48 Like
10 Dislike
貓靈
2023-01-31 06:19:57
今日好返啲, 照舊lunch time出
貓靈
2023-01-31 06:20:29
起碼有J嘅我未搞過
貓靈
2023-01-31 06:21:48
你留意下, 有少少唔同
thom_yorke
2023-01-31 06:25:58
貓靈
2023-01-31 06:27:24
你哋自己玩小畫家好啦, 唔好post上嚟
在中間出
2023-01-31 08:31:46
z似係豬閪
貓靈
2023-01-31 08:43:09
不願置評, 你覺得係乜就乜
姣婆硬上脂粉客
2023-01-31 09:19:58
夜凪景
2023-01-31 11:38:34
出文未
一定要中出
2023-01-31 11:39:41
應該知係邊種女仔
又唔係豬閪 但對住呢type女仔就係好難有性衝動
貓靈
2023-01-31 11:43:04
等多陣先出到文, 卡咗關
貓靈
2023-01-31 12:11:00
仲卡緊
貓靈
2023-01-31 12:19:05
同Z試完嗰間意大利菜又過咗一排, 有日我見放假得閒、自己戇鳩鳩一個喺屋企夜晚嗰餐冇著落, 又唔知食咩好, 就打畀Z諗住約佢食飯.
我:小姐, 有冇嘢搞緊?冇嘅一陣同我出去食飯?
Z:可以呀, 有咩揀?
我:就係諗唔到先打畀你...
Z:妖....咁冇誠意嘅你份人....
我:我尊重你老人家姐....
Z:咁呀.....um....搵間sport bar食雞翼?
我:吓!?你睇sports嘅咩?
Z:唔睇㗎,純屬想感受下個氣氛啫..
Z個答案聽到我r曬頭:你啲喜好零舍奇怪...
Z:唓...唔得咩?小C子.
我:得..乜鳩都得..咁....去我嘅附近大統華嗰邊嗰間?
貓靈
2023-01-31 12:19:30
Z:大統華附近有啲咁嘅嘢㗎咩?好食㗎?
我:ok㗎, 對住warden, 之前個味精開檔嗰陣, 我哋成日過去食宵夜..
Z:係喎, 嗰間嘢而家點呀?
我:味精?唔知呀, 冇做啦..
Z:吓?哦...咁今晚有咩睇呀?
我:今晚....今晚....冇記錯有場Hockey?...
Z:Hockey?成班人喺個冰場撞嚟撞去嗰個?
我:係呀..撞嚟撞去打曬交嗰個呀....
Z:都好喎!咁邊隊撞邊隊呀?
我:toronto maple leafs撞唔知乜撚嘢..
俾Z搞到我自己都越嚟越亂..成個運動好似變咗其他嘢咁..
Z:我唔識㗎,你話事啦.
我:唔識又要睇喎....
Z:唔得呀!?小..
貓靈
2023-01-31 12:21:28
我:okokok...我轉頭過黎接你.
Z:嘻....咁我換定衫化個裝先.
我:吓..使唔使咁嚴重呀?去睇人撞嚟撞去咋喎?
Z:我尊重返你呀嘛.
我:我唔洗尊重㗎,你準時就得㗎喇...
Z:妖.....
Z笑住收線之後, 我自然望下個鐘, 心諗佢老人家要化妝....即係冇2個鐘都唔使旨意出到門口, 咁打多鋪機先落去都仲未遲...
果然如無意外, 由Z收線嗰刻, 到落到去接咗佢上返嚟, 再到行入間餐廳坐低嗰刻, 用咗三個鐘鬆啲..
Z:喂, 我後個禮拜搬屋. 坐低嗌完嘢食之後, Z襯我飲緊汽水嗰陣講.
我:吓又搬!?
差d成口汽水噴返出嚟.
Z:係呀, 而家嗰到租約期差唔多滿啦.
