在線解答養貓新手問題(8)

居然
我仲諗住喺香港比較貴

想請教 接左貓貓番黎10幾日 3個幾月大

食緊wellness 紫色幼貓乾糧 大約一日比50g佢 水份睇資料庫 佢重量1.7 計落大約一日100ml水

平時食糧就少食多餐咁 但一日應該食唔夠50g 水就飲得唔多 但應該未去到抗拒唔想飲

去廁所大約一日有一次大便 一次小便 大便就5-7粒 健康既形狀 小便就一大舊

想問係咪正常，定應該一日2-3次小便？
定係應該比濕罐頭佢試試

同埋想問 應該一早準備全日份量比佢 定係早同晚 準備糧比佢食會好d

因為我都買左自動喂糧機 分左4餐每次10g 但佢都唔會食得晒每一次

你可以睇下便便濕唔濕
有個圖表比你參考下健唔健康
最好就長長一條有光澤而又挺身
就表示消化，同夠水份
小便應該因個人而異
我啲每日都兩三次

如果佢肯食濕罐頭，當然最好俾佢食下確保足夠水份
同埋平時你點樣比水佢飲
通常用水機有啲流動水會唔會有興趣啲飲
其實比較健康嘅話，最好就餐餐糧餐餐清
不過如果要返工嘅話，等佢食飽之後再放一啲長糧備用都可以
以免佢一次食太多

如果你用自動餵糧 可以試吓份量較返少一點
主要睇佢每次食餘多唔多

而家8個月大
未同佢刷過牙
請教刷牙攻略


有用果D手指套摸佢D牙
有小小反抗，不過唔會走

便便正常我覺得 有條狀 有一舊
因為啱啱嚟到驚佢未習慣 所以一開始我都預多咗糧
所以諗住聽日俾佢試吓罐頭 睇吓佢會唔會去多左小便
我有買到流動水機 但係可能水機 高度太高 佢試過幾次之後都冇點飲 可能要佢大個啲先飲得舒服 反而我用個碗仔喺地下 佢就飲得多啲

同埋我想問 屋企冇人佢匿埋左 野食同水都冇點飲 係夜晚返嚟佢先出嚟食 係咪唔正常？

其實隻貓成日飲魚缸水同埋食盆栽d雜草（三葉草）有冇事？

尋日去打完第3針
今天按醫生指示 餵左食半粒Millrqzon驅蟲藥後，貓一直伸脷和流大量口水 係咪中毒？依加邊到有醫生睇

隻貓耳仔出面咁樣 抹完之後係黃色咁 係咪有蟲或者要睇醫生
呢排有同佢滴耳仔洗 唔知關唔關事

既然佢唔鍾意飲水，咁就要喂濕糧啦，起碼佢吸收幾多水分可以計到，加上細個應該易接受d，細個每日1-2罐，大個2-3罐。如果佢冇好快清曬d罐頭就唔好額外加水。
跟資料庫計個水量應該大部分就算食埋罐頭都做唔到，但係起碼要一半啦。另外水兜、糧、貓砂盤呢3樣野互相之間擺遠d會好d。
除左屎之外仲要留意下d尿既顔色深唔深，深都代表唔夠水，有機會生尿石之類。
日頭佢地係長時間訓覺，夜晚有人先出黎活動下，好正常。

魚缸水就算冇蟲都有加d化學野除蟲/殺菌，飲左當然唔好。
大陸網話三葉草有毒：“临床症状：震颤，流涎、少数情况下会引起肾衰竭”
其實養貓好多植物都唔種得，佢地係中意走去咬，全部都要check清楚先。

有24小時急症，VSH城大之類。呢d情況冇得等，點都要揾個醫生睇先，你覺得唔夠好先再轉其他醫生。

唔清楚都係唯有睇醫生。
可能單純耳仔問題，又可能身體其他地方有問題導致佢分泌多左，齋處理耳仔可能都係keep住繼續發生。

新手接咗貓咪返黎三個星期,請問荃灣有冇好既絕育診所推介？唔該

有貓癬要搞幾耐
點可以加速康復

2.5個月貓b乾濕糧點分配好D？
店員話早晚2餐乾糧+中間1個罐就OK
但朋友話幼貓最好食多啲濕糧.補下水
同埋大概幾時唔再界佢食幼貓糧？
求解答 thanks

想問下 準備接貓貓返屋企 諗住做貓瘟test 去診所做同上網買檢測包試紙做係咪一樣？

可以食到幾多濕就幾多濕，100%都得。
本身佢地係天然環境根本就冇乾糧呢樣嘢，就算唔計水份，而家乾糧本身既製作就會令到更多營養流失同埋添加一大堆無謂嘢。
6個月之後可以轉成貓糧。

未試過試紙
但啱接返嚟去睇埋醫生啦
一次過睇下身體有冇唔舒服

貓貓早幾日嘔 跟住唔食野
去左睇醫生 打左止嘔針 開左藥
番到屋企食番野 過兩日到琴日夜晚又唔食
狗衝出去睇醫生 醫生話佢咩事都冇喎
直到依加都冇自己食
用緊針筒餵罐溝水
諗緊係咪情緒問題
可能早幾日出去睇醫生果陣嚇親

嘔咗啲咩出嚟？有冇大小便？
連零食都唔食？
會唔會轉個醫生再睇吓呀？
有冇食咗啲咩異物？

之前嘔水 應該係太餓
但呢兩日冇嘔了
小便有去 但大便未 應該因為冇點食過野
異物就都幾肯定冇
考慮緊聽日打去其他診所問下
但隻貓好驚出街
驚佢再去睇醫生會受咩刺激

我隻貓入袋都會癲，聞一聞貓薄荷就冷靜返
試吓入袋個陣keep住俾佢聞木天蓼/貓薄荷
你見佢聞完狀態放鬆咗就可以照出去

但係唔食嘢都係一個幾明顯唔舒服嘅特徵，睇一睇好啲
佢地就算出去嚇親，返到屋企知道已經安全都會照食返嘢

我果隻入袋冇反應
一出門就嗌到好似要比人劏咁
好驚佢因為太驚又唔知引發啲咩
但聽日都打算book位去睇睇了

隻貓有梨形鞭毛蟲
有冇巴打有經驗

食藥無事
食完藥又屙返爛屎
Keep住淨係俾乾糧

接左2隻4~5個月大 兄弟黎
細佬食野食得慢 或者食唔哂 淨少少
阿哥食得好快 然後每次食完自己個碗就會走去細佬個碗到食埋細佬果份
有冇辦法教到佢唔好食人地個份

我而家餐餐都要護著細佬果份
買左自動餵糧機唔敢用
阿哥已經大細佬成個碼
驚咁搶法一隻keep著食太多一隻keep著食唔飽