［是咁的］ 我喺加拿大住咗十幾年, 識到一個女仔叫Z...（3）

Z：咁......你會同我講, 仲有幾多先撞到你㗎呵？

我：唔會㗎,我淨係企喺度㗎咋.

Z：吓！？撞死你點算呀！

我：咁就睇下, 大小姐你有幾想撞死我喇....機會難得呀...

Z：Errr....小C子我唔捨得喎！

我：咁咪小心啲泊囉！
講完揮一揮揸住煙嗰隻手,我就冇再理Z.

Z停定咗架車再等多一陣, 見我繼續揸住支煙喺到食、旭都冇旭過, 就知我係認真, 就大嗌：咁我褪㗎喇！！你自己小心啲呀！！唔對路就好走人呀！
之後開始好慢好慢、好小心咁樣向後流架車...

然後嗰晚, 我用呢個極到戇鳩嘅方法, 強迫咗Z追住我back in咗十幾廿次之後, 雖然都有幾次差啲雙腳不保, 但Z最後都勉強叫做學識咗back in.

當我上返車嗰陣, Z好緊張咁同我講：你下次真係唔玩啲咁嘅玩,嚇鬼死我...

我笑住答佢：你唔係話總有辦法㗎咩？有咩事我下半世旨意你㗎啦.

Z聽到我咁講就擰歪面唔出聲.

見Z唔出聲,我就望一望錶, 原來已經三點幾就嚟四點, 就遞隻手去佢面前：喂, 原來玩到咁夜..

Z：係咩？
跟手Z都望一望我隻錶：嘩撞鬼囉...唔怪得知越嚟越眼瞓...

我：係呀, 咁散場啦？

Z：可以呀..

我：咁你想過我到瞓、聽朝先車你返去？定而家車你返去？

Z：um.... 過你到瞓啦, 反正我聽朝冇嘢搞..

我：咁ok啦, 你呢到直行, 之後前面轉彎出燈位...

Z：吓？哦..好呀..

我一路講一路指條路畀Z睇, 而佢又好順攤咁真係揸住架車、跟住我講嗰個方向開, 好似已經唔記得咗個零鐘前自己淆到仆曬街.

當返到我屋企仲自動自覺back in埋之後, Z突然好驚訝咁講：咦？點解會係我揸車嘅？

我：係囉, 點解呢呵？
我一路笑住答佢, 一路解開安全帶準備開門落車.

Z自己一個喺架車入面好興奮拍我個軚盤, 一路講：喂！小C子！我識自己一個揸車啦！

我：係喺恭喜曬...
Hea答完佢之後就轉身落車.

Z：喂！去邊呀你！？

我落車點著支煙, 行咗去Z旁邊幫佢拉開道門之後先答佢：...記得掹車匙之後熄燈呀...我架車就嚟響到爆炸事少, 一陣聽朝起身冇電就仆街冚家剷㗎啦..

Z雖然答我：哦哦哦...
但仍然好似有啲依依不捨咁,喺我架車度東摸摸西摸摸...

返到上房, 因為Z話揸到成身汗所以要沖涼先, 所以等到佢搞掂曬出嚟, 再到我沖埋涼返入房, 已經見到Z瞓咗喺我張床上面.

我玩咗一輪之後先撻落床, 剛剛冚好被、合埋眼諗住瞓覺, 點知以為一早已經瞓著咗嘅Z, 突然擰過嚟拍咗我心口一下,之後講：今晚唔該曬你..

我：屌丫, 畀你嚇撚死..仲以為你一早瞓著咗添！？

Z：唓！唔使咁嘅..諗住同你講聲唔該啫...

我：唉, 我同你有咩計丫..

Z：不過呢, 下次真係唔好喇...

我：吓？唔好咩呀？陪你練車？

Z：唔係呀！
用手拍一拍我心口之後再講：企喺我車後面嗰啲囉！一陣你真係有咩事, 以後得返我一個都唔知點算....

我聽見Z咁講, 突然個心好似有啲乸住乸住咁..不過, 諗咗兩秒之後我決定繼續hea答佢：放心喎, 你真係撞到我, 我都唔會告鳩你㗎喎...

Z：唔係呀...妖！我淨係想你倍我練吓車啫...學識就最好啦, touch wood學唔識, 咪你一世車我囉...

我：屌丫！？你前面嗰句同後面嗰句爭咁撚遠嘅喂！？

Z：唉.....你明就得啦.

我：係係....

Z：唉..總之今晚唔該曬你..瞓覺啦..早唞.
講完就維持住打側嘅姿勢, 隻手繼續放喺我心口.

我：係係...早唞.

瞓瞓下, 硬係覺得有啲嘢攬得我好實, 仲有啲軟淋淋嘅嘢壓住我隻手臂.

平時同Z孖鋪嗰陣, 通常性我哋兩個都係平排面向天咁瞓, Z好少會打側身瞓、更加唔會瞓到攬住我...

但我又因為太眼瞓嘅關係, 懶得擘大眼睇下係咩嚟㗎, 所以我斷估....

可能係我三隻貓入面其中一隻啩？

使唔使開埋人名

咦？丫屌.

post錯咗未cut嗰張

不過反正開咗名, 大家去起吓底, 研究下佢係男人定女人

等你除衫驗

你去admin 台申請刪果個reply 好喎
一陣你出事成個account Block 左我地無文睇

會出咩事？

Privacy
BAM

樓豬好鍾意喺戲玉到停

點解你覺得嗰到會係戲肉？

咁點算呀？應該去admin台講啲咩

passport 寫埋身高

係喎, 你唔講都冇為意

證明我目測嘅能力都唔差

你加密都算，成個po del左到時點追故

post錯咗未cut個張

係咪真係走去admin到, 叫佢delete咗佢？

未試過唔清楚，問下admin剩係cut走條link keep起post得唔得呀

搞搞個留言啦
一陣比人拉上埋報事少
K等你出獄再強姦你事大

即係去站務台,開個post問？

定要入某一個post留言？

站務台開post

okok, 等我去試下先