【I'm Back 】《病港ＩＩ》（６５）

「有冇壓親你？」公仔起身

公仔邊度壓到艾匡

貴華

推

公仔 艾匡

近排重睇病港1
係康城酒吧用傘打交嗰個紳士係咪就係七傘武者？

唔係啦 致敬Kingsman套戲嗰幕姐

負皮是我俾的

Lm

如果係M會點對付d陷阱同班童軍

Lm

傾下計啫唔啱心水？

對唔字囉語氣重咗少少
但係真係冇個啱除咗達尼之外

所以戴返頭盔係個人感覺瓦禮唔係有講係跟住袁澧林寫㗎咩你自己心水係咩

霸體硬食

吃剩的兔頭

麥霸去完旅行麥霸時間又夜返

「好！有仇必報，真男人。」雲水大讚。

「拎起單車，我暫時佔住佢哋個營，喺嗰諗下點對付佢哋。」公仔拉起單車，整理翻車時散落的物品。

其他隊員也幫忙收拾，依然危險正無聲無色的靠近。

車子的後尾箱給輕輕打開，裡面有個童軍服的青年悄悄跨出，手握著血跡斑斑的露營刀，冷不防地偷竊正彎身拾撿物品的娃娃，挾持她當自己的人質：「你哋……全部放低武器……」

「噫……」娃娃怔住，不敢亂動。

「我大意咗。」公仔保持鎮定，想繼續對話分散對方注意力：「你哋真係夠狡猾……」

「好耐無見……女仔……」那位男童軍朝娃娃臉頰舔：「好靚嘿嘿嘿……好甜好好味……」

「有咩可以慢慢傾。」公仔說。

「叫你放低武器！」男童軍喝罵。

「如果真係放低咗，我哋用咩對付你？」嘎嘎使用激將法。

「聽我命令！如果唔係依個女仔會死……」男童軍咬牙切齒。

「好……」公仔慢慢放低彈術刀，並輕喊：「雲水。」

「呯！」拔槍術。

雲水半秒出手，左輪手槍瞬間射穿男童軍右肩。

「嘩啊啊……」男童軍又痛又驚。

娃娃馬上甩開對方，然後將他推倒。

「嗶──嗶──嗶──嗶──」男童軍拼命握起項上的哨子，不停地吹響它。

公仔迅即上前用膝蓋壓住男童軍胸肺位置，並將雙手拉到背後用索帶綁好：「唔好郁！」

「噫啊啊……嗚啊啊啊……好痛呀……」

「你應得。」公仔拍拍他中槍的肩膀傷口。

「嘩呀！呀……」

「行，去營地。」公仔抽他起身。

如是者，大西北遠征團退回到基維爾營地。

男童軍全身給綁在一根原木上，肩膀傷口娃娃只是簡單給他止血，畢竟要拷問出其他同伴或陷阱位置的話，他總不能失血死去。

五個人其實都未曾嘗試拷問，他們也沒有那種嗜好。

但為了安全達到目的地，就得問出些什麼。

對敵人仁慈，就是對自己殘忍。

「咩名。」公仔先問簡單的，由淺入深。

「啊啊啊啊……」男童軍發出無意義的聲音。

「答我啊！」公仔摑了男童軍一記耳光。

「啪」

沒想到是，男童軍反而笑了：「嘿，你係第一次虐待人、折磨人、拷問人？應該正反手都一齊用先夠威嚴啊。」

「啪啪！」公仔遵循他的意願，正反手摑耳光。

「暫時就叫佢哋做「邪惡童軍」，幫佢哋去人化係件好事，會慢慢令你更夠膽落手。」嘎嘎特地走來給建議。

「我諗緊點折磨佢。」公仔蹲在邪惡童軍一號面前，苦苦思考著。

「折磨人真係要諗咁多？」嘎嘎一腳側踢弄脫邪惡童軍一號兩顆牙齒，腳踏對方的子孫根大跺幾腳：「要踩到覺得腳底係平坦，咁就差唔多。」

