【I'm Back 】《病港ＩＩ》（６５）

由於本系列第一季字數超過一百萬字，強烈建議想要追看的讀者，先在Penana閱讀《病港》故事：

https://www.penana.com/story/73992/%E7%97%85%E6%B8%AF/

——————————————————————————————————————

廣告

——————————————————————————————————————

有興趣留意我最新消息同動向，歡迎Follow同讚好：

ＩＧ：maksyut20030164
ＦＢ：墨說

Penana：https://www.penana.com/user/93168/%E5%A2%A8%E8%AA%AA/stream?fromsearch=%E5%A2%A8%E8%AA%AA

——————————————————————————————————————

【《病港日報》資訊區】：

——————————————————————————————————————

【會長】

——————————————————————————————————————

【顧問】

【松木村「大師匠」認可神器】：

１：鯨牙大劍
２：金鷹頭拐杖
３：夜行傘
４：黃金貝果
５：神傘
６：腦電波情緒控制器
７：巨商之戒

——————————————————————————————————————

如果想支持我創作，或者想睇《病港ＩＩ》快少少嘅話，可以到本人以下付費網站購買通行證：

https://maksyut.com/

連登每有２００正評，付費網站和連登都會加一更，約３０００字

Lm

lm

lm

我愛墨B

Lm

lm

推呀

「耶！！」雲水高叫。

「我哋首先要準備旅行物資同規劃路線，所以錢方面……」公仔首先提出最尷尬的問題。

「咁大女皇喺到唔洗擔心錢啦。」雲水搭著艾匡肩膀。

「入我數。」艾匡抿嘴。

公仔如釋重負：「好，咁我哋由採購物資開始。」

艾匡爸爸的金荷包應援下，大家可以無顧慮地採購不同的遠行用品，他們五個人走遍了倖存區，購買了肉乾、繃帶、金屬容器、指南針、風精油、香港地圖、刀具、鎂塊打火棒、繩索、腰包、單車等。

其中單是五輛單車，就索價八萬艾幣。

其後，各人開始準備自己。

三天後，各人再整裝待發，在公會重新集合。

那位給滿天送信的男子，至今仍然留在病獵公會中。

為規劃路線，公仔得先問他如何到來：

「先生，仲未問你叫咩名？」

「叫我……陳盛輝就得。」

「陳哥，想問下你係點嚟到艾寶琳？」

「我係借滿天先生嫁電單車嚟，病者多到差少少炒車……」陳盛輝輕輕抬頭，看著公仔：「你想親自去搵滿天先生？」

「係。」

「咁勸你唔好經九龍區嘅鐵路。」

「有特別原因？」本來公仔真想透過鐵路前往大西北。

「借由鐵路避開地面嘅病者當然係最安全，可惜係九龍區港鐵下面其實存在咗隻特殊病者，佢會不定時咁喺九龍區路軌隧道出沒，好彩嘅可以安全過隧道，唔好彩遇到佢可以話係必死無疑，你唔會搞得掂。」陳盛輝說得肯定。

「可以講多少少？」

「嗰隻特殊病者？佢叫「百鬼夜行」……」陳盛輝憶述當年，徐徐地說：「我都係聽人講返嚟，香港病變嗰日曾經發生過單嘢叫「太子站悲劇」，當時因為地面好多病者周圍走動，令到好多人湧咗落太子地鐵站避難，個個都想要上車。車廂裡面嘅人太多，外面嘅人又不停擠入，列車始終都開唔到，時間磨下磨下病者就開始衝到落地鐵站下面，車長只可以開門俾所有乘客跳落路軌逃生，結果路軌下面又黑又窄又多人，最後發生咗嚴重嘅人踩人事件……」

「再講多少少。」

「數以百計嘅市民因為大家互相壓住對方，而慢慢咁窒息致死，後嚟唔知咩原因……呢堆死喺路軌下市民就變成一個整體，開始喺唔同港鐵路軌間獵殺人類……依個就係百鬼夜行嘅由來。」

