【I'm Back 】《病港ＩＩ》（６５）

全都是死谷

係咪有伏

Big Mist Mountain : Biohazard

幾時有小松二

五人將暖包貼上胸口溫暖心臟，邁著艱難的步伐落到大帽山郊野公園遊客中心，那裡相當於山腳的位置，原本設有小賣部和公共廁所，如今成為他人的據點，又一伙身穿同樣防護服的大學人正駐紮著該處。

如果不是早前得知大學人防護服的外觀，真會以為他們是前來救援的軍隊。

「停喺到！」身穿緋紅色戰鬥型防護服的大學人，舉起衝鋒槍向下山的五人。

「冷靜……自己人、自己人，我哋無惡意。」公仔舉起雙手，示意和平：「我哋無耐前都喺中文大學嚟，啱啱仲遇到你哋伙記。」

「回報，遇到五條友，自稱去過中大。」對方用無線電通知其他人。

不一會，小賣部那邊多行出幾個大學人，防護服顏色兩紅一黃。

身穿紺黃色防護服的大學人手插住腰，略略打量公仔他們：「幾位準備去邊？」

「落山，去西北面。」公仔答。

「西北面？」對方抬頭想了想：「即係八鄉，嗰到無路，上山返轉頭吧。」

「跟地圖嘅話應該有錦田公路可以去。」

「嗰條路成堆病者，你唔會穿到上去西北面。」

「鄉村地帶都多病者？」

「以前成個八鄉的確係聚咗幾多倖存者嘅，不過因為嗰個意外已經搞到成堆人變哂病者，你唔洗諗。」

「……」公仔思量著尚有哪條路。

「其實你哋係咪要去西北面嗰個倖存區？」對方又問。

「嗯……」公仔想著想著都沒有什麼好隱瞞。

「入嚟先。」大學人轉身招手，示意他們跟來。

「我哋唔會放低武器。」公仔先說好。

好快，對講機傳來人聲：「登山隊，收到？」

豬羅拿起拖咪：「係？」

對講機中的女性大學人回應：「想去西北個倖存區，就叫佢哋落山向西，直至到「港鐵八鄉維修中心」，嗰到港鐵公司應該會幫佢哋，如果佢哋夠疊水嘅話。」

「好，唔該你。」豬羅關掉發話。

「即係要仲……仲……仲要再行幾耐……」雲水聽到都覺得累，當場頹坐地上。

「都差唔多尾聲，頂住啦。」娃娃扶起雲水。

「好想訓覺啊。」雲水打呵欠。

「嘎嘎都未攰，你就覺得攰？」娃娃不知為何拿嘎嘎作比較。

「都係，嘎嘎都未攰，我都唔應該咁快被打敗！」雲水重新站起。

「無啦啦關我咩事……」嘎嘎腦頂閃現出問號。

「情況就係咁，你哋聽清楚未？」豬羅快瞥艾匡和公仔一眼。

「咁我哋由錦上路一直向西應該無問題？」

「理論上可以嘅，如果你哋有代步工具。」

「我哋得腳……」艾匡愣住。

「我哋有，你要唔要？」豬羅笑問。

「咁……好人？」好得公仔都嚴重懷疑自己早就摔死了，只是靈魂尚活在自己美好的想像中。

「咁要睇你哋有咩交換到……」豬羅站起來，牢牢看著艾匡：「靚女。」

公仔打開娃娃的背包，拿出大學購買的罐頭：「罐頭我哋有唔少。」幸好，公仔早預了用罐頭作為交易貨幣。

「呵，同我想像中嘅交易項目有啲出入，但罐頭都可以照殺，反正喺到都無啖好食。」豬羅奪去公仔手上的罐頭細瞧。

「咁你講嘅代步工具係？」

「阿朗！去拎嗰堆風火輪嚟。」豬羅向外頭的隊員喊。

名為阿朗的隊員抱著兩個電動風火輪來：「風火輪剩低兩個。」

「無其他？」

「仲有塊電動遙控滑板、單車同電動滑板車。」

「拎埋嚟，醒少少啦。」

「係係係……」

