［是咁的］ 我喺加拿大住咗十幾年, 識到一個女仔叫Z...（3）

驗身先

唔知樓主個女大個左性格會似邊個角色


似返樓主咁有仔埋身就食

撞鬼囉, 你上面同呢一個回覆我琴晚係見唔到

anyway,我同大部份拍過拖嘅都叫和平分手.

唯一係怕撚咗Ri, 我主動轉工閃人.

我份人又唔係唔主動嘅, 就係可能太主動嘅關係, 有時不斷畀錯 signal 人哋...

然後有得食咪食囉

返香港之後, 降頭C介紹嗰間公司識

著返條褲先, 有排你等

我都想

我又冇所謂呀, 反正係佢嘅選擇/生活.

不過唔好似佢老豆咁成日留精不留人, 記得做足安全措施.

佢老豆就話廢人射廢精啫, 陣間個女似佢老母行動派, 生到兒孫滿堂我就仆街

樓豬，我係嚟追你出文嘅

lunch time先嚟追過啦

習慣日日返工同放工搭車睇

舊時習慣朝頭早嗰陣慢慢執,但呢排朝頭早都忙到仆街, 要過咗check out嗰浸先有時間攪

我仲未追鬼故，btw 每個人心入面都有一個沈嘉儀

你鍾意咪等多陣先囉, 呢part就完, 之後我又藉啲意放幾日假, 嘗試錄埋個結尾

有驚無險, Z同b兩個有講有笑, 玩撚咗成個鐘之後終於set好曬頭化曬妝, 喺牆角坐到發曬霉嘅我,終於可以準備車Z過去婚禮場地....

斷估係啩？

因為食完支煙返嚟, 再坐多十零分鐘之後, 我已經攬住幾本八婆雜誌斷片瞓著覺, 直到b過嚟踢醒我之前我咩都唔知..

b：起身啦..

我：哦..係？
醒咗之後捽一捽眼, 跟住兩頭望..

b好似知我搵緊乜, 就笑住講：去咗廁所呀..
之後伸隻手出嚟.

我捉住b隻手之後拉起自己：搞掂曬啦？

b：搞掂喇..佢去完廁所返嚟你睇下你鍾唔鍾意？

我：吓？關我咩事呀？

b：你自己心照啦....

我：err.....
心諗, 照乜鬼？之後答b：個頭係佢嘅,佢鍾意咪得囉...

b：係係...行啦..
講完就擰轉面走去攞咗把掃把, 開始清理頭先Z坐嗰個位.

我亦都跟住b行過去, 將頭先嗰啲八婆雜誌擺返好.

呢個時候Z把聲喺我背後傳嚟：咦？你終於瞓醒喇？爭啲諗住要自己call車過去..

我：使唔使咁講嘢呀....
擰轉面望過去：嘩！老細...你使唔使搞到咁呀...

Z聽見我咁講, 即刻嚇一跳：咩呀？好唔得呀！？
然後衝過去照鏡.

b因為聽唔明, 但見到Z咁樣就即刻擰過嚟啤住我：喂, 你講咗啲乜呀又！？

我冇理到b, 直接答Z：err....我意思係...冇諗到咁隆重啫...

Z：妖！畀你嚇鬼死...

繼續聽唔明嘅b, 見無人理佢就越嚟越急：點呀？？咩事呀！？有冇字幕呀！？

聽見b咁講, Z笑住轉番channel：冇事, 冇事...唔使理C, 廢話嚟...

b：吓！？

我：我頭先同佢話, 我冇諗到咁嚴重啫, 唔係唔靚...

b：唉..畀你嚇鬼死...
講完就想用個掃把插我隻腳.

我避開咗之後答佢：你自己嚇自己啫...關我咩事喎..

b見我避開咗, 就繼續用個掃把插插插....
然後我又不斷被避避避...

令我不其然諗返起舊時係PDHS嘅時光..而我相信b都一樣, 所以玩咗輪之後,我哋兩個都忍唔住笑出聲..

b舉起個掃把指住我、笑住話：你個仆街..畀我打中一野唔得嘅！？

我亦都笑住答佢：你估我想㗎, 你打唔中咋嘛！

當b又嘗試用個掃把拮多我兩野、然後畀我避開咗之後, 一直企係隔離睇住我哋兩個戇鳩嘅Z, 終於忍唔住話：你兩個玩住先啦, 我過去畀錢呀！

b聽到Z咁講, 先捨得放低個掃把, 望一望手錶：咦？係喎...你差唔多夠鐘喇喎...