「哇呀呀呀呀呀呀──」邪惡童軍一號瘋了般大喊：「我吹咗哨！我隊友好快會嚟救我啊啊啊……你再踩……再踩就死緊……我肯定會用同樣方法對待你子宮……」

「到時再算。」嘎嘎說話的同時，依然跺著其子孫根。

跺到某個瞬間，邪惡童軍一號雙眼反白，渾身顫抖抽搐……

「嗄啊啊啊……」邪惡童軍一號居然失禁。

「咁就差唔多。」嘎嘎沒有半點情緒。

「嘎嘎你係天生就……」公仔想問問她背景。

「信我。」嘎嘎會心一笑，插著褲袋行開：「比依樣殘忍一千倍嘅折磨我都見過。」

「我搵到佢哋其中一個人嘅筆記。」娃娃打開筆記本，讀出重點內容：「原來佢哋十年前香港病變嗰陣，咁啱喺依到紮營避過一劫……然後就用咗童軍嘅求生技巧……生存到今時今日，佢哋仲同我哋都差唔多年紀。」

「難怪……件衫唔啱身，原來十年前已經著緊。」公仔打量邪惡童軍一號。

「嘿……」邪惡童軍一號笑了笑，氣若游絲：「你唔會贏到我另外……四個朋友……我哋對……呢座山瞭如指掌……」

「咁佢哋會喺咩位置？」公仔直接問。

邪惡童軍一號抬頭，對公仔伸出大舌頭嬉笑：「唔講你知。」

「要唔要我幫手。」嘎嘎又無端出現身後。

邪惡童軍一號聽見她的聲音，立即打了個抖顫：「啊啊……」

「我哋玩另外一樣嘢。」嘎嘎拿出他的露營刀，對準其子孫根位置：「反正都踩到爛，就唔差在拎嚟煲湯。」

「哈……你！你試下！我……我我……」邪惡童軍一號不斷試著踢腿。

「唔會俾你咁痛快，只係幫你做下割禮。」嘎嘎一手解開他褲襠，一手握露營刀伸近。

「嘎嘎，交俾你？」公仔不太想看。

「嗯……」嘎嘎開始辦事。

公仔怕會身體感受，行遠一些想要迴避。

可惜邪惡童軍一號慘叫的聲音，幾乎整個山頭都聽得見。

不到十分鐘，邪惡童軍一號已經崩潰大喊：

「我講啦！講喇講喇講喇……嗚嗚嗚啊……死開啊！」

割禮進行到一半，嘎嘎也得收手了。

「唔好講大話，如果唔係仲有排玩。」嘎嘎說出口的威脅話，完全與自身年齡不符。

「我……我會講……清楚佢哋位置……」邪惡童軍一號焦急地點頭。

「咁你講。」公仔正等著。

「我個營枕頭底下面……有幅自己畫地圖，係更加完整……」邪惡童軍一號望向自己的帳篷。

如他所說，娃娃在裡面找出自家製的飛鵝山地圖。

「我哋……每喺一個地方整陷阱……都會用「三角形」圖案標記住……」

他所說的三角形圖案，少說都有六十八個，真的陷阱處處。

「依個打咗交叉圖案嘅係咩意思？成幅地圖得一個。」公仔指著綠中一點紅。

「危險……總之唔好去……」

「總之你班朋友就喺依個飛鵝山範圍內？」

「係……」

「做得好。」公仔拍拍邪惡童軍一號的頭。

「跟住幅地圖逐個逐個搵佢哋出嚟應該唔係問題……」公仔收起童軍地圖，轉身面向隊員：「你哋四個留喺到守住，記住唔好分開。」

「你自己一個去可以？」艾匡問。

公仔點頭：「嗯。」

「嗯，咁你小心。」

雖說知曉所有陷阱的位置，但要找出潛伏山上的童軍也不易。

就如同狩獵般，最先被找出位置的就得死。

或許童軍求生技巧厲害，有些小聰明。

可一旦碰上真正的獵人，玩法就不同了。

我唔介意公仔做病港三男主角

都係公仔好
坦白講之前青茶視覺睇得好唔慣
好似三唔識七咁