五個代步工具，全給拿出了。

「裡面嘅電池應該夠你哋去港鐵個維修中心到。」豬羅說。

艾匡和公仔對望一眼，各自想要互相問問對方意見。

「你……覺得點？」公仔問。

「我淨係識踩單車……」艾匡帶笑檢查那部單車。

「你哋全部後生仔，應該學兩學就識，作為代價我要哂所有罐頭唔過份？」豬羅提出條件。

「要哂？會唔會索取得太多……」艾匡馬上從單車下來。

「一係，我要你把槍。」豬羅指住雲水。

「咩槍……」雲水下意識擋住腰間兩把左輪手槍。

「你背脊嗰把來福狙擊槍，再加九成嘅罐頭。」豬羅可謂獅子開大口。

「老實講，其實我哋都唔知你俾嘅情報係唔係啱，好難俾得落你。」公仔也接受不了條件。

「咁七成嘅罐頭加狙擊槍。」

女生們都看著公仔，等待他的決定。

最終，公仔還是反對了。

「一係你要唔要呢樣！？」艾匡突然拿出特效蛇油，霍興給她後持續收藏著：「係你哋大學中醫學院研發，治外傷幾好用，我朋友用完第二日就無事。」

「咩嚟？」豬羅湊前去看。

「蛇油藥。」

「嗯……睇落應該仲係研究室嘅產品，好！殺你。」豬羅同意交易。

如是者，大西北遠征團用上大量罐頭外加特效蛇油藥，換了五件代步工具。

公仔和娃娃使用風火輪、艾匡使用單車、嘎嘎使用電動滑板車、雲水使用遙控滑板，幾人在小賣部的空地外練了半個小時，就掌控到如何平衡和轉彎移動，並繼續下山去。

補上po600正評

荃錦公路上五名青年風馳電掣。

那是條保持下斜的行車路，轉頭看左可在蒼松翠柏間窺探八鄉的景色。

八鄉於香港具有悠長歷史，其地勢遼闊平坦，三面環山，具有圍村文化，地型適合耕田種植自給自足，加上遠離城鎮，末日後屬成立倖存區的理想地點。

「點解將軍澳無依啲嘢？真係好爽啊哈哈哈。」遙控滑板上的雲水樂得不可開交。

艾匡回頭看那雲霧繚繞的大帽山：「我感覺到身體開始回暖。」

「嘎嘎呢？」娃娃問。

「我都已經無咁凍。」嘎嘎的血色漸漸回來。

「今次行大帽山，班大學人真係唔話得，又暖包、又風火輪，仲幫我哋指路，簡直係滿滿嘅善意。」公仔雙臂環抱，保持平衡。

「艾寶琳有冇可能同佢哋來往？」艾匡自問。

「隔住成個沙田同座山，都幾難。」嘎嘎說。

整段路上幾乎毫無病者，五人安然無事地轉入鄉鎮，鄉鎮區的主要公路兩側是存在病者，但數量跟城市始終無法相比，大伙兒勇往直前就駛過了。

來到上村公園的位置，公仔示意隊員轉向右面的錦上路，其盡頭便是港鐵八鄉維修中心。

「小心唔好炒車啊，依到跌下都死。」公仔瞧向後方追逐的病者，多是上了年紀，衣服簡樸。

「哥，你越咁講，唔知點解就越係會發生……」娃娃有不好的預感。

「娃娃唔好立flag啊！」雲水叫住娃娃。

「哈哈，你信呢啲嘢嫁雲水？」娃娃笑言。

倏地，後方傳來引擎的發動聲，大家都不自覺回頭看望。

有輛中型貨車，竟直駛而來。

「點解有車嘅？」雲水愕然。

貨車不知何時出現，並踏住油門持續加速。

不到半分鐘，貨車已經輾死追逐五人身後的病者。

艾匡對後方的貨車舉手示意，但對方絲毫沒有搭理的意思，速度反而越來越快，安全距離越來越貼……

「來者不善！」公仔環看周圍，指向一旁的社區：「轉入去！」

情急下五人轉入四季豪園，而那貨車沒有急剎或轉向，繼續朝著前方前進。

