［是咁的］ 我喺加拿大住咗十幾年, 識到一個女仔叫Z...（3）

鳩客：我決定開間港式燒臘舖.

我喺隔離聽到, 爭啲想搵埲牆撞死自己.

R個ok亦都變咗做舉中指嘅狀態.

鳩客：而且我頭先我出面見到間吉舖, 我諗住開喺嗰到..

聽見鳩客咁講, 我即刻忍唔住答口：um.. 出面嗰間舊時做茶樓, 再之前做火鍋, 一年裏面轉咗幾次手, 嗰個位難做呀..

R：係呀, 你第一次喺到開舖, 會唔會開food court或者細間啲穩陣啲呀？你想嘅話, 我仲有幾間舖可以帶你去喎？

鳩客：唔係呀, 我覺得個位唔錯丫, 係正入口隔離, 個個行過都見到, 而且名我都諗好咗啦..

R個諗法應該同我一樣, 見鳩客都打定主意唔會變, 反正我哋一早警告咗佢, 佢都要中個頭埋去死, 咁唔關我哋事啦....就話：嘩！名都諗埋呀！咁冇問題啦,你決定好我哋就返公司簽埋啲約, 跟住開始幫你搞啦！

鳩客：好呀, 而家就去囉！

R：好呀,合作愉快！

我：恭喜曬,好生意..

鳩客分別同我哋呃咗手之後, 就同R一齊行出停車場, 而R亦都親個客唔為意嗰陣同我講咗句：咁我哋閃先, 你自己搵嘢咬,記得攞單呀！夜啲返 genius再講.

我：ok呀..
送咗R同鳩客出停車場上車之後, 正當我準備行返入food court搵嘢食嗰陣, 突然口痕問一句：係喎鳩客, 咁你諗住間舖叫咩名呀？

鳩客好自豪咁答我：牛記！

靜咗兩秒之後, 我同R一齊好勉強咁話：好名好名..

唔怪得之我一直都想搵嘢撞過去, 鳩客真係冇改錯名..

返到入去food court, 雖然有啲肚餓又唔知食乜好, 就諗住行過去搵幫我剪咗好多年頭髮嘅andy哥吹下水.

行行下突然好似聽到有人係後面叫我個名, 我就企定定、想聽真係咪有人叫我, 跟手就畀人從後面拍咗個頭一下.

我：我屌！？
即刻擰轉面想睇吓邊個仆街拍鳩我, 竟然見到一個好耐冇見、亦都冇預計會喺到見到嘅人, 笑笑口望住我.

喺我嚟得切畀反應嗰陣,嗰個人已經講咗句：抱抱.
然之後攬住我.

我：係係...
當然,我都攬返住佢.

b：你過得好嘛？

我：都係咁囉, 你呢？

b：ok呀.

正當我諗住問下b點解喺到嗰陣, 突然電話響, 本來我都諗住繼續攬女唔理佢, 但係響咗陣b就拍一拍我膊頭、然後放開我：傻佬, 你電話響呀！

我：err....係..
心諗邊條仆街阻撚住我攬女...勁無奈咁拎起個電話黎聽.

A：喂, 我細佬呢？

我：吓？喺你春袋隔離囉！

A：屌！R呀！

我：鬼撚知咩！頭先同客一齊走咗喇！你打畀佢囉, 打畀我托柒呀？！

A：丫屌！佢冇撚聽電話吖嘛！

我：咁關我撚事呀！？

b突然喺我面前指一指佢帶住要個隻錶, 用手勢表示佢要走先, 然之後拎咗個電話示意出我入我個號碼落去.

我一路用手勢同b表示sorry, 一路入自己個電話號碼, 順便再答A：做呀！返緊公司簽約呀嘛！

A：吓？

b攞返個電話之後, 就笑笑口再攬一攬我, 之後做咗個打畀佢嘅手勢, 就行咗出門口.

我望住b行出門口嘅背影, hea答A：又吓乜撚嘢呀..

A：我連份約都未搞掂, 諗住你兩個可以拆掂佢...

我：拆佢老味咩...

A：我屌！？你哋兩把口都講佢唔掂咩？

我：講撚呀？人哋連名都諗埋啦！

A：吓！？咩名咁撚巴閉呀？

我用周星馳嘅tone答佢：牛牛牛牛....牛記呀..