貓靈
2023-01-31 12:21:47
我:你次次都咁突然嘅,我連你張床都未瞓暖喎小姐.
Z:咁我搬完屋企之後, 你多啲過嚟瞓囉.
我:啤...
Z:啤乜野?你咪又係突然轉咗工.
我:我?冇轉呀?
Z:吓!?頭先你唔係話冇做味精嘅咩?
我:屌嗰間嘢..多幾倍人工我都唔撚做,垃圾黎...
Z:咁咪係囉, 之前搵你幾次你都唔得閒, 唔係做緊banquet就上first Markham嗰間牛記, 見你成日走嚟走仲以為你又轉咗添.
我:同一個老細嚟㗎..
Z: genius 嗰??
我:係呀...
Z:嘩, 你老細都幾癲喎..咁多嘢搞..
我:搵食嘅...
Z:哎呀!頭先轉入嚟嗰陣, 都唔記得咗望吓嗰間味精而家咩環境添!
講完就好自然咁望向味精拉麵嗰個方向.
貓靈
2023-01-31 12:22:03
我一諗起個死肥佬,就火都嚟:理閪得個肥佬丫!搞移民咋嘛, 搵條女假結婚咪係囉!係要開間舖出嚟害人!
Z:我都記得你叫我唔好去食..
我:屌佢老母一兜味精湯加兩片薄撚過廁所紙嘅叉燒, 夠膽死收人十幾蚊!隨時開包出前一丁加塊餐肉都好食過佢, 自己唔識煮嘢食又唔撚識做生意, 又要死淨把口..
Z即刻將佢飲緊個杯汽水都推埋畀我:冷靜冷靜...
我:好冷靜呀我, 唔冷靜當時條撚樣呀之呀左、阻頭阻勢嗰陣, 就塞咗佢個頭落微波爐到叮爆佢啦!再唔係成隻塞落去做湯底..
講完就隨手攞起Z杯汽水嚟飲.
Z見我好似越嚟越火滾, 就轉話題:不過聽落都好似幾好玩咁喎..可以成日去唔同地方開檔..
我飲完啖氣水都冷靜咗少少, 笑住答佢:其實都ok㗎, 遲吓好似話仲另外一檔開係first markham金牛苑嗰邊.
Z聽到即刻嚇一跳:吓..金牛苑!?
我扮撚曬女人聲咁講:係呀係呀,咪Jimmy哥?正人渣黎㗎!嗰間囉...
貓靈
2023-01-31 12:22:34
題外話1
以防大家唔記得咗/亦都唔敢肯定我有冇講過, 我喺度極速講一次"Jimmy哥?正人渣黎㗎!" 嘅由來.
話說我冇做金牛苑之後有一晚同T仲有同場(first Markham plaza)其他friends,成班係first Markham plaza congee queen食緊宵夜, 無啦啦聽到隔離枱有條女A同佢同枱嘅女B講起女B舊時條仔咪喺呢個plaza開舖頭?
嗰陣時唔知女B飲大咗定乜撚嘢, 佢突然間勁大力拍枱嚇撚到全場靜撚曬望住佢, 班企枱諗住衝過去睇下發生咩事嗰陣, 女B已經超大聲咁話:我之前條仔咪金牛苑個jimmy哥囉!屌佢老母臭化條撚樣正人渣嚟!幫佢仔都落咗兩個,先知自己原來係四奶!!!而且我仲唔係最尾呀!我之後仲有兩件!條撚樣畀我見到佢唔斬柒佢我唔撚係人!
當女B繼續炒蝦拆蟹粗口橫飛balbalbal, 而女A同埋同枱其他人安慰緊佢嗰陣... 我哋自然同班企枱一齊打個眼色, 揞撚住半邊嘴笑..
唔好話我哋成枱人都識Jimmy哥, 佢指名道姓鋪頭人名開撚曬, 正常人都即刻豎起耳仔聽, 況且金牛苑就係congee queen隔離4間舖, 真係盲嘅先見唔到....
