【I'm Back 】《病港ＩＩ》（６５）

門後是洋房的前花園，看起來沒什麼異樣。

但門……

為什麼會突然打開？五人毫無頭緒。

作為隊長的公仔選擇無視：「唔好理，可能有自動感應。」

「咁如果有賊想入屋咪好方便，自動打開門俾個賊。」嘎嘎笑說。

「就算係有其他原因，我哋都唔應該入去。」公仔雙腳向前，頭卻快瞥洋房多一眼：「如果裡面真係有啲咩危險，自自然然會追出嚟……」

「艾匡你點睇，全日都無出過聲。」雲水問。

「裡面答案唔係人就係病者，無例外。」艾匡答。

「喵──」洋房內傳出可愛的貓叫聲。

「……」

好奇心是世上最危險的東西，亦是最難壓抑的東西。

「唔好理，走。」大家假裝聽不見。

「咣──」五人遠離後，大銅門重新關上。

究竟，洋房內賣什麼葫蘆？

緊接著依然是整段的馬路，中間有舌女和巨掌互相扭打玩耍，但都給艾匡一劍了斷。

飛鵝山道盡頭是百花林路，現階段起會脫離馬路區域，進入登上飛鵝山前的狹窄林路。

因為路面較窄關係，大家排成一字型行進。

「暫時嚟講都幾順利。」雲水打開話匣子。

「通常咁講完都會有啲事發生。」娃娃話口未完，真有事情發生了。

旁邊的三色回收箱中，突然分別蹦出三隻竊屍賊大呼小叫。

雲水驚得馬上舉槍，但看見是竊屍賊後，打消了扣扳機的念頭。

「咻──」

娃娃馬上摸向戰術包，削如蔥根的纖指夾出三把手術刀，「霍」的一聲擲飛竊屍賊身上。

「嘎嗉！」兩頭竊屍賊即時斃命。

「嘻……」一隻竊屍賊閃開了，意欲逃離。

公仔眼鋒一利，握住那彈術刀筆直地揮過去，手術刀一端飛出精準刺入其背奪了竊屍賊的命。

公仔本能地將彈術刀拉出，卻忘記了其高反彈性，一拉之下彈術刀凶險地向後飛來……

「閃開！」公仔二話不說轉身撲低身後的艾匡。

萬幸。

給撲下的艾匡微微張開眼睛，公仔則驚險的看著艾匡。

睇完

公仔真識玩

果然係公仔

公仔有冇示意圖 混血兒乖乖斯文樣 諗唔到
林志穎？又唔係好混血feel

Jeremy

等咗咁耐 終於加甜

一王四后真識玩

大boss咁直接

「公仔……你……真識玩。」

lm

推

元朗係咪應該好似將軍澳咁
冇港島咁多品種？

可能有一種係隻手有把刀，有一種係背脊生咗個西瓜

「公仔……你……真識玩。」
大boss好可愛

貓吉？
btw公仔專登扮野撲低艾匡

公仔真識玩

一個月冇睇 終於追到live了
正皮留名

Lm

好想睇大Boss同愚腦傾計