［是咁的］ 我喺加拿大住咗十幾年, 識到一個女仔叫Z...（3）

可以呀, 唔好屌鳩我吊你哋引就得

唔會

車都係衣著嘅一部份

係至好講

兩個選擇都照屌
貫徹做閪客(讀者)

放心，係唔係都會屌

好似冇左之前陣MK味

照屌

你肯定？返緊工同收工出街, 梗係兩件事

有冇近照呀

人到中年, 有咩好影.
年輕再MK, 都敵不過時間嘅摧殘
















主要係之前份工冇啖好食, 晚晚返公司煮撚曬佢啲羊架同牛扒, 再加埋lock down嗰幾年食到變咗肥佬

小心又post左啲未刪樣嘅相上黎

之前嗰單嘢都唔知點, 問咗刪相好似冇剷到？

應該del左，已經搵唔番張圖

你哋fake我去admin 開post個邊仲有, 我剛剛手痕google見到佢, 又report多次

說好的第一篇呢!??
文都未出就要比人屌啦, 係咪衰

當MM同我講記得勁敷mask、仲重要搞下條眉毛、剪埋頭髮先好去見工, 我當時聽到o咗嘴：唔撚洗下話？做導遊定鴨呀？

MM：一次過做曬兩樣.

我：仆街丫, 你而家推我落火坑呀？

MM：咁你落唔落丫？

諗起金皇朝嗰陣、個班跳老舞嘅大媽我就打個冷震...口震震咁答佢：如果...唔使服侍超過40歲嘅大嬸嘅話...我...應該ok...啩...

MM：丫屌...你快啲搞搞佢啦, 話曬我介紹你入黎, 唔好影衰我呀！

我：係係...我盡力啦...

MM收咗線之後我就點著支煙諗下, 呢啲咁撚麻煩嘅嘢邊個會幫到我...但諗到頭都爆,都只係諗到一個人, 就拎起個電話打出去.

我：喂！忙唔忙呀？

Z：係公司hea緊, 有咩幫到你？

我：冇...冇呀....

Z：哦,咁byebye囉.

我：丫屌.

Z：講你就講啦！

我：err...... 冇, 我下個禮拜要去見工...

Z：咦？你終於捨得脫離失業大軍啦？恭喜你喎！

我：丫屌.

Z：咁點呀？係咪想請我食飯？

我：er.... 如果請咗嘅...都得...

Z：咁好啦, 你到時call我啦！

我見成件事錯撚曬, Z仲好似想cut鳩我線, 就拿拿聲同佢講：喂喂喂！我朋友叫我搵人幫我收下條眉同埋敷mask呀！！！

Z：吓！？你做鴨呀！？？

我：丫屌...導遊呀...

Z：err....伴遊定導遊呀？你問清楚啲好喎...

我：err....... 咩都好啦,你有冇時間幫幫我呀..

Z笑得勁開心咁答我：咁搞笑嘅嘢, 我實得㗎！

我：啤....

Z：我今晚收工返屋企執齊架撐, 之後過嚟搵你食飯, 食完返你屋企搞啦！

我：唔該曬唔該曬.....

到Z收工嗰陣, 就過咗嚟同我去咗開心茶餐廳搵契媽食飯, 坐低嗰陣契媽就行過嚟問：衰仔！食咩呀！

我：err... 媽, 你話事啦...

契媽：丫屌, 去廁所食屎啦你.
然之後擰過去望住Z：靚女,你呢？

Z：kitty媽你話事啦！

契媽：咁今晚食牛尾丫, 淆咗成日好正㗎, 之後跟個梳乎厘..同杯薑蜜, 好冇？

Z：好丫, 唔該kitty媽.

我：屌呀, 我同佢都係講一樣嘅嘢, 點解佢有好嘢食, 我就要食屎？仲要自己去廁所食！

契媽好唔耐煩咁望咗我一眼：唉...最多畀隻湯殼你啦...

我：丫屌...

契媽：咁好過嚟搵阿媽食飯, 搞咩你哋因間？

正當我諗住求其講啲廢話耍走契媽嗰陣, Z已經爆響口：冇呀, C叫我過去幫佢執下個樣.

契媽：吓？搞咩呀？

我：er.....

Z又再搶答：佢話過兩日去見工, 唔知做伴遊定導遊喎...

我：丫屌..

正當我諗住解釋嗰陣, 今次到契媽搶答：伴遊好丫, 陪住啲師奶出巡就有錢收, 職業無分貴賤...不過阿仔你得唔得㗎...我驚你對住啲師奶不舉,到時畀人彈鐘就唔好...

我對住佢兩條友一唱一和, 決定放棄：唉...媽你去攞隻羹嚟, 我自己去廁所食住屎先, 你哋慢慢傾...

之後連續幾晚, Z放工之後都帶住一大堆mask過我屋企, 不斷放啲嘢上我塊面度, 又趁我唔喐得嗰陣、用個眉鉗夾呀夾...

..到最後, 有睇其他故嘅都知, 我最後係呢間旅行社做咗年幾兩年, 識到個大過我嘅女仔叫J....

Anyway, 既然間旅行社請咗我, 我自然keep番自己對Z嘅承諾, 約咗佢出去食飯慶祝.

因為出面落著雪, 而且Z又諗住會飲酒嘅關係（咦？點解我講個又字嘅？）, 所以Z決定放工先返佢自己屋企泊底小綠, 反正第二日係weekend佢唔使開工, 由我負責車佢.