Z：係呀..
突然擰過嚟望住我笑住咁講：小c子！

我聽見就嚇一跳, 心諗小乜鳩！？係咪想叫我幫佢畀錢？？

正當我準備投訴, 話呢單嘢唔關我事嗰陣, Z講咗句我完全估唔到嘅說話：你擰過去望住架車十秒鐘！

我：吓！？

Z：小~C~子~！

我：哦...

正當我擰轉身, 諗緊無啦啦做乜鬼嘢,要我望住架車十秒嗰陣時...

背後傳黎Z勁賤格嘅笑聲..

Z：ha b, 你有十秒鐘, 同我插爆佢！

我聽見Z咁講, 即刻虎軀一震：我屌！？搵啲咁嘅嘢玩呀你！！！

Z：你十秒內咪拎返過嚟呀！！

b：吓？真係㗎？

我見有機會,拿拿聲自救：十！九！..

Z：係呀！快啦！條仆街開始數喇！

b：哦哦哦！

之後...我feel到由七開始, 我個屎忽畀人用掃把插咗n咁多嘢....嗚嗚嗚...

好彩b只係用掃地嗰邊、唔係個掃把頭...

唔係屌埋咁多女, 今次真係一鋪還清曬..

不過始終過掃把啲毛係用膠做, 著住運動褲嘅我, 一樣feel到個屎忽俾好多尖尖尖~拮呀拮....

捱完十秒之後, 我feel到我個屎忽嘅悲痛莫名終於停咗, 又等多幾秒發現冇野再拮我, 先夠膽擰過去、亦同時用隻手護住細佬, 以防唔小心擰早咗, 而b又唔捨得停手, 我就要用我唯一一條生命力bar, 去硬接尖尖尖..

擰到過去, 見到b望住我似笑非笑咁, 我就好似細個嗰陣, 畀阿媽捉到用計數機做小學功課一樣, 好鵪鶉咁講：你個樣想點呢請問？

b：冇野呀.

我：丫屌...

Z：講緊咩呀？

我：畀完錢呀？

Z：係呀...
之後擰過去同b講：今日唔該曬...

b聽見就好自然又要攬攬Z：唔使客氣, 有機會嘅, 下次返嚟再幫你剪過！

畀b攬住咗嘅Z笑住講：好呀！

我喺隔離望住佢兩個, 心諗..唉..啲鬼妹特別麻撚煩...乜都要攬攬......最慘係冇我份喎...如果佢兩個攬緊嗰陣, 我夾係佢哋中間就真係....

嗚呀...

喺我亂咁諗野嗰陣, Z突然叫返醒我：喂c, 我個袋有相機, 幫我同佢影幅相丫？

我：吓？哦...
就過去打開Z個袋, 拎個相機出嚟：係係...

幫佢兩個企埋一齊、係玻璃面前, 背曬光咁影咗幅相之後, b係呢個時候終於擘大對手要攬埋我..

ok.. 咁又唔同講法....啲鬼妹鍾意乜都攬攬呢個習慣真係好...

見到Z執埋啲嘢準備走人, 正當我諗住好可以好好地、久違地feel吓b對波仔嗰陣...

b一覽埋黎, 就細細聲喺我耳仔邊講：Z份人幾好丫, 你好好對人啦.

我連b對波皮都未feel到, 聽見佢突然咁講就r撚曬頭：吓？你up乜鳩呀又？

b攬住我,大大力勒咗我一野：你問吓你自己啦...

我：丫屌.... 我成日問㗎啦,冇問題呀....

b無視佢對波已經畀佢自己壓到變咗型, 再問：..真係？

我：係丫, 我不知對佢條仆街...幾好...
幾好幾好...咁多年嚟b對波都係咁正...

b：係至好講呀你...
講完就大大力拍咗拍我背脊.

我：係係..
雖然b好似唔使本咁拍落嚟, 但我呢啲gentleman, 就梗係細細力拍返佢, 再feel吓對波先再鬆送手...

Z孭住個袋行過嚟問：講緊咩呀你哋？講到咁開心嘅？

b笑得勁衰格咁講：就係咩都冇講先開心！

Z聽到b咁講又一齊賤笑：係呀, 有時同呢條友講嘢, 講到你火都嚟....

我聽見佢哋咁講, 細細聲講咗句：有時啲嘢...講咗就可能唔開心㗎啦...