A：牛牛牛牛....牛記！？條友雙碩士嚟喎！

我：係呀,你返去搞撚掂佢啦..

A：咁佢到最後決定做咩呀？

我：港式燒臘舖.

A：屌屌屌....

我：你屌佢呀, 屌我托咩...

A：唉...呢單嘢我都唔知搞到幾點, 今晚 genius 班友你幫我搞掂佢呀...

我：屌...是撚但啦麻撚煩...

收咗線之後, 想打俾b先突然醒起, 我淨係記得入自己電話號碼落去, 冇用佢個電話打返畀自己...

唉....

仆街...

Incase 有人八掛呢間牛記下場係如何...首先, 佢以keep住一年執笠一次嘅頻率, 由燒臘舖變返做酒樓, 然後由酒樓邊做茶餐廳, 再有茶餐廳變返做燒臘舖....不過聽啲叔父講, 佢呢間嘢係鳩客攞嚟洗錢同埋逃稅...

所以...斷估可以叫做得..得得得得償所願...啩...

Anyway,過咗個零星期之後, 有晚係叮噹嗰邊返返自己屋企, 一撻落床就電話響, 雖然來電顯示淨係show得個電話冇名, 但我都估到會係邊個.

b：作死你呀？做咩唔打畀我？

我：上次你冇俾你電話我呀天才..

b：唉？係咩？

我：屌...

b：嘻嘻.....點都好啦, 而家咪有囉...

我：係係, 不過真係好耐冇聽見你把聲...

b：我都係, 你點呀呢排？上次見你忙就費事阻住你.

我：ok呀,幫人開餐館..你呢？無啦啦喺first Markham plaza搞乜？

b：我係highway 7嗰邊做緊髮型鋪呀, 上次收工見得閒咪周圍行下囉.

我：Highway 7?你搬咗出嚟toronto咩？

b：唔係呀, 我仲住喺Hamilton.

我：吓Hamilton！？日日來回幾粒鐘喎, 儍撚咗呀？？

b：咁我同我條仔間屋係Hamilton呀嘛.

我：咁都係啫..

b：所以我架車有個睡袋囉,有時攰得滯唔想返去,我就喺停車場瞓覺算數..

我：屌...你真係冇變過喎..

b：邊方面？

我：黐線嗰方面..

b：你就痴線！

我：不嬲都係㗎啦....

b：咁我都知....

我：咁點呀, 搵我做咩呀？讓我一齊去睇精神科呀？

b：係呀, 順便去食飯囉.

我：好丫, 幾時呀？

b：你做餐館..咁幾時放假？就你放假嗰日？

我諗咗諗應該冇約人, 不過難得咁耐冇見b, 就算有我都會推咗佢哋..：ok呀！

b：你send個地址畀我, 到時過嚟接你？

我：都得.

b收咗線之後, 我就張屋企地址send咗畀佢, 同約好咗嗰個禮拜四, 佢收工之後出嚟食飯.

去到約好咗個日,b揸住個紅色嘅sunfire過嚟接我, 當時我已經想笑,心諗sunfire? 出咗名直路狂灣路亡, 死人車嚟㗎喎...

點知上到車,終於忍唔住笑出嚟.

b用望住個傻佬咁嘅眼神問我：做乜嘢？有咩咁好笑？

我笑住答佢：冇呀, 咁耐冇見, 你都係同當年一模一樣.

b可能以為我讚緊佢個人就勁開心, 笑著答我：幾個禮拜前你咪見到囉？

我：嗰陣時冇望真吖嘛...

b：咁而家畀你望多兩眼啦.

我：係係...多謝曬...
但其實我想講嘅係.....佢架車亂到一個點, 直頭同當年佢間房一模一樣...

坐定定扣好安全帶我就問b：食乜呀？

b：umm....我頭先過嚟嗰陣行錯路, 見到一個細嘅唐人商場,有間日本嘢好似幾得意？你有冇興趣？

我：你揸車你話事啦！

b：ok, let's go！

當架車轉咗入去b講嗰個、係kennedy and sheppard商場, 我就知奶嘢..