過到去接咗Z之後, 我哋貪方便就去咗喺hwy7附近、一間新開嘅日本餐到試吓.

到食完飯、企喺餐廳門口食緊煙嗰陣, Z突然用屎忽撞一撞我, 話：喂, 凍冰冰...我有啲想去揼骨...

我：吓...咁突然？飽暖思淫慾呀？

Z：妖....認真呀, 呢排周身骨痛..

我：哦....咁正定邪先？

Z：有邪我又想去見識下呀...

我：咁幫你唔到, 你知啦, 我呢啲正人君子嚟嘛..

Z：超... 一定係啦...不如話你淆底獸唔敢去...

我：丫屌...

Z：咁有冇正骨呀？

我諗起之前同T去過間叫做知足樂嘅正骨場,入面班大媽手勢都唔差, 就答佢：um....過知足樂囉？

Z：喺邊㗎？

我：我屋企附近嗰間大統華對面.

Z：吓？有啲咁嘅嘢㗎咩？次次經過都冇發現...

我：鬼咩, 你去親都係大統華, 之後就走人..

Z：嘻...咁Ok啦..

揸到過去泊好車、行入知足樂, 唔知係咪因為星期五晚比較忙嘅關係, 佢哋竟然爆咗場.

前台姐姐懶係專業咁撳咗一陣電腦之後, 就同我哋講：唔好意思丫, 我哋而家好忙, 最快都要成個鐘之後先有位...

Z：吓？咁呀..
之後擰過嚟望住我問：你識唔識第二間？

正當我諗緊仲有冇第二間可以去嗰陣, 前台姐姐突然話：再唔係可以去我哋另一間分店？我可以幫你哋打過嚟留定位先, 但而家揸車過去都要成大半個鐘..

丫屌, 即係留喺到要等一個鐘, 但揸車過去就要大半個鐘...咁咪即係, 係唔係都差唔多要成個鐘？咁我騰嚟騰去出做乜撚呀...

正當我諗緊呢條前枱姐姐sell嘢有手嗰陣, 前枱姐姐又黎料：不如...兩位唔介意同一間房丫？ok嘅最快20分鐘有位, 如果分開嘅可能要等成個鐘之後先有位...

嘩...正當我諗住拍手鼓掌, 讚揚前枱姐姐把口簡直出神入化、之後同Z去搵過第二間骨場嗰陣, 企喺我隔離嘅Z諗都唔諗就即刻答：同一間房我ok呀, 就咁決定啦！

我聽見即刻嚇一跳, 望一望住唔知係飲咗酒定係其他原因而面紅紅嘅Z：吓？

Z望住我講：我ok呀, 你o唔ok？

我：er..哦, 你..ok就得啦...
之後就同前台姐姐留底名同電話.

見我登記完資料, Z就轉身去開門, 一路講一路行出門口：既然有成廿分鐘, 咁過大統華兜個圈啦, 睇下有冇嘢買都好..

我戇鳩鳩跟住佢行出門口：都好呀...

因為本身我又唔會喺屋企煮飯食、而且買零食我自己識得幾間舖頭有折, 我極少喺大統華買嘢, 所以只係無無聊聊咁陪住Z, 係大統華行咗陣.

Z攞咗啲零食之後, 行過賣煙嗰個櫃位嗰陣, 突然指住架上面嗰啲包裝得靚靚嘅中國酒喺到講：嘩..呢啲酒唔係人飲㗎喎...

我見到櫃檯個位姐姐怒啤住我哋, 即刻撳低Z隻手：我冇試過呀, 你知我咁多年都係飲同一樣..

Z：係喎, 你屋企有冇酒呀？

我：酒？....好似...有幾罐黑啤？

Z：我嗰支呢？

我：你邊支呀？

Z：我上次生日嗰支.

我：我屌！？嗰支成年幾前㗎喇喎！

Z：係呀,咁仲喺唔喺度丫？

我：er....印像中...上次你飲完, 我就隨手放咗入衣櫃, 應該..仲喺到啩？

Z：咁ok啦.

我：吓....你唔係諗住飲下話...仲飲唔飲得㗎擺咁耐...

Z：無事嘅, 最多啲味怪啲啫...Aged嘛...

我順口答佢：你個人再擺落去就真係好aged啦....

雖然一講出口我已經有預感、準備起手檔, 但都係黎唔切, 被Z大大力打咗吓：大家咁話啦！

我：丫屌...不過你話事啦..又唔係我飲..

Z：超...咪係囉！咁多口做乜！？小C子係咪抵打？

我：...係....

講講下突然電話響, 見冇來電顯示、一聽原來係知足樂打嚟話間房ready, 叫我哋過得去.

收線之後, 就拿拿聲同Z去收銀畀埋錢、放曬啲零食上車, 就入去知足樂準備揼個靚骨.

開頭諗住所謂嘅雙人房, 係一間房入面有兩張床平排、中間隔塊布嗰種, 點知入到去原來一間超窄嘅長方形房、兩張床打對面中間無遮無掩..

Z：Err...
Z左望右望, 發現連一個畀佢除衫嘅地方都冇..

我見到間房咁撚荒蕪、就無謂Z難做, 即刻講：我除完先趴低, 之後你自己慢慢除啦.

Z笑笑口話：咁益我？都得.

我一路除一路答佢：屌..咪又係兩粒lin,你冇咩...

Z：丫..仆你個...