在線解答養貓新手問題(8)

聽人講貓b初初番屋企大致3日內就會屙屎
見佢仲未有屙 驚佢便秘
今日買咗啲專俾貓b既罐罐佢試吓食

因為佢平時都只係食幾啖野 飲好少水

第一次執到貓仔返黎 兩個月左右
帶左睇獸醫body check 外部除蟲 等等
另外開左藥浴 藥粉

藥浴for佢身上有黴菌 未見有貓癬
主要想請教藥浴要keep住洗幾耐 一個月？

同埋因為貓仔夜晚係籠入面一直叫
知道目前未適合比佢上床同人訓
咁應唔應該放佢出黎比佢自由行？

我好想養貓
但我好怕佢夜晚會係咁叫嘈到屋企人
我打算長期係自己間房養
但會唔會怕活動地方太細
大家可唔可以比下意見

你房好大？
1. 你係房養都至少要放喂食機、濕糧碗、水機、貓砂盤。
本身呢3樣野就要擺遠d，隻貓先會用多d。
貓砂盤會臭，太接近喂食機/濕糧碗就影響食欲。
2. 又要裝貓網，唔知你屋企人肯唔肯。
如果你話唔開窗唔裝，咁空氣唔流通都好易病，用冷氣換氣唔係個回事。
你間房個方位冇得曬太陽的話都易病。
3. 就算夜晚唔叫，行黎行去都會影響你睡眠。叫的話都會嘈到隔離房，不過絕育之後夜晚應該就唔會叫。
4. 又要空間擺備用既罐頭、乾糧、零食、貓砂、玩具等等。

講真全家一齊住，唔係所有人同意一齊養就建議你咪搞，有咩問題日日嘈就得返棄養一條路。等之後有能力搬出去先。同埋都要預10萬八萬隨時病既時候用，細個唔病老左都會病。每個月唔洗睇醫生都要一二千蚊養。

諗養貓就諗一陣，養就隨時養十幾年，三思。

藥浴醫生開問醫生

佢會唔會係肚餓
佢咁細怕夜晚壓到佢或者自己跑走咗跌落床

唔係隻隻貓都會夜晚嘈到人 應該都係小問題
但長期喺自己房養 除非你間房幾百尺 唔係無謂辛苦你同你隻貓啦
貓貓唔夠活動空間有機會屈到有病架

Thanks ~ 因為佢新貓入屋 唔敢咁快比佢試住

想問下大家嘅幼貓(10個月以下) 有幾多真係食得夠計出黎嘅Kcal?
因為我隻貓食唔食真係好似睇心情咁 有時一日食得60g罐罐+10g凍乾
計完出黎先食到一半所需kcal 仲要次次拎野食比佢都冇話自己食 多數都係聞都唔聞到就走左去 但用手拎比佢試完味又肯開始食 好苦惱
但佢精神 體重都正常 (布偶 6個月 3.2kg)
正評:食得夠 負評:食得唔夠

我隻貓仔2歲幾
早前中過貓感冒(貓疱疹病毒)
而家長期食Lysine幫補下

但之後成日好多眼屎
要1日抹2次
有無咩補品可以令佢少d眼屎

體重唔跌咪ok
個個食量唔同嘅

你貓貓平時開食咩糧?
之前我個隻主食乾糧都會多眼屎 轉左主食凍乾之後就冇晒了

乾糧食WELLNESS CORE 無穀物貓乾糧
經典原味(火雞肉拼雞肉配方)

濕糧就食汪貓星球

新手 未養過貓
想問關於Cat Flu

搵過資料話好常見
但之後係咪好難照顧？
即係抵抗力差 易病
要長期食supplement 之類

睇中一隻貓想領養
一歲 男 已絕育

一個月大時中過cat flu
食完抗生素好返
性格親人 合眼緣
但因為有過cat flu病歷猶疑緊

另外想問中過cat flu
寵物保險係咪唔受保

大家覺得有冇需要幫男性貓貓絕育？

Lysine對感冒冇用，乾/濕糧本身有的話就已經足夠。
曬多d太陽、清潔多d屋企仲有用。
飲食健康d時身體自然健康d。
唔係缺乏既補品唔需要喂，壓力小d仲好。
真係有病毒就要睇醫生食藥。

除非你要繁殖，否則一定要。
一黎絕育完會健康d，二黎唔絕會晚晚係都叫。

本身保險就唔包cat flu，保險好多野都唔包（FIP、先天病例如心臟病骨病等），包既都係claim得70%。
過左一歲會少病好多，要買就睇清楚d。

幼貓兩個月 見佢成日R耳仔，岩岩接個陣有過蝨 但滴完頸之後無哂 但都係係咁R 仲會係咩原因

耳仔入面乾唔乾淨
污糟都要抹

想問下邊到有無佐劑既貓疫苗打？
問左好多間都話得有佐劑

Cat flu勁少事 就好似你唔小心凍親咁
同一般貓一樣咁養就得
當然你要長餵supplement都得 豐儉由人