嗰間日本餐廳, 我好耐之前同班friend食過一次, 唔係話難食, 但一定唔係屬於好食...

不過是撚但啦, 反正成餐飯主力都係同b聚下舊吹下水, 食完唔屙咪算撚數囉...

期間話題當然離唔開吹下水想當年..

最搞笑嘅係b同我講原來舊時PDHS有份搞鳩我嗰班人入面, 有條鬼仔好撚串, 成日扮曬大佬咁, b前排見到佢去咗拍咸片幫人含撚...

（唔好問我攞番號,太耐唔記得咗喇, 總之劇情就係, 有個好出名嘅AV女星去咗間學校宿舍, 要求入面啲男學生做唔同嘅任務,成功就可以同佢屌閪.

套嘢係一個系列黎有好多集, 集集都搵唔同女星同大學. 而b唔知點解會睇到個一集, 就正正係嗰條撚樣同另外幾個男同學鬥快互含到射）

到食完飯, b就問我：你要唔要過我返工嗰間髮型鋪望下？

我聽見就答佢：吓？哦..可以呀...
心諗雖然唔知有咩好望, 但咪當吹吓水遊車河囉..

過到去, 佢間鋪又的而且確係幾靚嘅,喺正個細plaza嘅角落,全部落地大玻璃, 入面裝修都係紅色同黑色為主.

b同食煙嘅我講：係咪靚先？我第時都要開番間..

我：ok呀, 係Toronto？

b：梗係唔會啦！咁鬼遠, 黐線㗎咩！？

我啤一聲之後, 就笑住同佢講：好呀,第時你開咗call我, 我過嚟幫襯！

b：你話㗎！

我：係係...

見我食完支煙, b又話：其實我喺到做咗咁耐都唔熟呢頭, 附近有冇乜大嘅商場可以行吓？

我：吓..呢頭我更加少黎喎...不過你揸返轉頭有個都算幾大嘅唐人商場？

b：可以呀！你帶路啦！

我：哦.
諗住近近地, 我就老點咗佢去time square...

總之到最後擾擾攘攘搞咗一大輪,到b車到我返屋企嗰陣已經成十一點幾, 我就好自然問佢：喂, 原來咁鬼夜, 你今晚返Hamilton定係瞓睡袋？

b好認真咁答我：成十一點幾啦,梗係瞓睡袋啦！傻嘅咩仲返去！

我：吓？！...點解我覺得瞓睡袋仲傻嘅..

b：梗係唔係啦,瞓睡袋不知幾好. 我一陣返返去舖頭門口泊好車瞓低, 一瞓醒就直接返工, 正！

我點著咗支煙指一指間屋：Err.. 你要唔要上嚟我到瞓呀？

b：上你到？

我：係呀, 你拎埋個睡袋上嚟瞓囉,起碼叫做有瓦遮頭....

b笑住咁話：上你到就唔瞓睡袋啦！又唔係未試過同你孖舖.

我：你話事啦, 不過講明先, 我而家張床係單人床,仲有三隻貓share.

b：睡袋我都瞓得, 你覺得呢啲嘢難到我？

我：咁又係...你執埋啲嘢, 我打個電話畀條女報定案先, 你都單聲畀你條仔知啦..

b：Ok!

之後就各自打電話報案, 到我食埋支煙就齊齊上我間房.

到b沖完涼出黎, 我剛剛好收到Z電話打嚟問我係咪去食嗰間意大利嘢.

b用口型問我：你條女呀？

我直接出聲答佢：唔係丫, 我老死Z.

b都直接開聲：哦咁得啦, 諗住費事嘈住你哋傾電話呀嘛.

Z電話嗰邊問：咦？有條女講英文嘅？邊個嚟㗎？

我：係呀,我舊時paris讀書的朋友,而家出咗嚟多倫多做嘢.

Z好似有少少唔好意思咁問：咁...我阻唔阻你呀？

我諗都冇諗就答Z：唔阻,你有咩咪講囉？反正佢今晚係我到瞓一晚.
順手點著咗支煙.