而呢件事亦都好快傳遍同行, 所以一講起金牛苑就會自然諗起“Jimmy哥?正人渣黎㗎!", 係定律嚟.
題外話2
大統華、味噌拉麵同埋上面嗰間sports bar, 全部都係同一個地方黎.
貓靈
2023-01-31 12:22:53
Anyway, 繼續...
Z望住我啲眼神有啲擔心咁問:Err...你諗住去呀?有冇事㗎...
我笑一笑, 用手指篤一篤佢額:做嘢啫,冇事嘅...我而家夠成日上同一個場啦!
Z:唔係喎, 你而家喺入口隔離嗰間, 遲下喺正佢隔離喎....
我:屌,劈炮唔撈之嘛,我哋呢行成日都係咁㗎啦, 你驚佢搵人打柒我咩...而且唔會喺正佢隔離啦, 佢隔離係麗花三姊妹...最多咪附近?
Z個樣有啲尷尷尬尬咁:um... Sor..
喺Z又想因為嗰件事道歉之前,我極速打斷佢:屌,Sor乜鳩丫, 而且你頭先都講啦, 而家我過得不知幾撚好..
一講完就稍到waitress捧住兜雞翼行緊過嚟, 就再補多句:食嘢啦, 諗咁多做乜丫..
Z:係係係...食雞翼丫你..
我:喂!睇熱..
我嘢都未講完, Z見到雞翼上台就諗住攞一隻畀我, 點知即刻辣親隻手指:嘩!好鬼熱....
貓靈
2023-01-31 12:23:14
我:唉....冇事呀嘛你....
我將Z之前遞俾我杯汽水遞返畀佢:凍吓隻手先啦....
Z:熱熱熱熱....
望住Z用支飲管"了" 咗塊冰出嚟, 放隻手指上去...
...食食吓雞翼嗰陣, Z突然問我:喂, 你識唔識人化妝set頭呀?
我諗咗諗就答佢:識呀, 不過唔同人嚟㗎喎,得唔得?
Z:um..兩個呀...隔得遠唔遠㗎?
我:可以近可以遠.
Z用隻雞翼對住我:先生,其實你可唔可以講清楚啲呢?
我:你想清楚啲咩呢?
Z:化妝係邊個?
我用條雞骨指返住佢:你囉.
Z:喂!認真呀!
貓靈
2023-01-31 12:23:34
我:係呀,好認真㗎, 你囉.
Z:妖!
一條西芹飛過黎.
我避開咗條西芹之後, 扮到好無辜咁講:咁我真係淨係識得你一個會化妝㗎咋喎...
Z:...唉....咁set頭呢..
我:Andy囉.
Z:First Markham幫你剪嗰個?
我:係呀,有版你睇.
講完我就即刻扮花輪同學.
Z:都得..但唔知佢哋做唔做化妝呢....
我:你自己化唔得咩?
Z:唔係呀,我下個星期六要去朋友個婚禮,我仲應承咗佢隊band拉小提琴, 但自己化硬係好似爭緊啲咁...
我:咦?咪住先, 你好彩, 應該似有個last hope..
講完我拿拿聲拎個電話出嚟.
Z而且咬住條紅蘿蔔望住我:咁好?
我:唔知㗎..搏一搏囉..
一路撳掣一路拎包煙出黎, 示意Z同我一齊出去食煙, 但Z擰左擰頭指住檯面啲嘢食, 既然係咁我自己一個人行咗出去.
貓靈
2023-01-31 12:23:53
剛剛點著支煙嗰陣, last hope就聽咗個電話:喂b?
b:C?咩事呀?
我:冇呀,想問你嗰間髮型鋪, 做唔做化妝set頭一條龍?
b:我想做咪做囉!做咩呀?你要化妝咩?
我:唔係呀,我個老死要參加結婚典禮, 睇下你嗰邊搞唔搞咋嘛.
b:老...死?上次電話嗰個?
