飲水

其實我好想自責下 今年5月幫貓貓絕育 七月佢個腎就有事 但搵唔到咩事
btw 我想問下邊度可以捐d貓糧出去 但因為得好少量(14包獨立包裝)
royal canin renal with chicken
想捐/俾人 唔想dom咗佢

你帶佢去做絕育之前有冇幫佢驗血？
唔使自責咁耐 將你嘅愛延續去其他貓貓身上到幫下佢地就可以了 貓貓只係用另外一個方法留喺你身邊
如果好少量 你可以喺天貓個fb grp問下有冇獨立義工想要啲剩餘物資

想請教一下：
英短三個月大，接番黎就快兩星期，發現佢平時一玩完就會喘氣同伸俐仔出黎，要差唔多三十分鐘先可以平伏番。
我另一隻英短玩得太激動都會，但五分鐘左右就可以平靜到，想知佢係咪有心臟問題，好擔心

如果你同佢哋玩得好激烈都有機會係因為玩所以先喘氣
你可以觀察下佢哋瞓覺嗰陣呼吸嘅次數，貓正常瞓覺嘅時候，一分鐘呼吸次數大約 20 – 40次，上下起伏為一次

如果真係覺得好唔對路好擔心，除咗玩平時都會喘氣嘅話，都可以帶佢哋去睇醫生抽血檢查或者做心臟超聲波

試新罐我通常餓佢一陣+放電

我嗰隻鐘意食魚唔係好食雞
有次餓完俾咗雞罐佢 佢奶左兩下又望下我 又喵下我好似投訴咁 搞咗陣都係唔食

然後我入房無理佢就自動清哂

貓仔就黎五個月, 呢排下面成日濕濕地咁, 會流d液體, 乾左變白色
上網睇話似尿道炎但睇佢尿量又正常
諗緊到底係咪開始發情.....

7個月大，突然發情，

係咁lam個西，點停都停唔到佢，

想問有咩方法

已經book左下星期絕育，

但中間呢段時間我驚佢會發炎，

感謝

如果有兩隻可以對比，其中一隻特別容易喘氣的話可能真係有心臟病，建議你以後唔好玩到咁激烈，真係唔好玩到佢伸利先停，好唔夠氧氣先會伸利，隨時突然之間就咁就走。
唔知你會唔會冇病冇痛時走去俾幾千蚊照心臟超聲波啦，但係到病發時先照其實就已經冇辦法逆轉。
你選擇唔照的話我就建議你當佢係有心臟病咁照顧。