《毒舌大狀》電影討論區（含劇透）3

唉， 想睇現實應該去法庭線睇news
十單有九單都係sad

但醫生個角色怪怪地
有錢女係唔小心，並唔係謀殺。
但醫生秒諗灌水，係謀殺思維嚟，對親生女咁做要超心狠邪惡加「極度冷靜」嘅人至會有呢種手段。

而家國安法以言入罪同暴動激光筆係超現實咁屈。

我睇梗嗰時都有啲覺得似睇梗 TVB 啲劇嘅節奏（但又唔係好想咁講出口），成個 flow 係好順理成章咁去。
或者佢想拍得熱血啲，將絕望拍成希望呈現比觀眾睇，所以明知現實無可能，電影都會實現。

如果想輕鬆下嘅話（賀歲片就係要輕鬆下），我都覺得套戲係值得一睇嘅，佢有啲位都拍得幾好睇

有無人覺得讀心神探個角色幾好，特別係個兩拳

打穩陣牌
太多突破一間弄巧反拙

其實個問題係
金遠山係一個極度重視原則同埋德高望重嘅大律師黎
憎人玩小動作都係基於佢重視原則同自己嘅專業

咁一個咁德高望重嘅大律師做主控官
喺庭上質問自己證人同偏幫辯方（中途幫手啲答問其實都係小動作嘅一種黎）
都變咗係極度唔專業，違反佢原則個幅度仲大過子華做嗰啲小動作
個嚴重性係嚴重到完咗場官司應該係成世無得撈嗰隻
所以同佢角色性格有好極端嘅衝突
就變咗令觀眾容易放大個非現實性
出咗套戲自己 set 出黎嗰個合理認知嘅範圍
（即係睇戲嗰時即使知有啲嘢現實係無可能，但只要合乎套戲個世界觀同故事基礎，其實都會接受到覺得係情理之內）

不過跳返出黎講，唔合理還唔合理，謝君豪嘅好睇還謝君豪嘅好睇，我都係覺得好睇嘅，只不過如果改好少少會更加好

我都想睇多啲林保怡啲戲份，依套戲啲配角全部都好好

佢臨尾都話咁做唔啱
但都驚畀天收

始終對醫生嘅描寫太少
要靠佢晌庭上嘅演出去鳩估佢究竟為左自保定比fish兇鳩先去補尾刀

我都鍾意睇佢，不過戲份太少。

谷德昭依家都ok，但可以做得再賤啲。

都解得通嘅，佢自視甚高，當法庭係自己屋企，唔放所有人在眼內，俾黃子華呢啲兜踎大狀寸親，問佢「係人唔係呀」咪還拖囉。

如果我相信條錄音係真，法官講乜都好，我都會投票被告無罪。

陪審團每個人嘅決定都唔使俾理由。

想問吓
如果一早發現個天使公仔 > 冇燈膽 加埋兩枝水

係咪用正經方法打都贏
只不過未必告得入鍾氏兩個 （雖然依家都冇）

最後神探坐係旁聽席個度都好過癮，無咩表情，但就好似睇穿曬班大律師咁

"冇燈膽"要個醫生講到"有開門燈"先有用,而兩支水只係兇下個醫生
關鍵係要令人唔信醫生"鎖咗門"嘅證供,
咁就冇證據証明MODEL係唯一疑犯

有條友想行出去, 佢專登唔讓俾佢過

又唔係咁講呀，有班人好鍾意跟權威風向架嘛

唔關事, 最後林保怡拘捕佢地時, 係話佢地串謀妨礙司法公正, 的確係ICAC負責的。

酒吧後巷果幕, 有人話睇到佢個證係寫ICAC, 不過我就走左眼睇唔到。

所以佢自己都好唔滿意自己咁唔專業

弱弱一問，如果之後個有錢女同佢醫生老公打得甩單謀殺案，係唔係冇人需要為呢單案負責

會不了了之，變成所謂 "懸案"。