我直接答佢:係呀.
b聽見就嘆咗口氣:唉...你都得㗎啦你...
我:又做咩呀?
b:你將你之前條女, 介紹畀你再之前嘅之前條女識,咩玩法?
我:Er....
心諗其實唔計散餐, 應該係之前嘅之前, 同之前嘅之前再之前嘅之前...?不過算啦...我自己都越嚟越亂...無謂糾正佢...
喺我仲數緊手指嗰陣, b又講:佢唔知我哋拍過拖嗰呵?
貓靈
2023-01-31 12:24:22
我:應該....唔知呀? ...
b:吓?
我諗一諗再答佢:印像中..我冇講過.
b:C生, 你可唔可以肯定少少?..
我:咁冇囉.
b:唉...咁你哋幾時過嚟呀?
我:我淨係知下個星期六咋,時間要再覆你.
b:um....ok呀, 嗰日我喺到, 你知道時間call我啦..
我:唔該曬唔該曬..
b:仲有呀.
我:咩呀?
b:你唔好爆響口我同你拍過拖, 淨係話舊時讀書啲朋友好啦.
我:吓?哦....咁麻煩嘅你地d女人..
b:係你哋啲男人嫌麻煩啫, 貪方便諗都唔諗就咩都撈埋一齊, 有時有啲嘢唔可以撈埋一齊, 會爆炸㗎!
貓靈
2023-01-31 12:24:39
我:Er...
b:唔講喇,做嘢呀,你call我呀.
我:係係..
到b收咗線, 我就望返間sport bar, 透過隻窗見到Z都望住我, 我就做咗個ok嘅手勢畀佢, 佢就好開心咁企起身, 做咗個手勢就話要出嚟食煙, 咁我當然叫佢出嚟啦.
Z出到嚟我就遞咗自己支煙畀佢, 佢問完就直接吸給咗啖, 呼返出嚟之後問我:搵到人呀?
我:係呀, 邪骨一條龍, 你畀個時間我, 等我同佢confirm埋, 到時我車你過去.
Z食完遞返支煙畀我:咁好?但係你使唔使返工㗎,星期六嚟㗎喎.
我吸咗一口即刻覺得唔對路, 可能頭先Z食緊雞翼嘅關係, 有啲醬仲留咗喺佢嘴唇嗰到, 然之後又high咗落支煙上面...:仆街仔抹嘴呀, 支煙hi撚曬啲buffalo 醬味呀!屌!
Z勁得戚咁話:特別版呀,買都買唔到!
我:仆街啦, 真係出呢個味執笠都似.
貓靈
2023-01-31 12:25:06
Z:Sor囉..畀支煙我, 等姐姐幫你奶番乾淨佢.
講完真係伸咗條脷尖出嚟.
我:屌你丫!奶完仲使食!
Z直接攤大手板, 理直氣壯咁講:咁你成支畀咗我囉, 無謂嘥.
我成支煙畀咗佢:攞去呀攞去呀...仆你個街丫...
之後自己再點多支:咁你幾點要到呀?
Z拎住支煙答我:六點幾開, 我五點鐘前要去到. .
我諗一諗, 三點收過到去Z嗰到最多咪三點半, 之後剷上去b間鋪再加多廿分鐘,大把時間, 就答佢:咁我中間落場嗰陣過嚟接你咪係囉
Z:ok喎,間舖遠唔遠㗎?
我:間鋪係highway 7嗰邊, 過咗time square 繼續屌落去, 唔記得咗係右轉上Richmond hill定左轉落thornill....我屋企過去就遠, 你嗰邊個去唔遠.
Z剛剛吸咗啖煙, 聽見我咁講即刻吐返出嚟,差啲畀啲煙濁親, 咳咗兩聲之後好驚訝咁話:吓!?
見到咁我都嚇一跳:做乜咁驚?