［是咁的］ 我喺加拿大住咗十幾年, 識到一個女仔叫Z...（3）

Z笑住講：我幾時有遲過？次次都係你慢咋嘛..

我：一定係啦...

Z：夜d見啦！
講完Z就笑住收咗線.

D等我講完電話之後, 先問：你唔係book咗八點半咩？係咪記錯時間呀傻佬？

我：唉...啱㗎啦...

D：吓？我哋嗰日喺味鄉村食飯嗰陣,你喺我面前打過去book㗎喎？

我：唉....識咗Z咁耐, 預撚咗佢遲到喇...留定半個鐘穩陣啲...唔係啦...諗諗下佢話要化妝...不如打去改九點...
講完即刻的個電話出嚟打過去Baton Rouge：喂, 你好呀, 我叫C, 今晚book咗....想改....

D望住我急急忙忙打電話過去改時間, 除咗o嘴之外, 都唔知畀啲咩反應好..

直到等我改完時間、收咗線之後, D先問我：咁你買咗蛋糕未呀？

我：訂咗啦！因間過去First Markham嗰邊拎就得...

到睇完戲, 送咗D返屋企之後, 我拎埋個蛋糕、泊埋一邊優優閑閑食完煙, 先揸車過去接Z.

上到Z屋企, 未轉入driveway已經見到ke企咗喺佢架camry隔離食緊煙, ke見到我就舉高手打招呼, 同時指一指佢架車, 問我使唔使褪車.

我即刻揮一揮手、做咗個唔使嘅手勢, 就隨便停喺路邊.

泊好車之後落車點著支煙, 就拎埋個蛋糕行過去同佢講：喂ke, 去邊呀？我同Z去食飯呀, 一齊丫？

Ke無出聲, 淨係拉開咗佢件風褸, 入面係一件黑色polo, 同時一陣好香嘅烤肉味傳出嚟.

我：oh shit.

Ke：係呀...臨時臨急話夠人喎...

我：陰鳩公...咁使唔使買啲咩返嚟畀你？

Ke：唔使啦, 肉咋嘛...我嗰到大把...

我：又好似好有道理咁喎....

Ke：你肯定唔使泊入嚟？我食埋支煙就出去啦喎...

我望一望錶先答ke：唔使啦, 約咗七點半吖嘛, 我都特登穩陣遲15分鐘先到..

Ke聽見我咁講,忍唔住笑出聲：哈！咁你個oh shit留返畀自己都得啦...

我：吓！？

Ke：我五分鐘前出嚟嗰陣, 先聽見佢係廁所吹緊頭...

我：oh shit.

Ke：都幾㗎..

我：不過唔緊要, 好撚彩我醒目..

Ke：改咗時間？

我：我同Z講係八點, 實際約咗八點半...

Ke望一望手錶：um..有啲窄喎老細..

今次到我忍唔住笑出聲：屌, 今日打咗去改九點啦！

Ke即刻用敬佩嘅眼神望住我, 好大力咁拍手.

我：客氣.

Ke：喂C, 唔講喇, 我夠鐘出去返工.

我：咁你小心揸車呀, bye~

正當我行緊去Z屋企正門嗰陣, 剛剛上咗車嘅Ke又落返嚟, 走過嚟同我講：都係幫你開埋門先, 費事你等Z落嚟都唔知要等到幾時....你知啦..佢一開始化妝, 唔化曬都唔會見人..

我：吓！？有啲咁嘅事？我成日望住佢化嗰喎？

Ke：err...... 咁冇嘢喇..你慢慢等..

我：丫屌..

Ke：講笑啫..
講完就幫我打開咗佢哋屋企道大門.

我：唔該曬唔該曬..你放工記得返嚟食蛋糕喎..

Ke：ok啦..
幫我開咗門之後, 就行返出去上車走咗.

我一入屋就行去廚房, 放好咗個蛋糕入雪櫃之後,就鬼鬼鼠鼠行上Z間房.
心諗Z應該唔知我入咗嚟, 等我上去嚇鳩佢先..

上到去挨住Z房門口, 正當我諗緊用咩姿勢轉出嚟嚇佢嗰陣, Z突然開口：小C子！入嚟啦.

丫屌...到我自己畀佢嚇親添...猶疑咗幾秒之後、戇鳩鳩咁行入去：你又知我喺你房門口嘅？

Z繼續望住隻塊鏡化妝, 眼眉都冇哨過我一下就講：你哋兩個當我聾嘅咩！咁大聲講嘢喺我隻窗出邊吹水....

我：um.....
心諗, 又柒咗添..即刻聲轉話題, 順便搶返個主導權先：係喎, 你仲有幾耐呀？我哋遲到爆咗啦....
講完就扮曬野, 望住自己隻手錶.

