在線解答養貓新手問題(8)

打完疫苗/驅蟲之後，屙軟便或者肚屙都係正常 因為貓貓腸胃對於呢d好敏感
建議觀察多幾日先，睇下有冇好轉

我2隻貓女2歲多啲，呢幾日其中一隻屙血，2隻既尿團又越嚟越細舊，睇咗醫生話其中一（非屙血個個）隻結晶體太多，尿既ph 有8，依家開咗處方濕糧同打左長效抗生素，消炎止痛針同cystophan🥲🥲 屙血個個未驗到尿。。。但係佢好驚出街，驚咁短時間，又帶佢去醫院會崩潰。想知道可以點樣幫佢哋增加飲水量，同埋有咩糧推薦？

主人7個月大
春袋係完整
但摸春袋果時
發現一邊有蛋蛋，但另一邊好似摸唔到野
咁樣是咪隱睪？
洗唔洗即刻做手術絕育？因為上網睇隱睪有較高致癌率
本身諗住遲D 先絕育，等佢生大D 個腮

我個女就1歲
細個感冒完就keep 住都多分泌
早晚同佢當洗個臉咁 抹乾淨
用食水+bb 棉

隻貓2-3個月。接左2日。打算坐籠監10日。
大小便正常。 食野唔多。 濕糧撈左乾糧俾佢，沖去佢食左幾分鍾又放置（應該開心叫），得閒先食幾啖😅

1. 乾濕糧要分開？ 定要浸糧俾佢？
2. 放工做清潔俾佢放風，佢入籠就叫唔停。出籠就唔叫跑黎跑佢。
3.佢好鍾意又臉同身刷個籠。係想我摸佢定有蚤。
4. 佢成日手腳插哂落水兜或糧兜度。咁點幫佢洗整乾？

各位屋企用咩窗簾㗎 ？
最近有時間執吓間屋，舊嗰個窗簾比佢哋抓到不堪入目
淘寶左一塊聲稱防貓抓嘅窗簾
點知佢淨係正面防貓抓
背面一樣遭殃
或者有冇一啲味道係貓討厭但係對佢哋無害
唔想用柑橘類嗰啲有毒野
謝謝大家

1.我係乾濕分開
朝乾晚濕

2. 由佢叫，佢知道叫都冇用就唔會繼續叫
當然越多時間放風就越好啦

3.係咪想留自己陣味？

4. 佢自己會奶返乾淨

飲水有冇用水機
或者你倒水飲時會唔會有興趣
佢地中意玩下水咁
睇下開水喉滴滴下有冇興趣

用ikea only冇抓

靠食濕糧補充水份，有人係屋企喂3餐就全濕啦，冇的話就早晚各一罐濕糧。唔嚴重的話靠濕糧就可以解決，之後可以唔洗食處方糧。無膠，少碳水既罐頭都ok。

想問吓今日接bb貓返屋企，係咪要去檢查下先，洗唔洗驗埋血？

通常建議入屋觀察兩個禮拜先睇醫生，因為病毒有潛伏期，同埋貓通常轉環境都會有壓力，有機會引發病毒爆發
貓bb啲血管好幼好難抽血，同埋太細個驗血啲指數唔算好準，如果唔係有大病嘅話通常都係絕育前驗埋血就得

隻貓4個月大, 中左貓癬, 我都好似俾佢傳染, 有咩方法快d 好

睇醫生搽藥膏食藥

我隻貓3個月
寵物店話佢食開RC垃圾糧
買咗包兩kg 諗住俾佢適應吓
再買左oven-baked幼貓糧比佢
點知d乾糧掂都冇掂過
剩係食汪喵罐
水又唔見佢飲
點搞？

好健康wo，因為食罐頭佢就已經吸收夠水份，唔需要額外再飲水。
要改變下飲水等於健康呢個觀念啦，要諗既係佢實際從各種途徑吸收到幾多水份。
唔食乾糧從來都唔係問題，罐頭有齊曬佢所需要既營養。食開乾糧唔肯食濕糧（生肉/罐頭/凍乾加水）既仲容易出問題。
如果佢keep住係咁你就索性放少d乾糧啦，80%以上濕糧最好。乾糧同濕糧比，冇水份之餘，仲多左一堆碳水類（穀類/豆類），貓係肉食性動物，唔係雜食性動物，唔需要呢d。況且你都唔會見到任何牌子係度sell佢地加左呢d碳水係為貓好，因為只係減低成本而添加既嘢，落得少既就會提自己用左幾多肉。

想問下大家有關打Vaccine嘅意見
我有2隻唐貓，1隻4歲，1隻2歲
2隻都夠期打vaccine，但係我好驚佢哋打完針會病
想問下你哋如果唔帶佢哋出街嘅話，其實唔打得唔得？
如果建議打的話，係咪買定保險先打好啲？

如果2個月大英短，係咪唔好食rc罐頭，因為琴日去檢查，佢介紹我哋食rc！或者有冇咩好嘅罐頭？

我個隻唔飲水，我會用針筒迫佢飲水,飲完係咁食糧。
想問買依隻水機好唔好?~

本身野貓 拎左返黎都好正常
但柯屎唔識埋砂 想知點教佢

如果本身細個打齊三針又冇出街可以唔打

但未打又有問題可以先問問診所風險

食開汪喵個啲肉泥罐
冇咩特別

電子野又有水嘅強烈建議買返有三腳接地線嘅
怕觸電

捉佢手或親身表演下比佢睇

請教下，隻貓黎左2個星期，食得柯得，4個月大，係咪可以食貓條同罐頭，有冇話應該一日食幾多餐？