［是咁的］ 我喺加拿大住咗十幾年, 識到一個女仔叫Z...（3）

其實因為我冇見過阿嬋個前夫, 我識佢嗰陣佢已經同另外一個叫凡哥嘅男人喺埋一齊, 所以我唔知佢個仔似邊個

但其實睇樣佢個仔同佢凡哥好似樣, 但計年齡應該唔關佢事, 因為佢個仔大過我, 但阿嬋同凡哥喺埋一齊只係二年唔夠

凡哥好好笑, 自己做裝修,但長時間都係恤衫西褲, 開工嗰陣時會換, 而且永遠只會接商場嘅室內舖唔接街舖, 總之做嘢嗰陣會比太陽曬到嘅佢多多錢都唔做.

當年追阿嬋嗰陣時, 約咗阿嬋去睇佢踢波, 為咗表現自己就踢足180分鐘全場, 踢完之後喺更衣室暈撚咗, 最後爭啲送入醫院

一場波踢90 鐘咋喎

佢一日連踢兩場, 聽阿嬋講返, 平時凡哥落場十五分鐘就已經叫救命要換人

後生幾多年都唔屌.佢有少少豬膽鼻.不了.

連續食咗兩晚生日飯, 食到個人滯滯地, 晏晝阿嬋落咗場、得返我一個人係餐廳揭緊MM喺佢診所掉過嚟嗰啲舊雜誌、發吽哣嗰陣, 就諗緊好唔好收工行過隔離粥舖買粥食, 清一清腸胃, 但明明餐廳包伙食, 特登自己出去花錢買嘢食又好似好蝕底咁...

正當我猶豫不決嗰陣, 突然有人打電話嚟, 幫我做咗決定.

當收工前十分鐘, 本來係前枱埋緊數嘅Ax, 擰過嚟同係水吧洗緊杯嘅我講：靚仔, 同鬼妹講聲閂咗門喇,明天請早.

我：吓？
岳高頭望一望, 見b一路同我揮手、一路推開檸檬樹正門行入嚟, 就答Ax：呢個嚟搵我㗎.

Ax聽見就行過嚟, 搭住個膊頭同我講：你條死靚仔丫...又D又Z又MM, 而家仲嚟多隻鬼...你係得至好喎......

我：屌....如果唔得咁點？

Ax：唉....我最多捱義氣幫你頂緊個...

我：仆街丫你...

b：C, 你走得未呀？未得我上車等你？

Ax笑住同b講：佢洗完啲杯就走得㗎喇！
之後擰過嚟望住我：呢個我ok呀,你頂唔順嘢call我丫？隨傳隨到...

我：好呀, 有需要我call你老婆,叫佢同你講.

Ax：丫屌..做人唔使咁嘅.....
講完就將我洗好嘅杯, 又擺番落個洗杯機到.

我：我屌！你咪撚阻住啦！

Ax：邊有呢, 我見洗得唔乾淨啫...

我：冚家產, 我而就打畀你老婆...

Ax：咁又唔好...

趕走咗Ax之後, 拿拿聲收埋個檔, 就同b一齊過咗隔離食飯.

坐低完餸之後, b突然講：喂, 我辭工返 Hamilton啦！

我：吓！？咁突然？幾時呀？

b：今日last day.

我：嘩！真係好突然喎！搵到好路數？

b：係呀, 我條仔銀行嗰邊升佢職, 本身份人工都夠我哋兩個洗, 咪諗住搬返入去喺屋企附近間髮型鋪做囉.

我：咁都好！吖恭喜曬喎..

b：多謝多謝..

我：有冇諗住幾時結婚？

b ：未咁快呀, 諗住儲錢買咗屋先算..

我：都好丫, 起碼有個目標...

b：叫做啦...話時話你記唔記得邊個JJ？

我：梗係記得啦, 好....
硬生生將好大對波呢幾隻字吞落肚,改口：..鍾意同你一齊追住我嗰個吖嘛..

b聽見我咁講就笑出聲：係呀, 好大對波嗰個吖嘛..