Z：邊有呀..肯定仲有成個鐘...

我：吓？我咪同你講book咗八點囉？！

Z：你識我咁耐, 點會唔醒水丫....畀我個時間, 實係假㗎啦.....

我：err.......

Z：係咪呢係咪呢係咪呢~~~~

我：係......

Z：自己搵個位坐下先啦....
講完就用支眉筆指一指佢後面.

我：um..我落樓下睇住電視等你算數...

Z：都得！一陣見！bye~

我望住專心化妝嘅Z, 好無奈嘆咗口氣之後, 就自己死落樓下、瞓係梳化上面睇電視...

結果過到去Baton Rouge, 竟然比預計早十分鐘, 當Z聽見我同個waitress講約咗九點鐘嘅時候, 仲細細力拍咗我背脊一下, 笑得勁得戚...

都叫曬嘅嘢食上枱之後, 食食下Z就問我：係喎,你哋今日去睇咩戲呀？

我：The Di Vinci Code..

Z：早講丫！我都想去睇喎！

我：係囉, 你下次早講啦！咪一齊去睇囉..

Z：好唔好睇呀咁？

我：都ok嘅, 不過我冇睇過原著..唔知改成點.

Z：我諗住買呀, 買咗同你講聲？

我：好呀, 你睇完借畀我？

Z：你過嚟睇咪得囉？

我：又好...

Z：話時話...講起小說.....

我聽見Z咁講個心即刻離一離, 揼低頭繼續食嘢唔出聲、扮聽唔到.

Z等咗成分鐘都唔見我講嘢, 就伸咗隻叉過嚟、拮住我塊牛扒：喂！

我冇理佢, 手震震咁繼續切佢拮唔到嗰邊.

Z連把刀都插埋過嚟：小C子！

我見走投無路, 唯有死死地氣咁答佢：係？

Z啤住我講：你話呢？

我：um.... 唔知呀！頭先我專心切緊塊牛扒,冇留意你講咩...

Z：作死你呀！

我：生日流流死死聲咁難聽...

Z：你條友丫...即係肯定乜都冇寫過啦？

我決定放棄仲有大半件嘅filet mignon、轉戰周圍伴碟嘅Caesar salad：好忙呀...
心諗, 我真係好忙㗎...除咗陪A&R佢哋走嚟走去開檔之外, 仲要take care條九成時間都唔知佢做緊乜嘢嘅冬菇頭、再加個耐唔耐就鬼上身嘅叮噹..

Z：唉...我唔理呀, 一係咁, 下個月有頁吉咗出嚟, 你幫我諗掂佢..

我：唉...都話咗生日流流, 講啲咁嘅嘢做乜鬼..

Z反曬白眼感覺：咁當我今年生日願望好未呀？

我見有位入, 即刻答佢：咁又唔同講法！一頁紙咋吓話？我死都同你死掂佢！
之後拎起枱面背气水對住佢：cheers ！

Z：啤....
勁無奈咁拎起佢配紅酒, 亨咗我杯气水一下.

因為第日我要返早嘅關係, 所以嗰晚食完飯、返到Z屋企切埋蛋糕之後, 再hea多陣我就準備返屋企瞓覺.

Z同我企咗係我架車隔離食緊煙嗰陣, Z笑住講：喂！除咗生日快樂之外, 你冇嘢講㗎？

我：um....身體健康？

Z：比啲誠意好唔好？

我：...龍馬精神？

Z：拜年呀！？信唔信我即刻幫你開個早年？

我：年年....有今日？

Z：妖！

係Z出手打柒我之前, 我已經拿拿聲匿返上車鎖埋門, 笑笑口咁望住喺車出面, 不斷嘗試開我車門嘅Z...



的而且確.
年年有今日.
但每年嘅今日.
你身邊嘅人, 由某一年開始已經唔再係我.

Baton Rouge 生日飯

D 真係點頂得住Z 既存在

D係好人囉



















我同Z係綑綁式銷售, 接手嗰個冇得頂、要硬食㗎

等睇你番加拿大之後佢老公你老婆咩反應

佢剛剛買咗機票3月18 飛Vancouver

D 真係無得彈

係, 平到仆街.

但可以彈佢粒lin

續集要來了

呢個post可以永續

唔會啦, 我仲等緊IRCC覆我個ARC, 都唔知要等到幾時

1001

Z如果睇到你啲文知你食咁多女會有咩後果呢？

所以我冇諗住send畀佢

可能佢自己睇連登睇到

話時話, 我喺舊登講鬼故嗰陣, 有個巴打pm我佢知Z係邊個、仲見過真人

現任老公殺上門

佢一嚟就直接pm Z個姓比我

之後先解釋佢哋唔同大學, 只係曾經係兩間大學嘅華人學生會, 所舉辦嘅辯論比賽對決過