「即係話百鬼夜行嘅外表，係幾百個市民聚合成一齊嘅樣？」公仔想像著。

「嗯……任何人俾百鬼夜行捉到，都會成為佢哋一份子，以呢十年嚟計……佢都已經由百幾人嘅集合體，變成千幾人嘅集合體。」

「陳哥，咁你邊到嚟？同滿天師傅又係點識。」公仔始終想知道。

「去到陌生嘅地方最忌諱係將自己所有事情都講哂俾人聽，依個末世之道。」陳盛輝像個前輩，給他說教：「我都唔會問你同滿天先生係咩關係，你哋要去做咩事。」

「咁你會繼續留喺到？」

「我緊係會繼續留喺到，咁難得走到出嚟……」陳盛輝伏下休息。

所謂寧可信其無，雖然陳盛輝來歷不明，但也沒有欺騙自己的原因。

既然鐵路不可行，那得換路了。

公仔打開香港地圖，尋覓著其他安全路線。

眼下先由飛鵝山跨越到沙田是最為安全，公仔自己以前也不時在那兒打獵。

「好。」公仔用螢光油筆畫下路線。

公仔決定好第一站路線，馬上前去跟隊員們交代。

經過連日準備，隊員們都帶齊裝備上陣。

艾匡穿搭依舊時尚，身穿純黑的長袖上衣，配搭棕色的燈芯絨外套、修長的牛仔褲、簡單的白跑鞋和黑色的斐樂牌背包，既保暖又方便行動，當然少不了手上的開國劍。

雲水除了三角羽毛帽等標準的配戴，她穿上圖案為金屬搖滾骷髏的短身上衣，與外在的鍍金長白大風衣形成對比，其中展露出的馬甲線腹肌說明了南區的訓練有多堅苦。

日常的兩把左輪手槍外，背上多出雙管霰彈槍和來福槍，火力驚人。

這兩把新武器自然是雲水問家人拿來，但可攜帶的子彈數量有限關係，攻擊次數亦有限。

娃娃穿著黑色的背心配搭機能風長褲，刻意加上冰袖掩蓋白晢的玉臂，多個斜包、腰包、背包，全是各種求生萬用的物品。

嘎嘎，沒有什麼不同。

公仔與親妹穿著風格相同，捨棄了昔日的黑袍打扮，轉為更實用性的機能風，衣服採用高科技的尼龍物料，下身長褲配備多個口袋，外形如同現代的忍者。

五部單車都分別安裝了旅行馱包，負責運載大量物品起行。

如此一次旅程，粗略估計總共花了二十萬艾幣以上。

對艾匡等上位者或許微不足道，但對倖存區的一個平凡的市民來說，可能是十年、二十年都儲不到的金額。

「你哋都同咗身邊嘅人交代聲？」公仔問。

大家你眼望我眼，要說的都已經說完了。

「咁我哋……」公仔正要說下一步。

「等陣！」雲水舉手：「我仲有個人，未同佢講……」

「嗯，雲水，你去。」

雲水急腳跑出公會外，張望蕭梵身在何方。

「搵我？」蕭梵的聲音從上方傳出。

雲水抬頭回望發現蕭梵坐在公會的屋頂上，旁邊是純白的獵鷹。

「係啊。」

「準備去邊。」蕭梵一直望著遠處。

「去元朗嗰到。」雲水答。

「嗯。」蕭梵沒有異議。

「吓，就係咁？」雲水愣一愣：「我唔諗住派幾個手下，保護我？」

「證明俾我睇，我對你嘅訓練無白費。」蕭梵低頭盯向雲水。

「唔……」雲水深深呼吸，回到公會內。

「需要我陪行？」屋頂更後方蹲著的伊藤義經，問。

「唔洗，係唔係有個潛質幾好嘅叫葉青茶，可以招攬……」

「係。」

「叫佢嚟。」

伊藤義經一起身，下秒已經離開屋頂。

魔羅等不了，五名小小病獵首先出發。

公仔帶著隊員前去靈實醫院，他要去那裡打開神秘的夾萬，拿走滿天需要別人帶來的東西。

Lm

終於等到今日啦

愛墨b

愛墨b

愛墨b

愛墨b

病獵王

終於

留名

lm

墨巴返黎啦

旅行散晒心未