我：丫屌..

b：冇呀, 佢上年結咗婚...

我：哦？恭喜曬喎..

b：佢老公仲要係我介紹嘅添..

我：嘩！咁你去做伴娘定set頭？

b：我上個禮拜先知.

我：吓！？

b：係喎..

我：err.....

b：所以呢....有時啲朋友真係唔係做一世...

我：um...無啦啦嘅話題咁沉重咁嘅...

b：冇呀, 頭先聽你同事講起D同Z佢哋個名, 就忍唔住講兩句...

我：err......咁遠你都聽到..

b：乜重點喺嗰度咩？

我：咁又唔係, 我講下啫...

b：唉...總之, 你自己諗掂佢啦..有時啲嘢, 錯咗時間就係錯咗時間、過咗就過咗, 之前幾好都冇用.

我：um....

本來諗住同b出嚟食餐生日飯, 嘻嘻哈哈又一餐, 好彩嘅仲可能會有白滑甜品食吓, 從來冇諗過會突然間去到咁沉重嘅話題, 嗰下我都唔知講啲咩好..

b可能是我沉默咗落嚟, 就有少少唔好意思咁話：不過你放心啦, 到我要結婚嗰陣, 第一個通知你！

聽見佢咁講我, 只能夠勉強咁笑一笑：係係..

到食完嘢, 送佢返上車嗰陣, b笑住行過嚟攬住我、同我講：係喎,成晚都唔記得咗同你講生日快樂..

我細細力攬返住佢：是但啦, 生日年年都有, 今年唔講咪出年先講過囉...

b：咁又唔係呀...有啲嘢而家唔講, 等到出年先講就唔同咗㗎喇...

我：丫屌, 你又loop返轉頭...

b ：得得得, 當我冇講過.

我：屌...你自己小心揸車呀..

b：會啦..你如果有機會過開嚟Hamilton ,就約我啦！

我：一定.

b大大力拍咗我背脊兩下之後, 就放手定轉身準備上車.

我：喂, 幫你影張相丫？都唔知下次幾時見.

b擰過嚟笑得好sweet咁話：可以呀！...

到目送b架車駛出咗停車場之後, 我點著支煙、慢慢行返去自己架車到.

一路行一路諗b同我講過嘅嘢.

唉....

然後, 多倫多冬天終於完結、開始春天、夏天、秋天, 直到冬天再次來臨.

呢一年裏面, 我身邊嘅事物, 不斷發生緊一啲可有可無嘅轉變.

好似Z同D相繼係york同UT大學畢業, 一個返咗中國玩咗幾個月、返到嚟就係hwy7 honda搵到份hea工, 另一個去咗多倫多公益金到做煙腸.

而我自己則由MM開始, 到因為一塊生豬扒就同Ro反咗面, 再到開心茶餐廳嘅kitty媽, 經歷人生第一次撞車, （仲要撞到total loss嗰隻）,再經MM介紹入咗去淫慾旅行社...

係識到J之前, 我同Z嘅關係, 終於迎來一個極大嘅轉變.

最後一次見b, 影嘅相

wa

又話結婚通知你
之後無再聯絡?

有有聯絡、但冇再見

風格變化咁大

吓？有幾大？

感覺成熟咗
之後同b冇再聯絡？

有電話聯絡, 冇再見過面.

同你上次share B果張2個人來WO

由鄰家女孩變成4x歲有錢寡婦

同一個人, 差咗大半年啫

但都係同一架亂到仆街嘅sun fire

突然醒起...之後連續三篇係三部曲, 但應該執唔切要同老婆去旅行.

大家認為我應該：
1.出第一篇之後返嚟再出淨低嗰兩篇
2.去完返嚟先出

冇其他選擇.

出住先

我地講緊佢衣着