《毒舌大狀》電影討論區（含劇透）3

咁你支持錯片 你應該去睇正義會好啲

仲要全身紅色
好霸氣

睇完，臨尾我覺得收得唔太好
尤其金遠山個角色變節幾唔make sense

現實中 有咩人可以頂住個公義
而放棄自己個聲譽
電影中 大家開中下都好

現實呢類案根本冇可能判17年

正如有post冇人講左，現實係太子可以作證，證明女童講阿媽冇傷害佢。

仲有調查方面，正常警察(講2002年)，條有錢女嘅DNA係會搵到。

sad end同一流冇任何關係。
反而sad end多數用喺B,C級驚悚片

應該就係
亦都可能只係女女逢場作興
但醫生見佢幾索就溝埋佢

畀黑社會打爆缸嗰度無左下文？

夾硬要用現實嚟講嘅話 其實一開始就會搵到Fish係兇手
不嬲謀殺案只要係熟人作案 就冇可能走得甩 有錢人讀咁多書點會唔知
之後嘅發展就係鍾家發現殺左人會當晚毀屍滅跡 偽造王丹妮同個女出國令佢地永遠消失

所以套戲一開始就估到壞人一定入硬 因為佢地蠢

太子話佢搞掂

咪講咗太子擺平

何必講現實?
現實根本有錢人唔駛自己郁手

一開始有講，佢係正直派唔中意啲律師做古惑野，唔係為左幫有錢佬先針對黃子華

黃敏德會請佢係因為佢知謝君豪唔中意黃子華，又以為自己癡有錢人又係最頂尖嘅律師就高人一等，謝君豪會睇得起佢，唔係因為謝君豪奶開有錢佬

之後知道Fish同醫生真係殺左人仲要係自己個女，變節好合理，而且佢都知黃子華鋤硬佢，點駁都冇乜彎轉

我會話佢本來就係忠嘅，覺得佢奸係因為我地有上帝視覺知邊個係兇手

好難唔攞正義黎對比
我太欣賞正義果種剪接 一齊鋸扒 成班陪審喺現場睇果種 請問依種手法有冇專業術語架？

太子老豆大佬都係撈偏
撈幾大勢力幾大就唔知
但只要個雷氣大過波哥嘅
就拆得掂架啦

我想問下導演係咪有心拍到女女戀係無乜特別正常關係？

好似話剪入去會搞到太複雜
（我反而覺得入去過唔到上面電檢）

佢由始至終都唔係正反派 只係忠於自己 做自己本份 佢唔鍾意做小動作既人 所以佢唔理黃子華 而主控官係好似無得推既 除非你有任何野抵觸到 好似頭三個見過被告提供過法律意見等等時 而謝君豪就係知子華神想玩呢啲野黎避免四個勁人包括佢在內會被委派做主控官 所以佢唔理子華神 然後律政搵佢做主控
而佢只係做佢份內事 直到佢睇左條片發現原來有「機會」真係會有冤案時 佢已經話需要時間 佢自己唔知既話 佢可以以主控既身份做份內事 但佢知道既話佢就唔能夠咁樣做 基於佢面對唔到自己或可能因為公義問題
然後就有之後既情節 原則上佢無變節 佢只係盡量去避開某啲野做某啲野 例如聽唔清楚辦方 hea鳩講句我係反對既 就坐返低 等等等等

唔記得左，仲諗緊點還一球，btw，做左咁多年官，應該都有一球賠錢俾人嘅

有冇法律界朋友可以講下 依套拍得算唔算真實呀

呢個位有首尾呼應
一開始就有講明對方好憎小動作，所以谷德超先特登通水俾佢，等佢做主控
算有貫徹到成套戲嘅性格。

有咩野令到你覺得真實係咁？

唔識人嘅話搵唔到錢升唔到職個度