［是咁的］ 我喺加拿大住咗十幾年, 識到一個女仔叫Z...（3）

Z：喂,你個friend ok喎份人.

我：b? Ok㗎, 唔係嗰陣時都唔會..做到朋友啦.. 仆街,爭啲又講錯嘢.

Z嘻一聲笑出嚟,之後話：兜咩丫兜.

我聽見個心即刻離一離：吓？

Z笑住講：識你咁耐, 你估我唔知咩, 你同得條女friend又保持聯絡嘅, 十成十拍過拖啦.

我即刻扮到懶驚訝咁：嘩,乜你講啲咁嘅嘢呀！

Z：咁你話有冇呀有冇呀有冇呀！？
講完就伸隻手指過嚟篤住我塊面.

我：Err...

Z：Err即係有啦！
Z繼續篤呀篤.

我嘗試垂死掙扎, 求其拉啲人落水：咁我同a女、S&M佢哋之前都好friend㗎, 而家都冇聯絡啦！

Z開始用d指甲語拮落嚟：所以我咪肯定你同佢地冇拍過拖囉.

我：Umm....
心諗, 雖然我真係冇同佢哋拍過拖, 但其實同其中一個做嗰啲通常係拍拖之後先會做嘅嘢....

Z：Umm都係有囉,唔該.

我再猶豫咗幾秒之後, 決定放棄：咁有囉...

Z：話咗你啦, 識你咁耐, 你唔係以為呃到我吓話！？
講完就收番隻手指,翹埋手懶得戚咁望住我.

我：丫屌...都係兜轉上Mississauga先...

Z聽見我咁講, 就好奇咁問：點解丫？我撞完你個friend冇嘢喎？

我：驅你呢隻屎忽鬼呀！

Z：妖.....咦？咪住先..咁你哋佢頭先講嗰條仔...
Z講講下突然目露凶光.

我諗都唔諗就即刻答佢：哪, 嗰個真係唔係我呀, 法官大人, 唔關我事呀..
心諗, 唔好呀Z~你唔好呀~你唔好再問啦~我唔識答呀.....

Z咪住眼望住我, 過咗幾秒之後先話：um....暫時信住你先啦....

我：係係...
係心入便,偷偷地鬆咗一口氣之後, 拿拿聲轉話題先：咦？你望一望？好似差唔多到喇喎...

Z聽見我咁講, 就即刻望出窗：係？睇過？....係喎！應該係前面嗰度轉入去...

我：係囉係囉....嘈住曬, 爭啲揸過咗...

Z：嘻嘻...sor囉...

送到佢去婚禮會場門口個停車場, 泊好車點著支煙就問Z：咁今晚你自己搞掂㗎喇喎,係咪呀？

Z 拎埋佢個袋攞埋小提琴, 打開車門準備落車之前同我講：係呀, 都唔知會搞到幾點, 可能仲有after party, 我到時叫朋友或者call車返去就得.

我：咁Ok啦, good show！
一路講一路將揸住支煙嗰隻手,伸咗過去Z面前.

Z自然大大力吸咗啖煙, 呼返出嚟對住我笑左笑：Hmm哼哼~
之後就落車準備行入會場, 臨閂門之前仲講多句：今晚call你丫！

我：係係..

望住Z行咗入會場之後,就見到陸陸續續有其他賓客嘅車駛入嚟, 既然係咁無謂阻住人哋啲泊車位, 拿拿聲食埋支煙, 就揸車趕返 genius.

忙完一晚返到屋企, 沖埋涼打住機等Z電話, 但除咗D打過電話黎問吓今日Z化妝set頭單嘢之外, 到我準備瞓嗰陣, 我電話冇再響過.

喺張床碌咗一輪之後, 心諗可能Z去咗after party, 又或者攰到仆街所以返屋企就大覺瞓？...諗諗下我自己都瞓著埋..

然之後....一連幾日都冇收到Z嘅電話, 連sms都冇個..我雖然開始奇怪緊Z唔係話搬屋咩？係咪唔使我幫手？唔通條友又玩失蹤？

不過...

是但啦,我都慣曬...

反正Z真係有事, 就自然會call我㗎喇..

所以就決定暫時唔鬼理Z, 繼續過我應返工嘅時間就返工,有溝女嘅機會就溝女嘅日子...








一早習慣咗,你喺我身邊嘅日子.

但亦都同時習慣咗, 你唔喺我身邊嘅日子.

神奇嘅係,

兩件完全相反嘅事, 係我同你身上,

可以同時進行..

完全冇衝突.

Z故 第三部 再見與再見同再見 完

又消失...

當年我負責揸機, 唔知點解明知會影到Z同b背曬光, 但又冇人投訴嗰幅相

應該係Z出世嗰陣, 唔小心click到嘅固有技能黎

嘩 z個頭

嗰個年代, 差唔多啦,係嗰種㗎喇

屌我幾時先搣到P牌比正評
BTW幾時會有第4部

有心

老婆份工聽日last day, 黎緊呢段日子佢日日都會喺屋企, 即係我唔想死嘅話, 只係可以襯返工嗰陣先可以執文

嘩屌，又消失

嘩！又消失 你之後有冇搵過佢？

放心, 今次唔會消失好耐

每次Z消失, 除咗某幾次之外, 我都好少會主動搵佢, 只會一直等到佢自己蒲頭為止

唔好問我, 我都唔知點解會咁

有冇諗過/問過其實佢失蹤係去左邊?
定係你知道原因不過冇/未講?

佢一直都冇講過,我亦都冇主動提起
總之係我角度, 佢每次到最後都會返嚟,我就ok

不過今次真係不可抗力, 佢都唔想

有冇諗過佢會唔會唔返嚟？唔返嚟嘅唔會覺得可惜咩？

如果俾我,我真係唔會忍受到,一定打爛沙盤問到督

又唔係自己條女, 佢要去邊, 關我鬼事咩

你對佢真係咁簡單?
定係同期太多野食先係咁

唉...不願置評

其實佢自己都唔知想點

定係同期太多野食先係咁
我假設自己係樓主,呢個係唯一我諗到既原因

睇見呢張相，即刻諗返起第一條女同佢去school party ,佢又係set晒頭化行裝….