Z好驚訝咁問：吓？係你到瞓一晚？

同一時間b踢咗我隻腳一下：喂, 你屋企有冇酒呀？

我用支煙指住個衣櫃：得唔凍嘅黑啤,你啱唔啱？啱嘅自己去衣櫃入面拎.

b：好過冇呀...
打開個衣櫃拎咗2罐出嚟,望住我問：你要唔要？

我：係呀,佢住得遠,今晚唔返去啦..屌！！
我剛剛答緊Z, 就用手勢示意b拋一罐過嚟,點知b條仆街直頭好似棒球投球咁樣對住我個頭一罐飛埋嚟, 好彩避得切, 嚇到我屌出聲, b就笑到跪咗喺度.

Z把聲怪怪地咁：冇事呀嘛你, 你嗰邊好似好好玩咁喎..

我擰轉面掛住搵緊罐啤酒畀佢飛咗去邊, 隨口答Z：ok㗎,你要唔要過嚟丫？我過嚟車你..

Z：唔啦....我都係唔阻你哋啦, 你得閒先call我啦...

我 ：唔阻呀, 唔係話食意大..？

Z未等我講完, 已經cut咗先.

我望一望個電話, 一瞬間都唔知點算好..

b開咗罐啤酒, 坐咗係我隔離：你老死冇事丫嘛？

我：唔知呀, 都未講完佢就cut咗我線..

b：女嚟喎...

我：係丫.

b：咁你今次死得...死到透嗰隻....

我：吓？你想講乜呀？

b登大眼望住我講：你帶女仔返嚟瞓喎！

我：吓！？佢夠成日上嚟瞓啦...

b聽完爭啲噴番啖啤酒出嚟：吓？乜話？

我：係丫,佢成日上嚟瞓㗎, 而且我都成日過去佢到瞓....

b：但.. 佢又唔係你條女...？

我：唔係丫, 我食飯嗰陣咪講過我條女叫D囉, 頭先電話嗰個係Z, 你咁快失憶呀?

b：Um... 咁複雜咁嘅好似..

我拍開罐黑啤飲咗啖之後, 笑住同b講：可以有幾複雜？舊時我哋未拍拖之前,你夠成日去我到瞓㗎啦！

b：咁嗰陣時....唉....點同呢...

我：點會唔同呢？咪又係瞓..而且有冇女都冇關係㗎, 我有嗰陣都照上去瞓㗎喇！

b：吓！？咪住先咪住先..

我放低罐啤酒, 點著支煙之後：請講.

b：即係.....你舊時同其他女仔拍緊拖嗰陣,你同你老死....Z？都有互相上大家屋企瞓？

我：有丫.

b：Um...... 總係怪怪哋咁...

我：我識咗佢咁耐, 有幾怪啫？

b：但你同佢有冇拍過拖先？

我好誠實咁答b：好耐之前拍過幾個月咁囉..

b一口氣灌咗差唔多半罐啤酒之後問我：Um... 即係...你幾年前同Z拍過幾個月拖, 散咗之後咁多年黎你哋仍然保持住關係....又會成日上大家屋企到瞓埋同一張床..？

大c遲來的恭喜發財

我理直氣壯咁話：係呀！

b捽下個額頭, 之後講：D人仲話亞洲人好保守..完全唔覺得囉..

我：丫屌...

b：唉,是鬼但啦, 你自己諗真啲啦, 飲埋罐野瞓啦,cheers!

我：屌！係你諗得複雜咋嘛..cheers!

我同b亨一亨罐啤酒, 之後一口氣飲曬佢,執埋啲嘢食埋支煙, 就達落床瞓覺.






係囉, 正如我阿媽、肥J、LL大人、其他朋友同埋b, 係你哋諗得複雜咋嘛, 我同Z識咗咁多年又拍過拖 ,我同佢一齊嘅時間仲多過我同自己條女, 又成日兩條友出去飲酒唱k、食埋同一支煙、瞓埋同一張床...

Um...

呢啲嘢全部都勁正常囉唔該..

我地擺到明冇嘢喇...

恭喜發財

是是是 你兩個一定冇野

唔舒服唔好勉強自己寫啦

我改完睇咗幾次先出, 好差定有野錯咗？

係囉係囉, 你都咁覺得呢

唔係
單純係唔想你辛苦自己

你之前話喉嚨痛嗎
我先咁講姐

嚇得我丫

有心有心
今日出咗兩天份量, 又可以偷幾日懶