「佢無停低，走咗……」公仔探出半個身查看行馬路。

「嘩。」雲水驚魂未定：「咩癡線佬嚟……」

「我哋繼續行錦上路？」艾匡問。

「繼續，如果唔係都無其他路去。」趁病者聚集前公仔一行人繼續上路。

後半段的路上，大家再沒那個閒情聊天，全程眼觀四周，耳聽八方，貨車留下了沾血的胎痕，都印證著貨車保持直去。

沿著斜彎上到八鄉路的行車橋，大家總算看見港鐵八鄉維修中心。

車廠面積極為寬闊，露天式的路軌上停泊多輛列車，有些只有幾節車廂，有的則一整列車，西面是密封式的維修工廠，猶如嚴密的堡壘。

「終於到。」大家走近橋上欄杆，俯視整間車廠規模。

未幾，那令人毛骨悚然的引擎聲再度傳來。

「轟轟轟」

五個人怔住看著那輛進擊的貨車居然折返，而且行車橋上並無可躲之處。

大家第一時間踩上代步工具，馬上就要疾馳離開原位。

只有雲水一個原地站著，伸手探向腰間的左輪手槍。

「唔洗走！」雲水喊。

「吓你諗住……」

前方貨車的頭部漸露，接著是車窗、車胎。

雲水眼睛鎖定滾動中的右車胎，五隻手指於槍柄旁虛無地微微郁動，找尋著最佳的手感……

「雲水。」公仔吞喉，看著直衝而來的貨車。

約莫十多米的距離下，雲水腦中響出子彈的聲音，彷彿激靈般馬上拔槍朝前，對著車胎凌厲地連射六槍。

「呯呯呯呯呯呯！」

六顆子彈軌跡沒偏離多少，全部衝進右車胎中瞬間將其打穿。

失去平衡的貨車頓時打滑，不受控地轉向露出車尾的車胎，雲水再拔出另一把左輪手槍對它連射。

「呯呯呯呯呯呯！」

右側兩個車胎一起爛掉，外加車廂貨物的重量，貨車打側翻倒，車身激烈地磨擦地面並停在五人面前。

公仔首先回神過來，掏出彈術刀衝至車頭前抽出司機。

那位司機身穿白色保護衣和配戴著口罩，材料單純布料設計，沒有大學人那種防護服昂貴。

其神志模模糊糊，應該因為翻車令它暈頭轉向。

公仔從碎裂的車窗中，將他強行拉出駕駛座，然後給他雙手綁上索帶。

「醒啊喂。」公仔摘開他的口罩，拍拍他臉頰。

「啊……噫啊……」司機模糊醒來，臉色驚恐地大叫：「做咩除我口罩你班帶菌者！俾返我啊！」

「你個變態，想車死我哋仲好講。」嘎嘎當場給司機摑耳光。

司機隨即轉身把被摑的右臉頰貼向地面，不停磨蹭！即使血肉模糊，都在所不惜。

公仔以膝頭壓住其腰椎，伸手挽起其脖子不讓他頭部碰地：「我哋同你無怨無仇點解要撞我哋……」

「你哋係帶菌者！」司機猙獰地大罵。

那樣子和神情，是打從心底裡的厭惡。

「我哋唔係，身上無紅點。」公仔挽緊一些。

「無紅點即係隱性帶菌者……」司機痛苦地高叫：「唔好掂我呀！！！」

「呯」突然間，貨車櫃出現撞擊聲。

大家霎時靜下，回頭看向貨車櫃。

「呯」出現凸痕。

「呯」貨車櫃門即將給撞開。

司機全身顫抖得異常，眼珠瞪得極深：「走呀！俾我走啊、跑啊啊啊──」

「咩料……」雲水舉起雙管式霰彈槍。

司機叫得喉嚨也破音：

「癌王呀呀呀呀呀呀！！！！！」

「呯──！」車櫃門給撞脫。

一隻畸形的恐怖生物，出現眾人面前。

早文祝福

癌王呀呀呀呀呀呀！！！！！

白卡

推

推

爭5篇加更lets gooooo

推啊推

推

病者國度中boss點解會去到咁遠

推