雖然我同佢哋只係距離唔夠三個身位, 但可能因為我係講英文, 而且勁細聲、又講得快, 留意到我呢句說話嘅人, 只有b一個.

b又再次畀咗個似笑非笑嘅表情我, 然後同z講：你要唔要去多個廁所先呀？費事一陣你要表演, 有排都冇得去....

Z諗咗諗就話：雖然我唔急, 但又好似好有道理咁喎....
然後擰過嚟遞個袋畀我：咁我去個廁所, 你等一等我？

我接咗佢個袋之後, 就話：得啦, 我喺門口嗰邊等你.

望住Z行咗去廁所嗰個方向, 我就準備轉身行去門口, b突然間拍一拍我膊頭：喂.

我：做咩呀？

b挨過嚟搭住我膊頭：你去咗邊呀？

我：吓！？咪車佢去結婚會場囉？

b：我唔係問你陣間去邊呀, 我係問你去咗邊呀！

我呆撚左望住b：咪成個生勾勾喺你面前囉！？

b：唉....我問緊, 當年喊住喺風雪入面四圍搵我、乜都唔驚又極到自戀同自信、我曾經鍾意過嘅你,去咗邊呀？

我：err.......乜我舊時係咁㗎咩...

b：你話呢？

我：um...耐到唔記得咗lu..

b笑左一笑：係係.....你都知耐到唔記得咗喇咩？

我：不過我肯定我一啲都唔自戀囉...

b：屌..
講完大大力咁拍咗我背脊兩下：Z出嚟啦, 走啦！

Z出到黎, 接返佢自己個袋之後, 笑笑口咁同b講：我差唔多要趕過去婚禮, 走先啦, 今次唔該曬你.

b亦都笑住答佢：都話唔使客氣咯, 你有畀錢㗎嘛..

Z：咁你都有畀discount我丫嘛..
講完就同b揮一揮手, 之後側一側頭示意我夠鐘閃人.

我：係係..
同b做咗個拜拜嘅手勢, 就諗住同Z一齊行出門口.

但當我拉住道門, 畀Z行咗出去之後, b突然間嗌我：喂C！

我：係？

b：你下次見到我搵緊嗰個人, 幫我同佢講聲, 我同佢一齊嗰陣過得好開心.

我聽見b咁講, 就笑住舉起隻中指答佢：好呀, 仲有啲咩呀？

b亦都舉返起隻中指對住我：叫佢搵返自己呀！

我：丫屌.

Z聽見我哋咁講, 就好好奇問我：吓？佢講緊邊個？

我笑住答佢：佢舊時條仔..

Z：哦....？你同人哋條仔都仲有聯絡㗎？

我：...舊時好friend㗎...不過...好耐冇lu..上車喇..你唔係趕時間咩？
以防Z繼續問問問, 我就用條車匙遙控解鎖咗道車門.

Z：丫係係係...

當我放開手, 等salon到門自己閂嗰陣, b喺門另一面大嗌：C!得閒call我食飯呀！

我擰轉頭對住b做咗個打電話畀我嘅手勢,之後就同Z一齊行去自己架車度.

到Z放佢個袋上車, 我見仲有少少時間,就挨住車頭點著咗支煙.

Z擺好啲嘢, 就行過嚟問我：點呀你覺得？

我：吓？頭先咪喺入面答咗你囉？

Z：你認真再望多次？

我用揸住支煙隻手轉咗個圈：哦好呀, 你轉個圈嚟睇下？

Z：哦.
Z答完就登登登登登咁原地轉咗個圈.

難得見到Z咁聽話, 我就忍唔住伸隻手出嚟同佢講：Z乖. Hand hand.

Z即刻拍咗我隻手一下：小C子！作死呀！hand hand！？hand都斬咗你！

我收返隻手落褲袋之後答佢：Er...ok靚女呀! 不過人哋化妝、同你自己化,望落真係唔同啲㗎喎.

Z：梗係啦,有畀錢㗎喎....不過你覺得邊個化得好睇啲？
一路講一路嘟起個嘴.

我自己吸咗一啖之後, 再張支煙插咗Z嘟起個嘴, 先答佢：我覺得你好啲, 因為我buy淡妝多d.

Z吸咗啖煙,再呼返出嚟先講：你估我唔想咩, 但呢啲場合, 係要濃d㗎啦..

我：係係...食埋上車啦...

Z：係係...

食埋支煙, 就同Z上車開過去佢個friend嗰個婚禮場地.